¹ Noemi, piaja pame jumaitsi: "Tajjünütayo, jjanü nenakueie ewetsinejja, nejjatadajjita pekato, jjanepanachejja. ² Acconojjae Booz, pa pebi praja petinowi cayawa nacuenaba ¿ Apoyowaja monaenuraja? Taima, bajara ponü ajena merawi cabado penetsiena. ³ Hajarajuitsia nawaima, natujuwiere, najjatare pejjanio eseto, rumaneremeka pabiajawabereca. Putsa naya pütae ejjaname, penajani wetsicuijinoel. ⁴ jumatejamomire, itsa jota bocaena, najumatobrinapire itsa jota boca, bajara panü nimojjoyotsinejja, tajjúparre, nabokare bajara jota. Nejjata bajata ponu kajumeitsitsane detsajjüia itsimütsane. ⁵ Rut jumeitsi Noemi nejja: jjanüra itsintsanedajjita jjua nejumeitsimü. ⁶ Bajara powa runareka pabiareka, jumekowünüta pahwaisijjua pame jumeitsitsi. ⁷ Itsa Booz itsa najani weretu, jamatabükuene Bariya Dujara punü boka jopareca pejjutsutojawabereca. Nejjata bajara tsina yapütaeya tajjüpata naboca. ⁸ Bajaraponü, merawitutujuta nabejenatama, ajar panü napü napuniyorota, ajara jota saya naboka petajjupia jawata. ⁹ Bajara ponü jumeitsi: gigatsamü?, bajara powajumepita: jjanü ra ranü, niaja praniwanüjumuata jjure nija pamata nija prieniwa, jjamuraja tajabananumü imojoyo. ¹⁰ Booz jumeitsi: "Dioso kabendiciabiena. Netsi itaujütame tame asiwacuenemü pekopia rukaejawa petajjujjuabi kuijinae, tsipaji apopünaponaemü taja prebijiwi pewajuewi, apo pejjeinaiwi, pejjeimawiata. ¹¹ Aekojjae, tajjünütayoputsa juna wamejjanuitsünutsane dajjita jjaa nejumetsümü, tsipajiraja dajjitajiwitaja tomara pijiwiyapütanenecuene jjaneponaiwa. ¹² Aecojjae jjaniajjaniujanu nija bananünü imojjoyo: Itsiatajane, Ita bananü imojjoyojjanewekua. ¹³ Nakoparejota pamerawi, bajaja kanua itsaajarponü itsitsane nija bamonü. jjanepana to copare pe itsinejjanija bananü itsa arponü apo itsitsane de itsinejja jamunejja nejja jjanü itsintsane, Dioso pejamatabukueneta bocare merawiajawalia. ¹⁴ Nejjata bajara powa petajju jawata merawiajawalia nejjata nanatapuna itsa abajja kirijei. Itsipaje Boob jumaitsi: karenamüure nenojjatatsi pana waitabare. ¹⁵ "Itsa bajara powa Itsi, to kejüta seis pa cebada mimajawa tsijumabuatsia. Nejjata arponci pona tomarabelica. ¹⁶ Pakujinae Rut pame jawaberena patajopa, ojara powa jumaitsi: ujüae, de pakuenia ma itsimüje? Nejjata Rut tsipaeba jjuanü yawenonatsi. ¹⁷ Ajara powatsipaeba: "Pa seis (6) cebada jaea beje nerajuta, nejumaitsi: Kobesa ne patajopa yenewa ame jawabelia. ¹⁸ Nejjata Nohemí jumaitsi: Jamata ejemamüre, ujūae, penayaputae jawabelia pa liwaisi, tsipaji Ajara ponü jema apo nukae tsane pamatakobita pena yapütae jawabelia pakuenia jjuaje nakopata.