¹ O'u uso e, aua tou te faailoga tagata i lo outou taofi i le faatuatua i lo tatou Alii mamalu o Iesu Keriso. ² Aua afai e ulu atu se tagata i la outou faapotopotoga ma ni mama auro i ona lima ma le ofu pupula, a e ulu atu foi se tagata mativa ma le ofu palapala/leaga. ³ Ona outou faaaloalo atu lea ia te ia ua ofu i le ofu pupula, ma faapea atu iai, "Ina alala ia oe i lenei mea lelei, a e fai atu i le tagata mativa, "Ina tu ia oe iina", pe "Nofo ia iinei i lalo le mea e tu ai o'u vae," ⁴ e le ua filitaa ea outou ia te outou lava? E le ua fai outou ma faamasino ma manatu leaga? ⁵ O'u uso pele e, faalogologo maia, e lei filifilia e le Atua o e matitiva i lenei lalolagi ia tamaoaiga i le faatuatua, ma avea i latou o suli o le malo na ia folafolaina mai mo ē e alolofa ia te ia? ⁶ Peitai ua outou faaletaualoa le tagata mativa! E le i faasauaina outou e le au mauaoa? E le o i latou ea na tosoina/aveina outou ile faamasinoga? ⁷ E le ua faifai ea i latou i le suafa lelei ua igoa ai outou? ⁸ Afai foi ua atoatoa ona anaana o outou i le tulafono silisili, e tusa ma le Tusi, "Ia e alofa atu i lē lua te tuaoi, ia pei o oe lava ia te oe," tou te amilo lelei ai. ⁹ A e afai tou te faailogaina tagata, ua outou agasala ia, ua failoaina ai i le tulafono ua solitulafono outou. ¹⁰ Auā o sē tausi le tulafono uma, ae agasala i se mea e tasi, ua nofo sala ia i mea uma. ¹¹ Aua o ia na fetalai mai, "Aua le mulilua" ua fetalai mai foi o ia, " Aua le fasioti tagata." Afai a e mulilua pe ete fasioti tagata foi, ua fai oe ma solitulafono. ¹² Ia outou tautala, ma outou faia, e pei o e a faamasinoina i le tulafono ole saolotoga. ¹³ Aua o lē le alofa, e le alofagia o ia i le faamasinoga. Ao lē alofa, e olioli ia pe e faamasinoina. ¹⁴ Ou uso e, se a ea le aoga pe fai mai se tasi ua ia te ia le faatuatua, ae leai ni galuega/ le ia te ia galuega? E mafai e lena faatuatua ona laveai ia te ia? ¹⁵ Afai ua le ofu se uso poo se tuafafine ae ua leai foi sana mea e ai i lena aso. ¹⁶ Afai ae fai atu se tasi o outou iai latou, "Alu ia ma le filemu, ia e mafanafana, ma ia e maoona." Afai tou te le avatua mea e moomia e le tino, o le a ea lona aogā? ¹⁷ E faapena foi le faatuatua, afai e leai ni galuega, e mate/oti. ¹⁸ A e fai mai se tasi, "O ia te oe le faatuatua, o ia te au foi galuega." Faaali mai ia te a'u lou faatuatua e aunoa ma ni galuega, ae o le a ou faaalia atu ia te oe lo'u faatuatua i a'u galuega. ¹⁹ Ua e talitonu e tasi lava le Atua; ua lelei lava lea. Ae peitai, e oo lava i temoni latou te talitonu ma latou fefefe/tetemu. ²⁰ Le tagata valea e, e te fia iloa ea, e mate/e lē aogā le faatuatua pe a leai ni galuega? ²¹ E lei tauamiotonuina ea lo tatou tamā o Aperaamo i galuega, ina ua avatu e ia o Isaako lona atalii i luga o le fata faitaulaga? ²² E te iloa na galulue faatasi le faatuatua ma ana galuega, o galuega foi ua atoatoa ai lona faatuatua. ²³ Sa taunuu ai foi le Tusi, ua faapea mai, "Na faatuatua Aperaamo i le Atua, ona ta'ua ai lea ia te ia e fai ma amiotonu"; sa ta'ua foi o ia o le uo a le Atua. ²⁴ O lenei , ua outou iloa ua ta'u amiotonuina le tagata i galuega, ae le na o le faatuatua. ²⁵ E faapea foi Raava le fafine talitane, e lei tauamiotonuina ea o ia i galuega, ina ua ia talia ave feau ma auina atu i latou i le tasi ala? ²⁶ E oti le tino pe a te'a/tuu eseeseina ma le agaga, e faapena foi le faatuatua, e mate pe a leai ni galuega.