¹ O outou alii, ia outou avatu mea e tatau, ma mea e tusa ma a outou pologa, auā ua outou iloa e i ai foi lo outou matai i le lagi. ² Ia outou finafinau i le tatalo, ia mataala i lea mea ma le faafetai, ³ ia tatalo faatasi foi mo i matou, ina ia faaavanoa e le Atua se faitotoa o le upu mo i matou, e tautala atu ai le upu lilo ia Keriso, ona o lea ua noanoatia ai a'u. ⁴ Tatalo ina ia ou faailoa atu ma le manino, faapei ona tatau ona ou tautala atu ai. ⁵ Ia savavali ma le poto i e oi tua, ma faaaogaina tatau outou aso i lenei olaga. ⁶ Ia le aunoa a outou upu ma le alofa, ia faamāi i le masima, ina outou iloa ona tali faatatau i tagata uma taitoatasi. ⁷ O mea uma lava e faatatau ia te a'u, o le a faailoa atu lea e Tuiko ia te outou. O le uso pele, o se auauna faamaoni, ma se pologa o i le Alii. ⁸ Ua ou auina atu o ia ia te outou ona o lenei lava mea, ina ia outou iloa mea o loo tutupu ia te matou, ma faamafanafanaina ai o outou loto. ⁹ Ua ou auina atu o ia faatasi ma Onesemo, o se uso faamaoni lea ma le pele, o lo outou foi ia, la te faailoa atu ia te outou mea uma o faia iinei. ¹⁰ O loo alofa atu ia te outou Aritako, o le ua ma faatasi ma a'u i le fale puipui, atoa ma Mareko, o le aiga o Panapa (na poloaina outou ia te ia, a alu atu o ia ia te outou, ia outou talia o ia). ¹¹ O lo'o alofa atu foi Iesu, o lē ua igoa ia Iuso. Na o i latou ia o le au peritomeina ua galulue faatasi ma au i le malo o le Atua, na fai foi i latou ma faamatalaloto mai ia te a'u. ¹² O loo alofa atu ia te outou o Epafara, o lo outou lava o ia ma o le auauna a Keriso Iesu, O loo finafinau o ia i le tatalo e le aunoa mo outou, ina ia outou tumau i le atoatoa ma faamautuina i le finagalo o le Atua. ¹³ Auā o la'u mau ia te ia, ua tele lava lona maelega mo outou, atoa ma i latou o i Laotikaia, ma i latou o i Iarapoli. ¹⁴ O loo alofa atu ia te outou o Luka, le fomai pele atoa ma Tema. ¹⁵ Ua ou alofa atu i le au uso i Laotikaia, ma Numefa, atoa ma le ekalesia o loo i lona fale. ¹⁶ Pe a uma ona faitau e outou o lenei tusi, ia faitauina foi e le ekalesia i Laotikaia, ia outou faitau foi le tusi mai Laotikaia. ¹⁷ Fai atu ia Akeripa, ia oe i le faiva na tuuina atu ia te oe e le Alii, ina ia faaiuina. ¹⁸ O alofaaga ia na tusia i lo'u lava lima - o Paulo. Ia outout manatua mai a'u i o'u noanoaga. Ia ia te ou le alofa tunoa.