¹ Ili pa pitile inshiku shitatu, kwali ubwinga ku Kana ku Galileya, nana nyina Yesu nabo ka balika. ² Yesu neba sambile bakwe bali betile ku bwinga. ³ Ili infaina ya pwile, ba nyina Yesu bali labile kuli yee ati, "Takulipo infaina!" ⁴ Yesu ali labile kuli ye, "We mwanakashi nindo waishila kuli nebo? Impindi yandi taingafika." ⁵ Ba nyina bali labile ku ba bonfi ati, "ifyo amweba uku cita mulu kucita," ⁶ Kwali inongo ishili mutanda isho aba Yuda balu ku bonfya pa kusefya, ifyalu kupinta umwesho ukufika kuli ama kumi atatu naku ma kumi abili. ⁷ Yesu ka labila kuli bo, "Isusheni ifi finongo ne menshi." Baliswishe fyonse ifi nongo uku kumana. ⁸ Eli aebele aba bomfi, "Pinteni fimbi panse mu twale kuli umu bomfi." Ifi fyali titilwe. ⁹ Umu bomfi kala busha amenshi eli abebele amenshi ati aaluka infaina, taishibilepo ukwafumine infaina (neba bomfi balishibile). Eli baitile shibwinga. ¹⁰ Neku labila kuli ye, "Nindo mwatupela umwanga onse umuntu ali pelwe infaina iweme eli pa konkele unakile eli akolelwe sombi mwasunga infaina iweme ukufika impindi ino." ¹¹ Ici icipansho cakubalipo atitile mu Kana mu ncingo yaku Galileya, eli ifi sulile ubu leme, ne buleme bweka, ne basambile bakwe bali mu cetekele. ¹² Pa numa yafifi, Yesu, ba nyina, aba sambile bakwe balile kuka Penamu uko baikele ne nshiku ishinini lukoso. ¹³ Ne caku cilila ba Yuda cali palamine, Yesu alileko naye ku Yelusalemu. ¹⁴ Ili asangile balu kushitisha ing'ombe, impanga ne nkunda mwi tempuli, alisangile ne baluku cinja indalama nabo kabasangana balikele. ¹⁵ Eli abulile icembya e kuba sowa bonse ukufuma mwe tempuli, kubikako ne bakwete impanga ne ing'ombe bonse. Kaba sowa . Ka fiposaila ifya ndalama fyabo mu matebulo yabo. ¹⁶ Kuli babo abaleshitisha inkunda kubeba ati, "Fumyenipo ifi fintu pamo. Lekeni ukupanga inanda yaba tata icisankano. ¹⁷ Abasambile balibukishe at fyalilembelwe, Ukupimpa mu nanda yebo kulingonawile." ¹⁸ Aba Yuda kaba labila kuli ye, "Kesa keshibilo ulu kutulanga pakuti wacita ili ulu kucita ifi fintu? ¹⁹ Yesu kabasuka ati, "Ndu konaula itempuli ne mushiku shitatu ndukuli kula nekabili. ²⁰ Aba kulu yaba Yuda kaba labila, "Ili tempuli twalikulile imyaka amakumi ane ne fisanu na cimo, ulu kulabila ati ni nga likula mu shinku shitatu?" ²¹ Tepo nifyo, ali kulabila ati itempuli mubili wakwe. ²² Ili abukile ukufuma ku bafwile aba sambile bakwe bali bukishe ati efi alabila, bali cetekele ifya lembelwe ne kushininkisha ifyo Yesu alabile. ²³ Eli ali mu Yelusalemu alile ku cilye ica pa mulandu abengi bali cetekele pe shina lyakwe sombi balu kumona ku bona ifipapusho. ²⁴ Sombi Yesu taba tetekelepo pakuti bonse ali beshi. ²⁵ Talu kufwayapo bunte ukufuma ku bantu pa muntu, sombi alibeshibilepo umuntu.