¹ O Paulo, o le aposetolo a Iesu Keriso i le finagalo o le Atua, i le au paia i Efeso, o ē faatuatua foi ia Keriso Iesu. ² Ia ia te outou le alofa tunoa, ma le filemu mai le Atua lo tatou Tamā, atoa ma le Alii o Iesu Keriso. ³ Ia faafetaia le Atua, o le Tamā o lo tatou Alii o Iesu Keriso, o lē ua faamanuia mai ia i tatou i mea uma lava e manuia ai i la le Agaga, i mea o i le lagi, ona o Keriso. ⁴ Na filifili i tatou e le Atua, ao lei faavaeina le lalolagi, ina ia paia i tatou ma ia le mata'uleagaina, i ona luma i le alofa. ⁵ Na tofia i tatou e le Atua mai anamua, ina ia avea ma tamafai ona o Iesu Keriso, e tusa ma le pule tunoa o lona finagalo. ⁶ O le avea o tatou ma tamafai, ina ia viia ai lona lava alofa tunoa ua silisili, o lea ua agalelei fua mai ai o ia ia te i tatou, ona o Lē ua alofagia. ⁷ O Iesu Keriso foi ua tatou maua ai le togiola i lona toto ma le faamagaloina o agasala, e tusa ma le oloa faulai o lona alofa tunoa. ⁸ Ua ia faateleina/faafaupue tele mai ai ia i tatou, i le poto uma atoa ma le malamalam/faautauta. ⁹ Na faailoa mai e le Atua ia te i tatou le mea lilo sa i lona fingalo e tusa ma lana lava pule tunoa, na ia faaalia mai ia Kersio, ¹⁰ na ia manatu/finagalo i se fuafuaga mo le atoatoaga o le taimi, ina ia tuu faatasia mea uma, o mea uma lava o i le lagi, atoa ma mea o i le lalolagi, i lalo i le pulega/faauluuluga e tasi, a Keriso. ¹¹ O ia lava ua matou maua ai le tofi, o i matou na tofia anamua, e tusa ma le finagalo o lē ua matuā galue i mea uma lava, e tusa ma le pule a lona finagalo; ¹² Na tofiaina i tatou e le Atua e avea ma suli, ina ia avea i matou ma ala e viia ai lona mamalu, o i matou o e na muai faamoemoe ia Keriso. ¹³ E iai foi outou ia Keriso, ina ua outou faalogologo i le upu o le mea moni, o le tala lelei o lo outou faaolataga, ua outou faatuatua ia te ia, ona faamaufaailogaina ai lea o outou e le Agaga Paia, o le na folafolaina mai, ¹⁴ o le faamaonia o ia o lo tatou tofi, seia iu ina faaolaina e le Atua o i latou ua fai mona, ina ia viia ai lona mamalu. ¹⁵ O le ala/mafuaaga lea, ina ua ou faalogo i lo outou faatuatua i le Alii o Iesu, ma lo outou alofa i le au paia uma lava a le Atua, ¹⁶ o le mea lea, o'u te lei mapu ai i le faafetai i le Atua ona o outou, ma ta'uta'u outou i a'u tatalo. ¹⁷ O la'u tatalo ina ia foai atu ia te outou e le Atua o le tatou Alii o Iesu Keriso, o le Tama e ona le mamalu le Agaga e ona le poto ma le faaaliga e ala ai ona outou iloa lelei o ia. ¹⁸ O la'u tatalo, ia faapupulaina mata o outou loto, ina ia outou iloa le uiga o le faamoemoe ua i lona valaau mai, ma le uiga o le faulaigamea lelei oi lana tofiga ua silisili mo le au paia a le Atua. ¹⁹ O la'u tatalo, ia outou iloa le uiga o le silisili ese lava o lona malosi ua ia i tatou o ē faatuatua e tusa ma le galuega a lona mana tele lava. ²⁰ O le mana lava lea na ia matua galue ai ia Keriso ina ua toe faatuina mai o ia nai ē ua oti ma faanofo ia te ia i lona itu taumatau i mea o i le lagi. ²¹ Na ia faanofoina Keriso e silisili lava i alii sili uma lava ma faipule ma ē ua iai le pule, ma le malosi/mana ma igoa uma lava e taua, e le gata i le olaga nei ae oo i le atalī/tausaga a sau/o loo agai mai/lumanai. ²² Na ia tuu foi mea uma lava i lalo o aao o Keriso, ma tuuina atu o ia e fai ma ulu o mea uma lava mo le ekalesia. ²³ O le ekalesia o lona tino lea, o le tumu o loo ia te ia ua faatumuina ai mea uma lava.