1 ^{1 2 3} من بولس ,الرسول عبدالله ,ورسول يسوع المسيح ,في طريق ايمان الي اختارهم الله ويعرفون الحق ,الموافق للتقوى, على امل الحياة الابديه, الي وعد بيها الله الخالي من الكذب ,من قبل السنين الطويله, بعدين بين كلمته في وقتها المحدد ,بالبشاره الي خلت امانه بين ايده ,ومن خلال امر منقذنا الله, ^{4 5} الى تيطس ,ابني الحقيقي للايمان المشترك : بيناتنا حتى تكون الك نعمه والسلام من الله الاب والمسيح يسوع منقذنا .عفتك بجزيره كريت حتى تكمل ترتيب الاشياء الباقيه, تخلي وتنصب شيوخ بكل مدينه مثل ماكتلك. ^{6 7} بس بشرط ان يكون كل واحد منهم ماعنده تهمه ,رجال لمره وحده ,واب لاولاد مؤمنين, ما يديرون بال للخلاعه والتمرد. حتى الراعي لازم يكون :برئ من كل تهمه باعتباره وكيل الله ,لا مغرور بنفسه ,ولا عصبي ,ولا يشرب خمر ,ولا عنيف ,ولا يركض وره المكسب الربح الغير الشريف, ^{8 9} لكن بالعكس يكون مضياف للغربه ,ويحب الخير, ثكيل يخاف الله ,تقي ضابط نفسه يعرف الكلمه الصادقه الي توافق التعليم ,حتى يكون كادر على تشجيع المؤمنين بالتعليم الصحيح وعلى ان يفهم الي يعترضون. ^{10 11} هناك هوايه من المعلمين الباطلين, والكذابين والي يقشمرون عقول الناس ,وخاصة المطهرجيه, هذوله لازم تنسد حلوكهم ,لانو يدمرون بيوت هوايه, لان يدرسون تعاليم ماالمفروض ان يعلموها, من اجل هدف تافه ورخيص. ^{12 13} كال واحد منهم ,هو عدهم نبي خاص :بيهم الناس الي بكريت دائما يجذبون وحوش قبيحه .هذه شهاده صحيحه .فلازم نكون حازمين برزالتهم حتى يكونون من الناس القويين بالايمان, ¹⁴ مايركزون عقولهم بالخرافات اليهوديه, والوصايا الناس الي يتحولون عن الحق ويكونون بعيدين. ^{15 16} عند الشريفين كل شي يكون شريف وطاهر, اما عند الوسخين وغير المؤمنين فما كو شي طاهر, ونظيف فعقولهم وضمائرهم .همين صارت وسخه يعترفون انهم يعرفون الله ,لكن باعمالهم ينكرو ,لان همه مكروهين وما يطيعون ,وراها طلع همه مو اهل كل عمل زين.