¹ Pakutanga lukoso, kwali lishiwi, kabili lishiwi lyali pamo na Lesa, nalishiwi ali ni Lesa. ² Uyo kukutendeka ali na Lesa. ³ Fyonse fwalilengeelwe ukupitila muli ye, ukwakubula ye ngatakwalipo icintu icapangiilwe. ⁴ Muliye mwali umweo, noyo mweo lubuto lwa bantu. ⁵ Ulubuto lulatufya mumfinshi, nemfinshin tailucimfyapo. ⁶ Kwali muntu uwatiminwe naba Lesa, uyo ali ni Yoane. ⁷ Alishile koti nimboni ukubela bumboni palubuto,ukweba ati bonse basumine muli ye. ⁸ Yoane talipo luubuto, sombi kaisa muukupela buumboni palu buto. ⁹ Ulubuto ulwacine ulo lupela ulubuto ku bantu bonse, lwalishile mu calo. ¹⁰ Ali mu caalo necalo capangilwe ukupitila muliye, ne calo taacamwishipo. ¹¹ Aishile kubabyakwe ne babyakwe taba mupokelele. ¹² Sombi kulyabo abamupokelele, absumine mwishina lyakwe, balipeelwe amaka yakuba abana bakwa Lesa. ¹³ Abo tabafyelwepo kumulopa, napamo tekuka bila kwa munofu, napamo tekukabila kwamuntu, sombi kuli ba Lesa abene. ¹⁴ Ishiwa lyalibeele umubili nokwikala pamo nafwebo. Twalibona ubleme bwakwe, ubuleme ubo ubwayo enka umo uyo wafumine kuliwishi, uwiswilemo inkumbu ne ciine. ¹⁵ Yoane alipele ubuuboni ne kulila, kalabila,''Uyo aonali kulabilapo, 'uyo uuleisa kunuma yandi mukulu, pantu ye ekwali neo nshingabako.''' ¹⁶ Pamulandu wamwisulo wakwe twalipokelela ukusenaminwa ukwakulunda pakunankwe. ¹⁷ Ifinde lyalipelwe ukupitila muli Mose, ukusenamina ne ciine fyena fyaishile muli Yesu Klistu. ¹⁸ Takulipo uwamona Lesa; Lesa eka, uyo uuli kulubali lwa kwa wishi, alileenga Lesa ukwishibikwa. ¹⁹ Ubu ebuumboni bwakwa Yoane eli aba Yuda batumine bafipupila nabe na lefai kuli ee ukufuma ku Yelusalemu kuku mwipwisha ati, ''Niwe naani?'' ²⁰ Alii labiilile -takenepo, aliilabiibile-''Inshilipo Klistu.'' ²¹ Kabili kabamwipusha ati, ''Niwe naani? Niwe Eliiya?'' Kabiliati, ''Niwe kasesema?'' kaasuka, ''Iyo.'' ²² Eli balabile kuli ee ati, ''Niwe naani, pakweba ati tutwele icasuko kuli abo abatutumine? pano ulukulabila indo palobe?'' ²³ Kalabila ati, ''Indishiwi ililelila mumatilolo mumpanga: Pangani inshila iyaba shikulu iyo lolokele koti nifyo kasesema Esaya.'' ²⁴ Bambi abafalise baliibatumine, ²⁵ kabili baliimwipwishe nokulabila kuli ye ati, ''Nindo iyolikubatishisha kani tauli Klistu nangu tauli Elaijah nangu kasesema?'' ²⁶ Yoane kabasuka ati, nekulabila ati, ''Nebo ndabatisha kumenshi. Pakuti pali mwebo pali makenepo umuntu uo tamwishipo. ²⁷ Uyo niyo uuleisa panuuma yandi uo uunshelelwe ukukakula inshinga sha ndiato shakwe.'' ²⁸ Ififiintu fyalecitwa ku Betani kubwishilya bwayo Dani uko Yoane aliikubatisha. ²⁹ Impindi imo Yoane kamona Yesu Klistu aleisa kuli ye, kaeba ati, ''Bona, kuli umwana wambelele wa kwa Lesa uulukumpita ukuminta ifyakubifya! ³⁰ Uyo elo nalekweba ati, uyo uleisa kunuma yandi alincilile, pakuti ye eko ali nebo inshingabako. Eko ali nebo inshingabako! ³¹ NShamwishibilepo, pano cali mukuba ati ali mukuisokolola kuli bena Isreali ukweba ati nebo naliishile mukuubatisha namenshi.'' ³² Yoane apeela bumboni, kalabila ati, ''Nalibwene umupashi uleika kubati niciba ukufuma mwiulu, nekwikila pamuutwe wakwe. ³³ Nshamwimwishilepo, sombi uwautumine ukubatisha ku menshi, ewalabiile uukabona umupashi ukekila uyo akabatisha ku mupanshi wamushilo. ³⁴ Nabona na bumboni uyu mwana wakwa Lesa.'' ³⁵ Nakambi, ubushiku bwakonkelepo, Yoane kaimakeene na basambile bakwe, ³⁶ kababona Yesu alukupita, na Yoane kalabila ati, ''Bona umwana wa mpanga wakwa Lesa!'' ³⁷ Babili abasambile no kubona balemukonka Yesu. ³⁸ Eli Yesu apilibukile no kubona balemukonka alabiile kuli bo ati, ''Mulukufwaya indo?'' balya sukile ati, ''Rabbi'' (kipilibula ''Umusambilishe''), ''ulu kwikala kwi?'' ³⁹ Kalabila kuli bo, ''Iseni mubone.'' Elibaile no kubona uku aleikala: Kabekala bonse kalya kasuba, ifi cali kupalama kupindi ye kumi. ⁴⁰ Umo pali babili abaumfwilae Yaane alabiile no kukooka Yesu ni Andulea, umukwabo Simoni Petilo. ⁴¹ Kabalapo ukusanga umukwabo no kulabila kuli ye ati, ''Twamusanga mesiga.'' (Icipilibula Klistu). ⁴² Alimuletele kuli Yesu amulolesha kaeba ati niwe Simoni mwana Yoane, uketwa kefasi.'' (Icipilibula Petelo). ⁴³ Ubushiku bwakonkelepo, ili Yesu alukufwaya ukuya ku Galili, kasanga filipo kamweba ati, ''Nkoka.'' ⁴⁴ Noba afumine ku Betisida, umushi wa kwa Andileya na Petelo. ⁴⁵ Filipo kasanga Natanio nekumweba ati, ''Uyo ali oo Mose alembele mumafunde, naba kasesema, twamusango: Yesu mwana Yosefe, uufumine ku Nazaleti.'' ⁴⁶ Natanele kalabila kuli yee, ''Kani incitu iciweme cingafuma muna Saleti?'' Filipo kalabila kuli yee, ''Isa ubone.'' ⁴⁷ Yesu kabona Natanelialukwisa kuli yee elo alabiile palwa kwe, ''Bona, umwina Isreali uwa ciine, muli yee umo mukanwakakwe tamwafuma imimponto!'' ⁴⁸ Eli Nataneli alabiile, ''Nifiisa ifimungishi?'' Yesu kaasuka ati, ''Filipo tangakwita, nacibona munshi ya mukungu.'' ⁴⁹ Nataneli kaasuka ati, ''Wemusambishi, uli mwana wa kwa Lesa! Uli mfumu ya Isreali!'' ⁵⁰ Eli Yesu kaasuka ati, ''Pakuti nakweba ati, 'Nacikubona muushi yamukunyu.' pano wasumina? Ukabona ifintu ukuti pali fiifi.'' ⁵¹ Eli kaeba ati, ''Ciine, cine, ndakukweba, ukabona imyulu yaisuka, naba ngeli bakwa Lesa balenina naukwika pamwana wa muntu.''