¹ Ona pupula totoa atu lea o Paulo i le tagata o le fono ma faapea atu, "Le au usoe e, ua ou matuā faia la'u amio i luma o le Atua ma le loto fuatia ifo e lelei, ua oo mai lava i le aso nei." ² Ona fai mai lea o le ositaulaga sili o Anania i e ua tutū ane, ia po atu i lona gutu. ³ Ona fai atu lea o Paulo ia te ia, "O oe na le pa faasinasinaina; o le a po atu le Atua ia te oe; e te nofo ea e faamasino mai ia te au e tusa ma le tulafono, a ua e soli tulafono i lou fai ane ia po mai ia te au?". ⁴ A ua fai mai e ua tutū ane, "Ua faifai ea i le ositaulaga sili a le Atua?" ⁵ Ona fai atu lea o Paulo, "Le au uso e, ou te lei iloa o ia o le ositaulaga sili, auā ua tusia, Aua e te upu leaga i le alii o lou nuu." ⁶ Ua iloa foi e Paulo o Satukaio nisi o i latou, a o Faresaio nisi, ona alaga lea o ia i le fono, "Sema e, le au uso e, o a'u nei o le Faresaio; o le atalii o le Faresaio. O le faamoemoe i le toe tu mai o e ua oti ua faamasinoina ai a'u." ⁷ Ua fai atu e ia lena upu, ona tupu ai lea o le fefinauai i le au Faresaio ma le au Satukaio; ona vaeluaina lea o le faapotopotoga. ⁸ Auā e faapea le au Satukaio, e leai se toe tu mai, e leai foi se agelu, poo ni agaga, a ua taofi e le au Faresaio ia mea uma. ⁹ Ua tupu foi le pisapisao tele; ona tutū i luga lea o le au tusiupu o le vaega o le au Faresaio, ua matuā finafinau atu, ua faapea atu, "Matou te le iloa se leaga i lenei tagata; a e afai ua tautala mai se agaga, po o se agelu ia te ia, pe faapefea la?" ¹⁰ Ua tele lava le fefinauai, ua fefe foi le alii e pule i 'au nei fesaeiaiina Paulo e i latou, ua fai atu o 'ia i le 'au tau e ō ifo, ma toso mai ia te nai ia i latou, ma taitai mai i le 'olo. ¹¹ Ua oo ile po, ona tu mai ai lea o le Alii ia te ia, ua faapea mai, "Paulo e, ina faalototele ia oe; auā e pei ona e molitino i mea ia te au i Ierusalema, e tusa foi ona faapea ona e molimau i Roma." ¹² Ua ao, ona 'au faatasi lea o isi Iutaia ua tuufeaugani i latou, ua faapea, latou te le aai pe feinu seia latou fasioti ia Paulo. ¹³ Ua toafasefulu ma ona tupu o i latou, na 'au faatasi i lenei augani. ¹⁴ Ua o atu i latou i ositaulaga sili ma toeaina, ua fai atu, "Ua tuufeaugani i matou i le anatema, matou te le aai lava i sina mea seia matou fasioti ia Paulo. ¹⁵ O lenei ia faailoa atu e outou atoa ma le fono i le alii e pule i 'au na te taitai ifo o ia ia te outou, peiseai a outou matuā suesue i mea ia te ia; a o i matou, ua sauniuni e fasioti ia te ia, a o lei latalata o ia." ¹⁶ Ua lagona e le tama a le tuafafine o Paulo le lamalamaina, ona alu atu lea o ia, ua ulufale i le 'olo, ma ta'u atu ia Paulo. ¹⁷ Ona valaau lea e Paulo i se taitai o taselau, ua fai atu i ai, "Taitai atu ia lenei taulealea i le alii e pule i 'au; auā ua ia te ia se mea e fai atu ia te oe. ¹⁸ Ona ave lea o ia ia te ia, ua taitai atu i le alii e pule i 'au, ua faapea atu, "Na valaau mai ia te au e Paulo le ua fusifusia, ua aioi mai ou te taitai mai lenei taulealea ia te oe, ua ia te ia se mea e fai atu ia te oe. ¹⁹ Ona tago lea o le alii e pule i 'au i lona lima, ua o ane na o i laua, ma fesili atu, "O le a le se mea o e tau ta'u mai ia te au?" ²⁰ Ua fai mai o ia, "Ua 'au faatasi tagata Iutaia e fatoga atu ia te oe ina ia e taitai ifo taeao ia Paulo ile fono, peiseai a latou matuā suesue se tasi mea ia te ia. ²¹ A e aua e te usiusitai atu ia te i latou; auā o loo lamalama mai ia te ia o latou tagata e fasefulu ma ona tupu ua tuufeaugani i latou, latou te le aai pe feinu seia uma ona latou fasioti ia te ia; ua sauniuni nei foi i latou ma ua faatalitali mai i sau fetalaiga. ²² Ona tuu atu lea e le alii e pule i 'au i le taulealea e alu, ina ua maea ona faatonuina o ia, "Aua e te fai atu i se tagata lava ua e faailoa mai nei mea ia te au." ²³ Ua valaau atu foi o ia i ni taitai o toaselau e toalua, ua fai atu, "Ina sauni ia le 'au tau e toalua selau, e o i Kaisareta, ma ē tietie i solofanua e toafitugafulu, ma ē fai tao e toalua selau. Tou te o ese foi i le itula e iva i le po. ²⁴ Na ia faatonuina foi i latou ina ia sauni foi manu ia latou faatietie ai ia Paulo, ma avatu ia te ia ma le saogalemu ia Filiki le kovana. ²⁵ Ona ia tusia ai lea o le tusi, ua faapea. ²⁶ "O a'u o Kalaotio Lusia, o loo ou alofa atu i le alii silisili o Filiki. ²⁷ Na puea lena tagata e Iutaia, na toe a fasiotia e i latou o ia; ona ou tulai atu lea ma le 'au tau, ma laveai ia te ia, ina ua ou iloa o le Roma o ia. ²⁸ Na ou fia iloa le mafuaaga na molia ai o ia e i latou, ona ou taitai atu lea ia te ia i le latou fono. ²⁹ Na ou iloa, na molia o ia, ina ua fesiligia i la latou tulafono a ua leai lava se mea na molia ai o ia, e tatau ona oti ai, pe fusifusia ai o ia. ³⁰ Ua faailoa mai foi ia te au, sa iai se taupulepulega e faasaga ia te ia, ona ou auina faavave atu loa lea o ia ia te oe, ma faatonuina ē na molia o ia e tuuina atu moliaga e faasaga ia te ia i ou luma. Soifua/Ia e manuia. ³¹ Ona ave lea e le 'au tau ia Paulo, pei ona poloaiina mai ai o i latou. Ua momoli atu ia te ia i le po i Anipateri. ³² O le aso na sosoo ai, o le toatele o fitafita na tuua i latou e tietie solofanua, e ō ma ia, ae ua toe foi atu i latou i le olo . ³³ Ua latou oo i Kaisareia, ona avatu lea o le tusi i le kovana, ua tuu atu foi ma Paulo ia te ia. ³⁴ Na faitau e le kovana le tusi, ona fesili mai lea poo fea lona nuu. Ina ua ia iloa e mai Kilikia o ia, ³⁵ ona fai mai lea o ia, "O le a ou faalogo atu ia te oe pea oo mai e na molia oe." Ona ia faatonuina lea o ia, ina ia leoleoina o ia i le ofisa tutotonu o le maota/malo o Herota.