¹ O lenei afi ua toe faatuina outu faatasi ma Keriso, ia outou saili i meo o i luga, o iai Keriso, o loo tietie i le itu taumatau o le Atua. ² Ia outou loto lava i mea i lugā a e le o mea i le lalolagi. ³ Auā ua oti outou, ua lilo foi lo outou ola faatasi ma Keriso i le Atua. ⁴ Pe a faaali mai Keriso lo tatou ola, ona iloa ai lea o outou faatasi ma ia i le manuia. ⁵ O lenei ia outou fasiotia o outou itu tino o i le lalolagi, o le faitaaga, o le amio leaga, o le faamataitiu, o le tuinanau leaga ma le matapeapea ( o le ifo i tupua lava lea) ⁶ O mea ia e oo mai ai le toasa o le Atua i atalii o ē lē faalogo. ⁷ O outou foi na outou savavali ai foi anamua, a o outou nonofo ai. ⁸ Ao lenei, ia outou tuu ese lava nei mea uma, o le ita, o le lotoa, o le loto leaga, ma le upu matagā ai o outou gutu. ⁹ Aua le pepelo te tasi i le tasi, ina ua toeseina e outou le tagata tuai atoa ma ana amio, ¹⁰ a ua outou oofu i le tagata fou, o le ua faafouina i le poto, e faatatau ia foliga i le na faia o ia, ¹¹ e le o iai se Eleni poo se Iutaia, o sē peritomeina poo sē le peritomeina, o se tagta o nuu ese poo se Sekutia, o se pologa poo se saoloto, a ua ia Keriso mea uma, o iai foi o ia i mea uma lava. ¹² O lenei, ia outou oofu outou i le alofa mutimutivale ma le agalelei, ma le loto maualalo, ma le agamalu, ma le onosai, faapei o e ua filifilia e le Atua, o e ua paia ma ua alofaina. ¹³ Ia fefaapalepaleai, ma ia fefaamagaloai outou, pe afai ua agaleagaina se tasi e se tasi; faapei ona faamagalo mai Keriso ia te outou, ia faapea foi outou. ¹⁴ Ao le alofa, e lautua lea i nei mea uma, o le fusi lea e atoatoa ona lelei ai. ¹⁵ Ia pule foi le filemu mai le Atua i outou loto, o le mea lea ua valaauina ai outou e fai ma tino e tasi; ma ia outou saga faafetai. ¹⁶ Ia nofo le afioga a Keriso i totonu ia te outou ia tele lava, i le poto uma lava, ia outou aoao ma apoapoai le tasi i le tasi i salāmo, ma pese, ma siva faaleagaga, o loo pepese atu ai ma le faafetai i le Alii i o outou loto. ¹⁷ O mea uma foi tou te faia i le tautalatala poo le amio, ia faia uma lava ia mea i le suafa o le Alii o Iesu, ma le faafetai i le Atua le Tamā ona o ia. ¹⁸ O outou fafine, ia outou usiusitai atu i a outou lava tane, pei ona tatau i le Alii. ¹⁹ O outou tane, ia outou alolofa atu i a outou avā aua foi nei faaonoono ia te i latou. ²⁰ O outou le fanau ia outou faalogo i o outou matua i mea uma; auā o le mea mālie lea i le Alii. ²¹ O outou tamā, aua nei faaita i a outou fanau, ina nei faapalapala i latou. ²² O outou pologa, ia outou faalogo i mea uma i outou matia i la le tino, aua nei faatagā auauana faapei o e faafiafia i tagata, a ia faia ma le loto faamaoni. Ia matatau i le Atua. ²³ O mea uma lava tou te faia, ia faia ma le loto peiseai ua faia i le Alii, a e le o tagata. ²⁴ Auā ua outou iloa, e maua e outou mai le Alii o le taui, o le tofi lea; auā ua auauna outou i le Alii o Keriso. ²⁵ O lē amioletonu e maua e ia le taui o lana amioletonu; e le faailogaina foi se tasi.