3 ^{1 2} كالو المؤمنين لازم يكونون تحت سيطرة الحكام والدوله ,ويخضعون للقانون ,ويكونون حاضرين لكل عمل زين ,وما يكولون موزين لاي احد ,وما يكونون مزاعلين, لكن زينين وحبابين يعاملون الكل بمحبه كامله. ³ فكلنا جنا بالماضي اغبياء, ومانسمع, وتايهين بالضلال ,خدام نخدم الشهوات والرغبات المختلفه ,نعيش بالخباثه والخداع والحسد, مكروهين وكارهين واحد للاخر. ^{4 5} ولمن بينت محبة الله ولطفه واحسناته- وحبه للناس خلصنا ,مو على اساس اعمال صلاح سويناها احنه, لكن على اساس رحمته -هو غسلنا مثل مايغسل الخليقه الجديده والتجديد الي يسوي الروح القدس, ^{6 7} الي يديره علينا بكثره بيسوع المسيح مخلصنا .حتى اذا اخذنا البراءه بنعمته, نصير ورثه حسب املنا بالحياة الابديه. ⁸ صحيح هذا الكلام. واريد ان ناخذ قرار حاسم بهاي الامور, يهتم الي امنو بالله بان يتميزون بالاعمال الزينه. هاي الامو زينه ومفيده للناس. ^{9 10 11} لكن المسائل السخيفه, والاصل والفصل ,والزعل, والعركات على الشريعه نبتعد عنها ,لان مو مفيده ,وباطله. والرجال المخادع بعد ماتنذره مره او مرتين ابتعد عنه ,واعرف انو مثل هذا منحرف, ويمشي بالخطيه وحكم على نفسه بنفسه. ^{12 13} ادزلك ارتماس او تيخيكس ,لازم تجي لمدينة نيوكوبولس ,لان قررت ان اعيش فصل الشتا هناك .اريد ان افرج عن زيناس المحامي وابلوس بعد ان اهيئهم للسفر حتى مايحتاجون الى اي شي. ¹⁴ حتى يتعلمون ان يسون اعمال زينه لسد حاجتهم المهمه حتى مايكلون ماعدهم انتاج. ¹⁵ كل الي ويايه يسلمون عليك... سلم على الي يحبونا بالايمان .تكون النعمه وياكم كلكم!