¹ Isaias irianji Amos irri lridana jalrami Babilonia naco, ² Anji jipana meyaninaco, nocadaotsa vandera itjinátio, lrivana caida narro, pjirreta picapí narro neevacarroa italricanati irri ipanano malrico ³ Nomenaca nanji nolrope matsiaperri, ajaca, novanaca njanji noatsiatenai caidáperri, ajaca, novanaca njanji noatsiatenai caidáperri nanaita-carro hjanji noirroa, nanji norre'tanjipá atsiasho. ⁴ Namadre nanji aimadan inaiki anji jipananaco, cainji pjemicapisho aimadan. njite namaolre nanji ivaketacacape Rey nai cainji jipai aimadan ivaketacacapisho. ⁵ Nanoatsa tecoite jipai, tecoiteperripá eno tanjite, waminalri inoátsa piomi lrinoacashópa lriraketacarro piomi jipai. ⁶ Ivana caida, ima tsomiketsa waminalri jinana; lrinoátsa lrivayaketacarro, lrianji caidadalri piomi tota. ⁷ lricaote maidaca nanapa veepalri inocan maidatsaca nacalre, ⁸ Nafiocao, icaiyatisho, ifiokjetisho. ⁹ icapa lriadavatsa waminalri inoca inoátsa irroati yapiya keya kerrolrico, lricadacarro maminalriná jipai, lrivaketa nanji camatsicanape. ¹⁰ Nanji jifirrida. énonacope, corrivatsa nacanaca, lrianji jerri cadaocacaotsun, lrianji kerri corrivatsa lricanaca. ¹¹ Njerrapjitetaotsa nanji jalredaucalricoperri namatsicaná icaote, nátsaca apetsida matsiperrin namatsicanáima.noraketa natsialriaca, norrocoeta napalreca. ¹² Nocadaotsa tsonatsa inaiki, cainji tsocapishotsa irianji evirro matsiadalri. ¹³ Nioniotsa nocada cananica ceno, njite nothalracaotsa lrianji jipai lriofacaya yoya, lrirroa ima lrianji ovinai iminalri.kerroacada-nacoatsan, matsina. ¹⁴ Cainji malri ivinitacadasho, o cainji oveja maminalrisho, Nadiaotsao piomi nanji atsianai nanaikite ideerre, nadiavatsa njepaiterricolre. ¹⁵ piomi naoketanji nini nainona, piomi njepanji nini nainotsaca na, matsetsaho. ¹⁶ Neenipetsaca nabititana pavalrepená nacapaverrico.njeta napana ithada piomi, nepa naninai caidalrico naticarrona. ¹⁷ Icapa vedepjia nometaca nainji medo nainoa-cacarroa. nanji corripetsa coadao irro palrata corri joivi nacaoca ovirro. ¹⁸ Nayavita nanji yeempetiapape, corrin kena nacapa yempetidape, corrintsa kena nacapa kirraitalrinai. ¹⁹ Njite lrianji Babilonia, joidalripa nacapaca iReino, lrianji nayacalre imatsiaca nanji caldeo Dios ivaketan cainji sodomasho, Gomorrasho. ²⁰ Corrivatsa coca yofaca nini, Corrivatsacoca yofa nini aima jalredaoca, Nanji árabenai corrivatsa naofáca napanalrico nirre, corritsa narroca navapacarroda, nápirra nánji capirraperri, nafafeta-carrodao. ²¹ Mitsa nanji maficalri avacalricope, jalrapoco iricopetsaca, naofacaotsa ninio, napanan rricoatsa polcamina jónada,kepirra macapalripe corriperritsa itaita yárracao, nátsaca trinonape inácape iñacape maficalri navatsianjico ninio. ²² maficalri tsino-shope nmatha caida anji lripanalrico, nátsaca apetsida tsinopanalri nanjicao lripanan rrico matsiacarapia.Medetsa lrirro jalredaoca, corritsa coca ithata yarantaca lrianji jalredaoca ino Babilonea naco.