2 ^{1 2} وانت علم كلشي يوافق التعليم الصحيح, واختار الشيوخ :الي يكونون ثكال, وعدهم كلمه وحكمه وقورين عارفين الايمان والمحبه والصبر. ^{3 4 5} وهمين لازم تكون الكبار بالعمر :عدهم سمعه زينه بالقداسه ,مو نمامات ,ولا مدمنات للمشروب لكن معلمات الى كل شي صالح حتى يدربون الحديثات على ان يكونو يحبون رياجيلهم واولادهم ,عاقلات, شريفات ,يهتمون باشغال بيوتهم ,صالحات, مطيعات لرياجيلهم, حتى مايحجزن ولا وحده منهم بالغلط على كلمة الله. ^{6 7 8} وحتى الشباب احجو وياهم لازم يكونون عاقلين, مخلي نفسك بكل شي مثل للاشغال الزينه ,مبين بتعليمك الصفاء ,والوقار ,والحجايه الصحيحه ,الي ما يلومك بيها ,حتى يخجل المقابيلك ,والي رافضك لمن مايشوف اي شي موزين يكولو علينا. ^{9 10} وعلم الخدام لازم يكونون تحت سيطرة اسيادهم ,يسمعوهم بكل شي ,ومايعاندوهم ,ولا بواكين لازم يبنون الامانه ,الزينه حتى يجملون في كل شي تعليم مخلصنا الله. ^{11 12 13} لان نعمة الله الي شايله وياها الخلاص لكل الناس, بينت وهي تعلمنا ان نقطع علاقتنا بالاشياء الي موزينه في العالم ,وان نعيش في الوقت الحاضر, حياة العقل ومخافة الله الى ان ننتظر تحقيق امنيتنا الحلوه وراها نطلع بالعلن لمجد الهنا ومخلصنا العظيم يسوع المسيح. ¹⁴ الذي فده نفسه علمودنا, حتى يخلصنا من كل خطيه ,وينظفنه اله ناس خاصه تجتهد بالاشغال الزينه. ¹⁵ بهذه الاشياء نحجي,,. ونعلم ونوجه بكل سلطان .وما نخلي احد يستهزئ بيك.