¹ ما دابيا يا خاوتي ما يخفاش عليكم بلي جدودنا الكل كانوا تحت السحابة, و بلي كلهم عداو في لبحر, ² و كلهم تعمدوا على يد موسى في السحابة وفي لبحر, ³ و جميعهم كلاو ماكلة روحية واحدة, ⁴ و جميعهم شربوا شربوا شراب روحي واحد, على خاطر كانوا يشربوا من حجرة روحية كانت تَّبع فيهم, وهاذي الحجرة كانت هي المسيح. ⁵ بالصح الاغلبية منهم ما رضاش الله عليهم, على خاطر طرحهم في الصحراء. ⁶ و هاذي الامور كلها صرات باه تكون مثَل لينا احنا, باه مانكونوش احنا عندنا شهوة للشرور كيما كانت عند هم هما. ⁷ ماتكونوش من اللي يعبدوا الاوثان كيما كانوا وحايد منهم, كيما راه مكتوب :"قعد الشعب للماكلة والشراب, ومن بعد وقفوا للزهو". ⁸ و ما تزنيش كيما زناو ناس منهم, حتى فنى في نهار واحد ثلاثة وعشرين ألف منهم. ⁹ و ما نجربوش المسيح كيما جربوه ناس منهم, حتى هلكتهم الحنوشة. ¹⁰ و ما تتدمروش عليه كيما داروا وحايد منهم, حتى اداهم الهلاك. ¹¹ وهاذي الامورالكل اللي صابتهم هي دروس لينا, و تكتبت باه تحذرنا أحنا اللي وصلت لينا آخرة الزمان. ¹² مالا اللي حاسب روحو ثابت, يحرز لا يطيح. ¹³ ما تصيبكم حتى محنة الا و كانت بشرية. بالصح الله امين, ما يخليكمش تتجربوا فوق جهدكم, على خاطر يجعل مع المحنة مخرج, باه تقدروا تستحملوا. ¹⁴ علاها يا لحباب اهربوا من العبادة تاع الاوثان. الزردة تاع لوثان و لعشاء تاع الرب ¹⁵ اللي نقولو كيما للناس الفاهمين: احكموا انتوما في واش نقول: ¹⁶ الكاس تاع البراكة اللي نباركوها, ماهيش هي الشركة تاع دم المسيح؟ و الخبز اللي نقسموه, ماهوش هو البدن تاع المسيح؟ ¹⁷ و احنا اللي رانا ياسر خبز واحد, بدن واحد. على خاطر كلنا نتشاركوا في الخبز الواحد. ¹⁸ شوفوا لاسرائيل على حساب الجسد. اللي ياكلوا الذبايح ماهمش شركاء تاع المذبح؟ ¹⁹ واش نقول مالا؟ الصنم عندو قيمة, و الا الشيء اللي تذبح للصنم عندو قيمة؟! ²⁰ و زيد الشيء اللي يذبحوه الامم راهم يذبحوه للشواطن, مش لربي. و انا ما نحبش تكونوا شركاء تاع الشواطن. ²¹ ما تقدروش تشربوا كاس ربي و كاس الشواطن. و ما تقدروش تشاركوا في مايدة ربي و مايدة الشواطن. ²² و الا نحبوا نغيروا ربي؟ بلاك رانا اقوى منو؟ الحرية تاع المومن ²³ "كل شيء حلال عليا", بالصح ماشي كل لحوايج تصلح." كل شيء حلال عليا", بالصح ماش كل لحوايج تبني. ²⁴ ما يحوسش الواحد غير على روحو برك, بالصح خلي كل واحد يشوف واش يساعد لخرين. ²⁵ كل ما يتباع عند الجزار كلوه بلا ما تحوسوا تفهموا, على جال الضمير ²⁶ على خاطر"ربي ليه لرض و ما فيها". ²⁷ و اذا كان واحد من غير المومنين استدعاكم, و حبيتوا تروحوا, كول من الشيء اللي يحطلك بلا ما تحوس تفهم, على جال الضمير. ²⁸ بالصح اذا كان قاللكم واحد: "هاذا مذبوح للوثن" ما تاكلوش على جال هاذاك اللي خبركم, وعلى جال الضمير. على خاطر" ربي ليه لرض و ما فيها". ²⁹ و كي نقول" الضمير"ما نحكيش على ضميرك انت, بالصح الضمير تاع لاخر. على خاطر و علاش يحكم فيا ضمير تاع واحد اخ؟ ³⁰ اذا كنت انا ناكل و نشكر, علاش واحد اخر يحاسبني على الشيء اللي نشكر عليه؟ ³¹ و اذاكنتوا تاكلوا و الا تشربوا و مهما واش كنتوا تعملوا, اعملوا كل شيء للمجد تاع الله. ³² كونوا بلا غلطة لليهود و لليونانيين و للكنيسية تاع ربي. ³³ كيما انا راني نرضي في الناس الكل في كل شيء, و ما نشوفش واش يساعدني انا بالصح واش يساعد لخرين, باه يتخلصوا حتى هما.