¹ Sa i le amataga le Upu, sa i Le Atua le Upu, o Le Atua fo'i o le Upu. ² O ia fo'i sa i le amataga ma Le Atua. ³ Na ia faia mea uma lava, e leai fo'i se mea se mea e tasi na faia e le'i faia e ia. ⁴ Sā ia te ia le ola, o le ola fo'i o le malamalama lea i tagata uma. ⁵ O le malamalama e susulu i le pogisa, e lē mafai e le pouliuli ona manumalo i ai. ⁶ Sa iai se tamaloa na 'auina mai e Le Atua, e igoa ia Ioane. ⁷ Na sau o ia e molimau i le malamalama, ina ia talitonu i latou ona o ia. ⁸ E le o Ioane fo'i o le malamalama, ae na sau o ia e molimau i le malamalama. ⁹ O le malamalama moni, na te avatu i tagata uma le malamalama, olo'o afio mai o ia i le lalolagi. ¹⁰ O ia fo'i sa i le lalolagi, na faia fo'i e Le Atua le lalolagi e ala ia te ia, ae e le i iloa e le lalolagi o ia. ¹¹ Ua maliu mai o ia i lona lava nu'u, ae le i talia o ia e ona lava tagata. ¹² O i latou uma o ē na talia o ia ma fa'atuatua i lona suafa, na ia avatu ai o lea manuia, 'ia 'avea o i latou oma fanau a Le Atua. ¹³ O i latou e lē i fananau i le toto, e lē o le mana'o fo'i o le tino, e lē o le mana'o fo'i o le tagata, a o i latou na fananau mai i Le Atua. ¹⁴ Ua liu tino tagata le Upu, sa iai fo'i o ia ma i tatou, na matou matamata fo'i i lona mamalu, o le mamalu lava lea o le alo o le tamā, ua tumu o ia i le alofa tūnoa ma le fa'amaoni. ¹⁵ Ua molimau atu Ioane ia te i latou ma faiatu, "O ia lava lea sa ou faiatu ai, 'O lē e mulimuli mai e sili o 'ia ia te a'u, aua o ia na muamua mai ia te a'u. ¹⁶ O le fa'atumuina o ia ua maua ai e i tatou le alofa tunoa ma le alofa tunoa i tua atu. ¹⁷ Na tu'uina mai tulafono ia Mose. O le alofa tunoa ma le fa'amaoni e ala mai ia Iesu Keriso. ¹⁸ E leai se isi na va'ai i Le Atua; Le Atua e to'atasi, olo'o i le itu o le tamā lona alo, ua ia fa'ailoa mai Le Atua ia i tatou. ¹⁹ O le molimau lea a Ioane i le taimi na 'auina mai ai le tagata Iutaia ositaulaga ma sā Levi mai Ierusalema, "O ai oe?" ²⁰ Na ia tautino mai lea, na te le i fa'afiti, ma ua ia ta'utino atu " E le o a'u o le Keriso" ²¹ Ua latou fesili atu ia te i ia, "O ai la oe? O oe o Elia?" Ua tali atu o ia, "E le o a'u o Elia" Ua fa'apea atu i latou, "O oe o le perofeta?" Ua tali atu o ia, "Leai" ²² Ua latou faiatu ai lea ia te ia, "O ai oe, se i tali atu ai i ē na auina mai o i matou nei? O le a sau tala e faimai e uiga ia te oe?" ²³ Na tali atu lea o ia "O a'u o le leo, e tagi i le vao tu'ufua: 'fa'alauleleia le ala o Le Alii,' e pei o le tala a Isaia i le perofeta. ²⁴ Ua 'auina mai ai lea o nisi o faresaio, ²⁵ ma ua latou fesili atu ia te ia, "aisea ea e te papatisoina ai tagata ae le o oe o le Keriso, e le o oe o Elia, e le o oe fo'i o se perofeta?" ²⁶ Ua tali au Ioane ma ua faapea atu, "Oute papatisoina i latou i le vai. ²⁷ E tulai mai ia te outou se tasi tou te le iloa. O ia lenā olo'o mulimuli mai ia te a'u, o le manoa o ona se'evae e lē aoga ona ou tatalaina." ²⁸ O nei mea uma na faia i Petania i le isi itū o le Ioritana, i le mea olo'o faia ai paptisoga a Ioane. ²⁹ O le aso na soso'o ai na alu atu ai lea o Iesu ia Ioane ma ua ia faiatu, "Ia outou iloa, i le tamai mamoe a Le Atua na te aveeseina agasala a le lalolagi! ³⁰ O ia lava o lē na ou faiatu ai, "O ia e mulimulli mai ia te a'u, auā o ia e muamua atu ia te a'u. ³¹ Oute le iloa o ia, ae ia fa'ailoa atu o ia i Isaraelu, na ou sau e papatiso i latou le vai." ³² Ua molimau atu Ioane ma faiatu, "Sa ou va'aia i le agaga o Le Alii ua sau o ia e pei o se lupe mai le lagi, ma nofo i luga ia te ia. ³³ Oute le'i iloa o ia, ae o lē na auina mai a'u e papatiso i le vai ua faapea mai, 'O lē ua e va'aia le agaga ua nofo i luga ia te ia, o ia o le a papatisoina i le agaga paia. ³⁴ "Ua ou va'aia ma molimauina, o ia o le alo o Le Atua." ³⁵ Ua o'o fo'i i le isi aso, a o tūtū Ioane ma ona so'o e to'alua, ³⁶ ua latou va'ai atu ia Iesu olo'o savali ane, ma ua faapea atu Ioane, "Ina va'ai atu ia, o le tama'i mamoe a Le Atua!" ³⁷ Ua fa'alogo atu o ona so'o e toalua i lea lava tala, na mulimuli ai lea o i laua ia Iesu. ³⁸ Ua liliu atu o Iesu ia te i laua olo'o mulimuli atu ia te ia ma ua faiatu, "O le a se mea o lua sailia?" Ua tali atu lea o i laua "Rapi e" (o lona fa'aliliuga/ uiga o le "faiaoga"), "O fea o e nofo iai?" ³⁹ Ua tali atu o Iesu, "Sau e va'ai." Ua omai o i laua ma va'ai i le mea olo'o nofo ai o ia; ma ua nonofo ai lea o i laua ma ia i lena aso, ua o'o i le itula e sefulu. ⁴⁰ O se tagata mai le to'alua na faalogo o tautala Ioane sa mulimuli o ia ia Iesu ma Aneterea, le uso o Simona Peteru. ⁴¹ Na maua muamua e ia lona uso o Simona ma faiatu ia te ia, " Ua ma mauaina le Mesia " (o lona uiga o "Keriso"). ⁴² Ua ia aumai o ia ia Iesu, ua va'ai atu lea o Iesu ia te ia ma faiatu, "O oe o Simona Peteru le atali'i o Ioane. O le a faaigoa oe ia Kefa" (o lona uiga o "Peteru"). ⁴³ O le aso na soso'o ai, ua mana'o Iesu e tu'ua le mea sa iai ae agai atu i Kalilaia , ua maua e ia Filipi ma ua faiatu iai o ia, "Mulimuli mai ia te a'u". ⁴⁴ O FIlipi o le tagata Petesaita, o le aai foi a Aneterea ma Peteru ⁴⁵ Ua maua e Filipi Natanielu ma ua faiatu ia te ia, "Ua ma maua o ia sa tusia e Mose i le tulafono, ma perofeta, ua tatou mauaina o ia: O Iesu le atali'i o Iosefa, e sau mai Nasareta." ⁴⁶ Ua faiatu Natanielu ia te ia, "E iai se mea lelei e tupuga mai Nasareta?" Ua faiatu Filipi ia te ia, "Sau ina va'ai." ⁴⁷ Ua va'ai atu Iesu ia Natanielu olo'o sau ia te ia ma faiatu, "Ina va'ai ia, o se tagata Isaraelu moni, e leai sana pepelo!" ⁴⁸ Ua faiatu Natanielu ia te ia, "E faapefea ona e iloa a'u?" Ua tali atu Iesu ma faiatu ia te ia, " Ae le i vala'au atu Filipi ia te oe, a o e i lalo o le mati, na ou va'ai ai ia oe." ⁴⁹ Ua tali atu Natanielu, "Rapi e, o oe lava o le alo o Le Atua!" O oe o le tupu o Isaraelu!" ⁵⁰ Ua tali atu Iesu ma faiatu o ia ia Natanielu, "Ua ou faiatu ia te ia, 'Na ou vaai ia te oe i lalo o le Mati; o e talitonu iai? E te va'aia mea e silisili atu na i lo ia mea" ⁵¹ Ua faiatu lea o ia, "E moni, e moni, oute faiatu ia te oe, o le a outou va'ai i le tatala mai o le lagi , ma le au agelu a Le atua e ō a'e ma ō ifo i luga o le alo o Le Atua."