1 Ua maea ona fetalai o ia, a'o faalologo le nu'u, ona alu atu ai lea o ia i Kapanaumi. 2 Sa iai se auauna fa'amoemoeina lava a le taitai 'au, sa ma'i o ia ma ua lata ina oti. 3 Ua faalogo le taitai 'au i tala ia Iesu , ua ia faatonuina tagata matutua o le au Iutaia e ō e aumai Iesu e faamalolo i lana auauna. 4 Ua omai o i latou ia Iesu, ua latou fesiligia lea o ia ma aioi atu, ma faapea ane, " O se mea e tatau lava o lou faia o lea mea mo lenei tagata, 5 E le gata ina alofa o ia i le tatou nu'u ae o ia fo'i na fa'atuina le falesā" 6 Ua fa'aauau ai lea o le malaga a Iesu ma i latou. e le i toe mamao o ia mai le fale, Ua tutuli mai e le taitai 'au ni ana uō e faiatu ia te ia, " Le Alii e, aua le faapopoleina lou tagata, e le o a'u o se tagata e tonu i ou luma ua e afio mai ai i lo'u fale. 7 O le mafua'aga fo'i lea o lo'u le o'o atu ia te oe, ae ia fetalai mai se i malolo ai la'u auauna. 8 O a'u fo'i o se tagata olo'o i lalo o le pulega a se tasi o tagata, faatasi ai ma fitafita i lalo o la'u va'ava'aiga. Oute fa'atonu i se isi e 'alu' ona alu lea o ia, oute fa'atonu fo'i i se isi e 'sau' ona sau lea o ia, po'o se auauna e 'fai lea mea', ona faia lea e ia. 9 Ua faalogo Iesu i lea tala, ma ua fa'ateia ai o ia, ua liliu o ia ma faiatu i le motu o tagata oloo mulimui atu ia te ia, " Oute faiatu ia te outou, e o'o lava i Isaraelu oute le i mauaina ai lea ituaiga fa'atuatua." 10 Ua toe fo'i atu lea o le au ave feau i le fale, ma ua latou faalogo ua malolo le auauna. 11 Ua mavae ai lea o lena taimi, ma ua alu atu ai lea o Iesu i le a'ai o Naina, faatasi ai ma ona au so'o ma le motu o tagata sa mulimuli atu ia te ia. 12 Ua latalata atu o ia i le faitoto'a o le a'ai, fa'auta, o se tamaloa ua oti oloo si'i mai i fafo o ia, na o ia le tama a lona tinā (o le tinā fo'i ua oti lana tane), faatasi ai ma le motu o tagata mai le a'ai sa mulimuli mai ia te ia. 13 Ua va'ai atu Le Alii i le tasi fafine ua faapea atu, "aua e te tagi." 14 Ua alu atu ai lea o Iesu ma ua pa'i atu i le pusa oloo avatu ai le tino o le tagata oti, ona tutu ai lea o i latou sa aumaia le pusa. Ua fetalai atu o Iesu, " Oute faiatu ia te oe, Inā tulai ia" 15 Ua nofo mai i luga le tagata sa oti ma ua tautalatala o ia, ona avatu ai lea e Iesu lea tama i lona tinā. 16 Ua matata'u o i latou , ma ua fa'aauau le latou viiga i Le Atua, ua latou faapea atu, " O se perofeta mata'utia ua tula'i mai ia te i tatou" ma ua " Silasila mai fofoga o Le Atua i ona tagata". 17 Ua aave tala e uiga ia Iesu i Iutaia atoa ma nu'u tuaoi uma. 18 Ua faailoa atu e le au so'o a Ioane nei mea uma ia te ia. Ua valaau lea e Ioane o ona so'o e toalua, 19 ua auina atu lea o i la'ua i Le Alii, " O oe ea o lē e afio mai, pe matou te saili pea mo se isi?" 20 Ua latou latalata atu ia Iesu, ua faapea atu o i laua, " Sa auina mai o i maua e Ioane le papatiso se i fesili, "O oe ea lea e afio mai , pe matou te saili mo se isi tagata?" 21 O lea lava ituala sa faamaloloina ai e ia le toatele o tagata mai famai eseese ma agaga leaga, ma fa'apupula le toatele o tagata tauaso. 22 Ua tali atu Iesu ma faapea atu, " ō ia oulua ma ta'u atu ia Ioane mea sa lua vaai ma faalogo iai. Ua pupula tauaso, ua savavali tagata pipili , ua faamāmāina tagata lepela, ua faalologo foi tagata faipēpē (tutuli) ua toe tutu mai tagata na feoti, ma ua tala'i atu le tala lelei i tagata matitiva. 23 O se tagata e talitonu mai pea ia te 'au ona o mea oute faia, e faamanuiaina o ia. 24 Ua ō ese atu ai lea o ave feau a Ioane, ua faapea ifo lea o Iesu i le motu o tagata i le tala ia Ioane, " O lea se mea na outou manatu o le a vaaia i le toafa? O se la'au e feluea'ina i le matagi? 25 O le a se mea na outou fia vaai iai ? O se tagata e ofu i ni ofu mamoe? Vaai, o tagata e ofu i ofu matagofie ma e tele o latou oloa e te maua i maota o tupu. 26 O le a ea se mea na outou fia vaai ai? O se perofeta? E moni, oute faiatu ia te outou, e sili atu o ia i le perofeta. 27 O Ioane foi olo'o faimai ai le tusi, 'O lenei, oute auina atu la'u ave feau i ou luma, na te tapenaina le ala mo oe.' 28 Oute faiatu ia te outou, mai le tele na fananau mai i fafine e leai se isi e sili atu ia Ioane; a'o lē e pito i laititi i le malō Le Atua, e sili lea ia te ia. 29 Ua fa'alogo iai tagata i lea tala, ma le 'au ao lafoga, ua latou alalaga o Le Atua e amiotonu, ona ua papatisoina o i latou e i le papatisoga a Ioane le papatiso. 30 O tagata faresaio ma tagata popoto i le tulafono ua latou tete'eina manatu o Le Atua mo i latou, ona e le'i papatisoina i latou e Ioane le papatiso. 31 "O le a se mea oute fa'atusatusaina ai lenei auga tupulaga? E fa'apefea o latou uiga? 32 E pei o i latou o ni tamaiti e tafafao i le maketi, e nonofo ma vala'au le tasi i le tasi ma faapea atu, 'Ua matou ilia ni fāili mo oe, ae e te le'i siva lava. Sa matou usuina le pese maliu, ae e te le'i tagi ai lava.' 33 Ua sau ai lea o Ioane le papatiso e lē o taumafaina se falaoa po'o inuina se uaina ae ua e faimai, 'O ia o le temoni.' 34 O le atali'i o le tagata e sau olo'o 'ai ma inu o ia, ma ua outou faapea ane, 'Va'ai atu ia, o ia o se tagata olo'o 'ai ma onā, ae o le uō a le 'au ao lafoga ma tagata agasala!' 35 E fa'amaonia e le poto o Le Atua nei mea uma. 36 Ua vala'aulia e se tasi o faresaio Iesu ina ia la 'aai fa'atasi ma ia. Ua alu atu ai lea o Iesu i totonu o le fale a le tasi o faresaio, ona nofo ai lea o ia i lalo la taumafa. 37 Fa'auta, sa iai se fafine i totonu le taulaga o se tagata agasala. Ua iloa e ia olo'o taumafa Iesu i le fale o le tasi o faresaio, ua ia aumaia o se fagu alapasa o iai totonu se suau'u manogi . 38 Ua tū o ia i autafa o ona vae ma tagi, ua sisina ifo ona loimata ma ua sūsū ai vae o Iesu, ma ua solo e ia i lona lauulu, ma kisi iai ona ia fa'au'u lea o ona vae i le suau'u manogi. 39 Ua va'ai le tagata faresaio sa vala'auliaina Iesu, ua ia faapea ifo, "a fai o lenei tagata o se perofeta, e tatau lava ona ia iloa le ituaiga tagata olo'o iai lea fafine e pa'i atu ia te ia, o ia o se tagata agasala." 40 Ua tali atu Iesu ia te ia ma ua faiatu, "Simona, e iai la'u tala e fia fai atu ia te oe." Ua tali atu o ia, "saunoa mai, lau susuga le faiaoga!" 41 Ua faiatu ai lea o Iesu, "O se tagata e fai sana pisinisi nōnō tupe na aitalafu ai ni tagata se to'alua. O le tasi o tagata sa iai ni ana tenari e lima selau, a'o le isi e lima sefulu. 42 Ua lē mafai e i laua ona toe totogiina o la aitalafu, ae ua ia faamagalo ia te i laua. E ui i lea, o ai o i laua o le a sili atu lona alofa ia te ia?'" 43 Ua tali atu Simona ma faapea atu, "Oute manatu o le tagata na sili ona ia faamagaloina, o lē telē lana aitalafu." Ua tali atu Iesu, " E sa'o lelei lau tali" 44 Ua fa'asaga atu Iesu i le fafine ma ua faiatu ia Simona, "Ua e va'ai mai i le fafine lea. Na ou ulu mai i lou fale. E te le i aumaia se vai e fufui ai ou vae, ae ua fa'asusuina e ia o o'u vae i ona loimata ma solo i lona lava lauulu. 45 E te le i fa'afeiloai a'u i se kisi, a'o le fafine nei, mai lava le taimi na ou sau ai e lei uma lava lona kisi i o'u vae talu ona ulufale mai o ia. 46 E te le i fa'au'uina lou ulu i se sua'u'u, ae peitai ua ia fa'a'u'uina o'u vae i le suā'u'u manogi. 47 O le mafua'aga lea oute faiatu ai ia te oe, o ana agasala e tele, ua fa'amagaloina - e telē fo'i lona alofa. O lē e fa'amagalo laititi, e laititi fo'i lona alofa. 48 Ua faiatu ai lea o ia i le fafine, "Ua fa'amagaloina au agasala." 49 O tagata sa nonofo fa'atasi ma ia i le laulau, ua faapea ane i latou ia i latou lava, "O ai lea tagata ua fa'amagaloina agasala?" 50 Ua faiatu ai lea o Iesu i le fafine, "O lou fa'atuatua ua e saoloto ai. Alu ia oe ma le filemū."