¹ يا ناس غلاطية الاغبياء, شكون سحر عقولكم حتى ما تسمعوش للحق؟ انتوما اللي قدام عينيكم ترسم يسوع المسيح مصلوب بينكم! ² حاب نفهم برك منكم هاذا الشيء: انتوما نلتوا الروح القدس بالاعمال تاع الشريعة و الا بالخبر تاع الايمان؟ ³ للدرجة هاذي انتم اغبياء! بعدما بديتوا بالروح تكملوا بالجسد؟ ⁴ استحملتوا هاذا الكل هكذاك باطل؟ اذا كان باطل! ⁵ اللي يعطيكم الروح, و يعمل المعجزات في وسطكم, دارها بالاعمال تاع الشريعة و الا بالخبر تاع الايمان؟ ⁶ كيما "امن براهيم بالله و تحسب ليه بر". ⁷ يكون في علمكم باللي الناس اللي همّا في الايمان هاذوك همّا اولاد براهيم. ⁸ و الكتاب سبق و شاف باللي الله يبرر الامم بالايمان, سبق و بشر ابراهيم و قالو: "فيك انت تتبارك جميع الامم". ⁹ مالا اللي هما من الايمان يتباركوا مع ابراهيم المومن. ¹⁰ و جميع اللي همّا من الاعمال تاع الشريعة همّا تحت اللعنة, على خاطر مكتوب: "ملعون كل اللي ما يعملش بجميع الفرايض اللي جاءت في الشريعة و ما يثبتش فيها". ¹¹ واضح باللي واحد ما يتبرر بالشريعة عند الله, على خاطر "البار يحيا بالايمان". ¹² بالصح الشريعة ماهيش من الايمان, " الانسان اللي يخدم بيها يعيش بيها". ¹³ المسيح فدانا من اللعنة تاع الشريعة, كي ولي على جالنا لعنة, على خاطر مكتوب: "ملعون كل من يتسمر على لوحة". ¹⁴ باه نولِيو احنا براكة ابراهيم للامم في المسيح يسوع, باه ننالوا بالايمان الوعد تاع الروح القدس. الشريعة و الوعد ¹⁵ يا خاوتي, على حساب المنطق تاع البشر نقول: واحد ما يفسخ و لا يزيد على عاهد اذا كان ثابت حتى لو كان من انسان. ¹⁶ اما الوعود اللي تقالت على ابراهيم و على النسل تاعو. ما يقولش: "الانسال" تقول عليه يهدر على قداه من نسل, بالصح هو يهدر غير على واحد: "و في نسلك" اللي هو المسيح. ¹⁷ بالصح هاذا اللي نقول: الشريعة اللي جات بعد ربعميا و ثلاثين سنة, ما تفسخش عاهد ثبتو الله قبل من جيهة المسيح حتى يبطل الوعد. ¹⁸ على خاطر اذا كان الورث تاع الله مبني على الشريعة, مالا ما يكونش وعد. بالصح الله وهبو لابراهيم بالوعد. الهدف من الشريعة ¹⁹ علاه الشريعة؟هي تزادت على جال المعاصي, حتى ن يجي النسل اللي جعل الله بيه الوعد. و خبرت بيها الملايكة على يد وسيط, ²⁰ و الوسيط يقدر يكون اكثر من واحد. بالصح الله واحد. ²¹ هل الشريعة تخالف الوعود تاع الله؟ حاشا! على خاطر لو كان جات الشريعة قادرة تحيي يكون صح التبرير بالشريعة. ²² بالصح لكتاب حط الناس الكل تحت سلطان الذنوب, باه يمد الوعد اللي يجي بالايمان بيسوع المسيح للناس اللي يامنوا. ²³ بالصح قبل ما يجي الايمان كنا كلنا محبوسين تحت حكم الشريعة, حتى ن يبان الايمان اللي يستناو فيه الناس. ²⁴ الشريعة كانت هي اللي تربينا حتى يجي المسيح, باه نتبرروا بالايمان. ²⁵ بالصح بعد ما جا الايمان, ما بقيناش تحت يد المربي. ابناء الله ²⁶ على خاطر انتم الكل اولاد الله بالايمان بالمسيح يسوع. ²⁷ على خاطر انتم الكل اللي تعمدتوا بالمسيح لبستوا المسيح: ²⁸ ما بقاش فيها يهودي و لا يوناني. لا عبد و لا حر. لا ذكر و لا انثى, على خاطر كلكم واحد في المسيح يسوع. ²⁹ اذا كنتوا للمسيح, انتوما مالا نسل ابراهيم, و على حساب الوعد انتوما وراثة.