¹ Wa Minalri iaco Samuel isho ''¿Coancaojli pjenaotsa piiyacaotsa Saúl naco? Cayoca pjia nomenata cayamini jliacawa pia Iraelnai italricanaa. Pipacjanta jliaji vaaca itsowa pishonda aceite sho piá carro lriapiya. Nomeenaca piá carro Isaí iipana ricojle Belén ricó, ima noniwanaca noshowao talricanati carró pada lrienipe nacjoite.'' ² Njite Samuel jiepani, lriaco: ''¿Coanjentja noacawa? Saúl jimicadaa jliaji, lriinomtja njoa.'' Wa Minalri iaco lrisho: ''Pjipa apana baca walrini toa imotocao pineiwa njite piaco nasho naji inaiki, "Nonoca noinoni Wa Minalri isho". ³ Piwana Isai lriacarro pinei pinocawa maficalri, njitewatsa nocañjata picapa lriaji pisholritsa pinaitjaca. Piniwana watsa Nonaco jliawatsa Ljiaji nocaiterri pisho." ⁴ Samuel inaitja cayoji Wa Minalri icaite capiso lrisho njite lriao Belen ricojle. Njaji pekipenai yacalre ricoperi jorre nafiocao nacadanaco nacoadatani njite naco natatjacani: "Pja matsiatsa jliaji pinoca?" ⁵ Lriaco jliepacana: "Jo, matsiatsa jliaji nonoca; Nonocatsa noino maficalre Wa Minalri isho. Imatsietaca Wa Minalri inei njite ino noinei wacarro waino maficalre." Caicarro jlienitaca jliaji Isai lrienipe iapiya naacarro naino maficalre lrinei." ⁶ Nano cadanacoena, lricapa Eliab isho njite lriaco lrishowaca, ajádadlri nocapaca nopeyajle jliaji wa Minalri jienetanda lrishowaawa. ⁷ Mitsa wa Minalri iaco Samuel isho: ''Maomatsa picapa jliatsa jliaji lricapacanaatsa, o jalripá capoatsani; ima Nomenatandacan. Ima jliaji Diu corritsa lricapaca cayoji atsianai icapa capisho; ima jliaji atsia lricapa jliatsa jliaji icapacanati peemajlé dalritsa, mitsa Diu icapa nacaolre ricó. ⁸ Njite Isaí iwana Abinadab, njite lricadaa lriemao Samuel icapao. Njite Samuel iaco lrisho: ''Corri tsacja Diu iniwanandaca jliaji.'' ⁹ Njite Isaí icadaa Sama jiyapao. Njite Samuel iaco lrisho: ''Corri tsacja Diu iniwanandaca jliaji.'' ¹⁰ Caiminitsa Isaí icadaa njeyapawa njaji lrienipe sietedée Samuel ipeyajle. Njite Samuel icaite Isaí isho corricatsa Diu iniwanaca pada nanacjoite. ¹¹ Jliapodamina Samuel iaco Isaí isho: "Icamitsa pienipeca pjiomi njaji?" Lriaco jliepacani: " Nini pjatoa jliaji iwerriti, mitsa lriwapa catoa njaji oveja." Njite Samuel iaco Isaí isho: "Pimenaca naa naomani; ima corriotsa waofaa wainja kjerre catsa lriocao." ¹² Isai imenaca naacarro naomani njite nadeni. Njite jliaji lrirrica jliaji, matsiadalri icapacana, matsiape njaji lritji njite matsiadalri icapacana, papeyonda pacapaca isho. Wa Minalri iaco Samuel isho: " Pjinicoa, piarró carró lrinaco aceite; ima jliaca jliaji noniwanalri." ¹³ Ikeena Samuel, jipa jliaji aceite lriarroda lricó njite lriarro lrinacó napecolricotsa njaji lripjeenai. Diu iEspiritu iofaa David naco jliadaa nacjoite. Njité dalri Samuel jinico iawa Ramá ricojle. ¹⁴ Diu iEspíritu imácaca Saúl njite pada icaojleti maatsídalri Diu inacjoité dalri lri matsikeetá carroni. ¹⁵ Njaji idenjicaperri Saúl isho, naaco lrisho: ''Picapa, pada icaojleti maatsídalri Diu inacjoité dalri imatsikeetaca pjia. ¹⁶ Pinaa jliaji waapiyawalri, ianjicada wanaco, faa iemalri pipeeyajle, lriomá carro apada atsia ianjicada ikjemataca arpa. Lrino jliewa cádanaco pinaco jliaji icaojleti maatsidalri Diu inacjoité dalri, lrikjemataotsa lri arpan njite matsiá watsa pianjiacacao. ¹⁷ Niini Saúl iaco nasho njaji lrishoperri: ''Ioma nosho pada atsia ianjiicada ikjemataca matsia arpa njite ideotsa noshon.'' ¹⁸ Njite pada lrishodalri iempeti toa jiepan, lriaco: ''Nocapa pada Isaí ienipe Belen dalrí, ianjiicada ikjemataca lri arpan, atsia kjaidete, mafiocádalritsa, inoacacáda oowi ricó, canjikjédalri caacoca, matsiapalri; njite lriinai catsa wa Minalri caidalritsa. ¹⁹ Njite Saúl imeenaca inaiki ideecape iacoti Isaí isho, njite naaco lrisho: ''Pimeenaca noicjaolre jliaji pirrí David, jliaji iwapacada oveja.'' ²⁰ Isai iwaketa jorre injaodati, apana iarropetida pacjandalri jaico tjeda iana sho, apana cabra ienipe; njite lripápi apana borro nacó lrimenacá carro lrirrí David iinai Saúl ishó. ²¹ Ikena David ioca jiewa Saúl icjaolre njite lricadaa lrishodalri carroni. Saúl ipeyocapoa pekirritsa, lricadaa David carro jipa Saúl iapiya lridaanaita oowi ricó. ²² Saúl imeenaca iacoti Isai isho cayoji: ''Picadaa David noinai, ima catiima nocapacani. ²³ Ima lrinocádanaco jliaji icaojleti maatsidalri Dio inacjoite dalri Saúl nacó, David jipa ikjemata lri arpan. Njite jliaji icaojleti maatsidalri jienamana Saúl ioya, icaamina matsia lrianjiacacao.