¹ اعملوا الخير للناس الكل يا خاوتي, اذا كان واحد منكم غلط غلطة, رجعوه للطريق انتوما الروحيين بالروح تاع الوداعة. و كل واحد يعس على روحو باه يطيحش هو ثاني. ² تعاونوا و هزوا لحمال الثقيلة مع بعضاكم, و هكّا تمموا شريعة المسيح. ³ على خاطر كان واحد حاسب روحو حاجة و هو حتى شيء, هاذاك بخدع في روحو. ⁴ كل واحد فيكم يحاسب روحو على افعالو, وقتها يقدر يزوخ بافعالو هو برك, مش بافعال غيرو. ⁵ على خاطر كل واحد يهز لحمل تاعو. ⁶ اللي يتعلم الكلمة يشارك مع اللي يعلمها في جميع الخيرات. ⁷ ما تخدعوش ارواحكم! ما تستهزاوش بالله. الواحد ما يحصد غير الشيء اللي زرعو. ⁸ اللي يزرع للجسد من الجسد يحصد لفساد, و اللي يزرع للروح من الروح يحصد حياة دايمة. ⁹ ديروا الخير و ما تفشلوش على خاطر اذا كنا ما نفشلوش راح نحصدوا في الوقت المناسب. ¹⁰ ما دام عندنا فرصة نديروا الخير في الناس الكل, و بالخصوص اهل الايمان. الخليقة الجديدة ¹¹ شوفوا, قداه كبيرة الحروف اللي كتبتها هنا بيدي! ¹² هاذوك اللي يحبوا ينعتوا ارواحهم و يزوخوا بالظاهر تاع الجسد, اللي يحتموا عليكم لختانة, غير باه يمنعوا من الاضطهاد في سبيل صليب المسيح. ¹³ على خاطر حتى اللي يتختنوا ما يمشيوش بالشريعة, بالصح يطلبوا منكم انتم تختنوا باه يفخروا بالجسد تاعكم. ¹⁴ من جيهتي انا, حاشا ليّا كان نفخر غير بالصليب تاع ربنا يسوع المسيح, اللي بيه تصلب العالم ليّا و انا بيه تصلبت للعالم. ¹⁵ على خاطر في المسيح لختانة كي تديرها و الا ما تديرهاش ما تنفعك في والو, بالصح اللي ينفع كي تولي مخلوق جديد. ¹⁶ السلام و الرحمة على كل من يسير حساب هاذا القانون, و على اسرائيل الله. ¹⁷ من اليوم واحد ما يزيد عليا التعب, على خاطرني هاز الصفات تاع الرب يسوع في بدني. ¹⁸ النعمة تاع ربنا يسوع المسيح تكون معاكم يا الخاوة. امين.