¹ و من بعد ربعطاش ن سنة زدت طلعت لاورشليم مع برنابا, و ديت معايا تيطس. ² و رحت بالوحي من عند الله, و عرضت عليهم همّا قدام المومنين لكبار الانجيل اللي قاعد نبشر بيه بين الامم, باه ما يروحش التعب تاعي اللي تعبتو قبل و اللي قاعد نتعب فيه اليوم باطل. ³ و ما حتموش على تيطس اللي كان معايا باه يتطهر, و هو يوناني. ⁴ بالصح على جال الناس اللي حاطين رواحهم خاوة بالكذب اللي دخلوا في وسطنا بالتخبية باه يتجسسوا على الحرية تاعنا في المسيح و يسيطروا علينا, ⁵ بالصح ما استسلمناش ليهم خلاص حتى ساعة , باه نحافظوا على الحق اللي في الانجيل كيما عرفتوه. ⁶ اما اللي كانوا من كبار المومنين ـ مهما واش يكونوا ما عندي حتى فرق, الله ما يشوفش بالوجوه ـ همّا ما شاروا عليّا بحتى شيء. ⁷ بالعكس, شافو باللي الله عطاني الانجيل امانة بين يديّا للامم اللي ما عندهمش ختانة كيما عطاه امانة لبطرس لليهود لاهل لختانة. ⁸ و اللي عمل في بطرس للرسالة تاع لختانة عمل فيّا انا ثاني رسالة للامم. ⁹ و كي علموا بالنعمة اللي نعم بيها الله عليّا, يعقوب و بطرس و يوحنا و همّا العرسة تاع لكنيسية, مدولي انا و برنابا يمين الشركة باه نكونوا احنا خدّام للامم, و يكونوا همّا خدّام لليهود. ¹⁰ بالصح طلبوا منّا باه نتفكروا الفقراء. و هاذا بالذات الشيء اللي حرصت عليه بالجهد اللي عندي. بولس يواجه بطرس ¹¹ بالصح كي جا بطرس لانطاكية وقفت في وجهو و قاومتو, على خاطر كان ملام. ¹² قبل ما يجيو جماعة من عند يعقوب كان ياكل مع الامم, و كي جاو وخر و جبد روحو, و خاف من اهل الختانة. ¹³ و تبعوه ليهود لخرين هما ثاني في النفاق تاعو, و حتى برنابا مشى معاهم في النفاق تاعهم! ¹⁴ و كي شفتهم ما مشاوش قدقد على حساب الحق اللي في الانجيل, قلت لبطرس قدامهم الكل: "اذا كنت و انت يهودي تعيش كيما الامم مش كيما ليهود, علاه مالا تحتم على الامم يعيشوا كيما ليهود؟" ¹⁵ و احنا بالطبيعة يهود ماناش كيما الامم المذنبين, ¹⁶ نعرفوا باللي الانسان ما يوليش بريء بالاعمال تاع الشريعة, بالصح غير بالايمان بيسوع المسيح, و احنا ثاني امنّا بيسوع المسيح, باه نكونوا ابرياء بالايمان بيسوع مش بالاعمال اللي تطلبها الشريعة. على خاطر واحد ما يتبرر بالاعمال تاع الشريعة. ¹⁷ اذا كنا احنا طالبين التبرير في المسيح, نلقاو ارواحنا مذنبين, مالا المسيح خادم للمعصية؟ حاشا! ¹⁸ على خاطر كان وليت نبني في الشيء اللي ريبْتو, نزيد نبين روحي باللي انا متعدي. ¹⁹ على خاطر متت بالشريعة على الشريعة باه نحيا لله. ²⁰ مع المسيح تصلبت, مالا مش انا اللي نحيا, المسيح هو اللي يحيا فيّا. اللي نحياه ضرك في لبدن, نحياه في الايمان, ايمان ابن الله, اللي حبني و ضحى بروحو على جالي. ²¹ ما نحبسش النعمة تاع الله. على خاطر اذا كانت الشريعة تمد التبرير, مالا المسيح مات بلا سبّة!