¹ اثبتوا مالا في الحرية اللي حرركم بيها المسيح, و ما ترجعوش للنير تاع العبودية. ² انا بولس نقول لكم: اذا كان درتوا الختانة ما ينفعكم المسيح في حتى شيء! ³ بالصح نقول مرة اخرى لكل واحد مختن باللي لازم عليه يمشي بالاحكام تاع الشريعة الكل. ⁴ و الناس اللي طالبين التبرير بالشريعة انتوما قطعتوا كل علاقة بالمسيح. و طحتوا من النعمة. ⁵ اما احنا نستناو رجاءنا ف الله يبررنا بالايمان بالقدرة تاع الروح. ⁶ على خاطر في المسيح يسوع سواء يدير لختانة و الا ما يديرهاش ما راح تنفع في شيء. ينفع غير الايمان اللي يعمل بالمحبة. ⁷ كنتوا ماشين مليح. شكون صدكم باه ما تطاوعوش الحق؟ ⁸ هاذا الشيء ما هوش من عند اللي ناداكم. ⁹ "خميرة صغيرة تخمر لعجينة الكل". ¹⁰ بالصح عندي فيكم ثقة في الرب باللي انتوما ما عندكمش تخمام واحد اخر. بالصح اللي قاعد يشوَش عليكم يستاهل العقاب يكون واش يكون. ¹¹ اما من جيهتي انا يا خاوتي اذا كان مازلت نبشر بالختانة, علاه مالا يضطهدوا فيّا؟ على خاطر هكا العقبة تاع الصليب تبطل. ¹² يا ريت الناس اللي يشوشوا عليكم يقطعوا هما ثاني! ¹³ انتم الله ناداكم للحرية يا خاوتي. بالصح ما تجعلوش من الحرية فرصة باه ترضِيو الجسد, اخدموا بعضاكم بالمحبة. ¹⁴ على خاطر الشريعة كاملة تتلخص في كلمة واحدة: "تحب قريبك كيما نفسك بالذات". ¹⁵ اذا راكم تنهشوا و تاكلوا في بعضاكم, ردوا بالكم لا تفنِيو بعضاكم. الروح و الجسد ¹⁶ بالصح نقول: سيروا بالروح وقتها ما تخدموش شهوة الجسد. ¹⁷ على خاطر الشهوة تاع الجسد هي ضد الروح و الشهوة تاع الروح هي ضد الجسد, و كل واحد فيهم يقاوم لاخر. حتى تولِيو تديروا لحوايج اللي ما تحبوهاش. ¹⁸ بالصح اذا مشيتوا بالروح ما تكونوش تحت الشريعة. ¹⁹ و الاعمال تاع الجسد باينة, و هي: الزنى, الفسق, النجاسة, الدعارة, ²⁰ الاصنام, السحر, لعداوة, لخصام, الغيرة, السخط, النفاق, التفرقة, البدعة, ²¹ الحسد, القتل, الشراب, القسوة, و كل ما يشابهّا اليوم نحذركم كيما حذرتكم من قبل: جميع اللي يديروا هاذي الامور الكل ما يورثوش الملكوت تاع الله. ²² اما الثمار تاع الروح هو: محبة, فرحة, هنى, صبر, لطف, صلاح, امانة, ²³ حذاقة, عفة. و ما كان حتى شريعة تنهي على هاذي الحاجات. ²⁴ بالصح الناس اللي للمسيح صلبوا الجسد مع الرغبات و النزوات. ²⁵ اذا كنا عايشين بالروح, مالا نزيدوا نمشيو بالروح ثاني. ²⁶ ما نكونوش متكبرين نغضبوا و نحسدوا بعضانا.