1
اما لوقات و الزمانات تاع الله ماكمش محتاجين نكتب لكم عليها يا خاوتي,
2
على خاطر تعرفوا مليح النهار اللي راح يجي فيه الرب كيما يجي السراق في الليل على غفلة.
3
وقت اللي يقولوا فيه: "لهناء و لمان", وقتها يجيهم لهلاك على غرادة, كي لوجاع للمرى اللي بلكرش, ما يقدروش يمنعوا.
4
و بالصح انتوما يا خاوتي ما راكمش تعيشوا في الظلمة حتى يدهم عليكم هاذاك النهار كي السرّاق.
5
انتوما الكل اولاد النور و اولاد النهار. احنا ماناش من الليل و لا من الظلام.
6
مالا ما نرقدوش كيما لخرين, لازم علينا نسهروا و ننوضوا.
7
على خاطر الللي يرقدوا يرقدوا في الليل, و الللي يسكروا يسكروا في الظلمة.
8
و اما احنا اصحاب النهار, نكونوا نايضين لابسين درع الايمان و لمحبة, و خوذة رجاء الخلاص.
9
على خاطر الله ما جعلناش للغضب تاعو, بالصح جعلنا للخلاص بربنا يسوع المسيح,
10
اللي مات على جالنا, حتى كان سهرنا في لحياة و الا رقدنا في الموت كلنا راح نحياو معاه.
11
على هاذيك شجعوا بعضاكم و كل واحد فيكم يبني لاخر, كيما راكم تديروا اليوم. توجيهات ختامية
12
و نطلب منكم يا خاوتي تكرموا الناس اللي يتعبوا بيناتكم و يرعاوكم في الرب وينصحوكم,
13
و تقادروهم و تحبوهم على جال الخدمة تاعهم. عيشوا في سلام بيناتكم.
14
و نطلب منكم يا خاوتي: انصحوا الناس اللي بلا ترتيب, شجعوا الخايفين. عاونوا الضعاف. اصبروا على الناس الكل.
15
اتولهوا و عندكم لا ترَجعوا على الشر بالشر.
16
ديما اسعاو للخير لبعضاكم و للناس الكل.
17
افرحوا في كل وقت.
18
صلوا ديما ما تحبسوش. احمدوا ربي على كل حال, على خاطر هاذي هي المشيئة تاع الله في يسوع المسيح من جيهتكم.
19
ما تطفيوَش الروح.
20
ما تحقروش النبوات.
21
امتحنوا كل شيء, و اللي هي خير احكموا فيها.
22
بعدوا على كل حاجة تجيبلكم شبهة تاع شر.
23
و اله السلام بذاتو يقدسكم بالتمام, و يحفظ ارواحكم و انفسكم و اجسادكم و يعطيكم النزاهة حتى تكونوا بلا عيب كي يجي ربنا يسوع المسيح.
24
و اللي دعاكم هو امين يوفي بالعاهد تاعو.
25
يا خاوتي صليوْ من اجلنا.
26
سلموا على الخاوة الكل بسلام مقدس.
27
و نطلب منكم على وجه المسيح باه هاذي البرية تتقرى على كل الخاوة القديسين.
28
و النعمة تاع ربنا يسوع المسيح تكون معاكم. امين