¹ اتمثلوا بيا كيما راني أنا متمثل بالمسيح. العبادة كيما تليق ² يا خاوتي انا راني نشكر فيكم على خاطر ديما تتفكروني في كل شيء, و تعملوا بالتعليم اللي سلمتهولكم. ³ بالصح ما دابيا تعرفوا بلي الراس تاع كل راجل هو المسيح, و الراس تاع لمرى هو الراجل, و راس المسيح هو الله. ⁴ لو كان الراجل يصلي و الا يتنبأ و هو مغطي راسو, يطيح بروحو. ⁵ و اما كل مرى تصلي ؤ الا تتنبأ و راسها عريان, تتطيح بروحها, على خاطركيما هي كيما اللي محفة شعرها خلاص. ⁶ و المرى اذا كانت ما تغطيش راسها مالا تقص شعرها, و على خاطر عيب على المرى تقص شعرها و الا تحفوا خلاص, مالا تغطيه. ⁷ و الراجل مالازمش يغطي راسو على خاطرو يمثل الصورة تاع الله و المجد تاعو. بالصح لمرى هي المجد تاع الراجل. ⁸ على خاطر الراجل ما تخلقش من لمرى بالصح لمرى هي اللي تخلقت من الراجل. ⁹ و على خاطر الراجل ما تخلقش على جال لمرى, بالصح لمرى هي اللي تخلقت على جال الراجل. ¹⁰ على هذا لازم على لمرى تحط حاجة على راسها, على جال لملايكات. ¹¹ بالصح الراجل ماهوش اقل من لمرى, و لا لمرى اقل من الراجل في الرب. ¹² على خاطر كيما راهي لمرى من الراجل, و ثاني الراجل هو بالمرى. بالصح لحوايج الكل هي من عند ربي. ¹³ احكوا انتوما وحَّدكم: يليق بالمرى تصلي لله وهي راسها مكشوف؟ ¹⁴ شوفوا هاي الطبيعة وحدها تعلمكم بلي عيب على الراجل كي يطول شعرو و الا لا؟ ¹⁵ بالصح لمرى الا كانت تطول شعرها يولي فخرة ليها, على خاطر الشعر تمد في عوض غطاء. ¹⁶ بالصح كان واحد يحب يتخاصم, احنا ماناش موالفين على هذا الشيء, و لا حتى الكنيسية تاع الله. لعشاء تاع الرب ¹⁷ و بالصح انا كي نوصيكم على هاذا, ما نيش نشكر فيكم, على خاطر كي تتلموا مش باه تديروا حاجة مليحة بالصح بالعكس. ¹⁸ على خاطر اول حاجة كي تتلموا في الكنيسية, نسمع بلي بيناتكم انقسامات, و نصدق شوية, ¹⁹ على خاطر لابد يكون بيناتكم حتى البدع ثاني, باه يكونوا المخيرين فيكم باينين. ²⁰ و كي تتلقاو مع بعضاكم مش باه تاكلوا لعشاء تاع الرب, ²¹ على خاطر كل واحد يسبق و يدي عشاه من الماكلة, الواحد يجوع و لاخر يسكر. و ²² علاه ماعندكمش ديار تاكلوا و تشربوا فيها؟ و الا تحقروا الكنيسية تاع الله و تحشموا الناس اللي ما عندهمش؟ واش نقول لكم؟ تحبوا نشكركم على هاذا الشيء؟ لا ما نشكركمش! ²³ على خاطر الشيء اللي تسلمتو من عند ربي نسلمهولكم ثاني: بلي الرب يسوع في الليلة اللي سلموه فيها. هز خبز ²⁴ و صلى و قسم, و قال: "هاكم كولوا هاذا هو الجسد تاعي المكسور على جالكم. اعملوا هاذا باه تتفكروني". ²⁵ و ثاني حتى الكاس بعد ما تعشاو, و قال: " الكاس هاذي هي العاهد الجديد بالدم تاعي. اعملوا هاذا كلما شربتوا باه تتفكروني". ²⁶ على خاطر كل ما كليتوا هاذا الخبز و شربتوا هاذا الكاس, تخبروا بالموت تاع الرب حتان يجي. ²⁷ امالا كل من كلا من هذا الخبز, و الا شرب من الكاس تاع الرب, بلا ما يستاهل, يكون مذنب في حق جسد الرب و الدم تاعو. ²⁸ بالصح على كل واحد يفحص روحو, و من بعد يقدر ياكل من الخبز و يشرب من الكاس. ²⁹ على اللي ياكل و يشرب بلا ما يستاهل ياكل و يشرب دينونة على روحو, بلا ما يميز الجسد تاع الرب. ³⁰ على جال هذا فيكم ياسر مرضي و ياسر راقدين. ³¹ على خاطر كان حكمنا احنا على ارواحنا واحد ما يحكم علينا, ³² و بالصح كي فات منو وتحكم علينا, نترباو من عند الرب باه ما نتحاسبوش مع الناس لخرين. ³³ امالا يا خاوتي, وقت اللي تتلموا باه تاكلوا, استناو بعضاكم. ³⁴ واذا واحد يجوع ياكل في دارو, باه كي تتلموا ما تحكموش على بعضاكم. و الامور لخرى الي بقات كي نجي نفرزها.