¹ A e ia e iloa e oe lenei mea, o ona aso e gata ai e oo mai ai aso faigata. ² Aua e avea tagata ma e alolofa i latou ia i latou, o e mananao i tupe, o e loto vii, o e faamaualuga, o e upu leaga, o e le faalogo i matua, o e le faafetai, o e amio leaga, ma e le faapaiaina. ³ O le a leai so latou loto alofa e masani ai, e leai se faaleleiga, o e faatuapua, ua leai se loto pulea, o e faasaua, o e inoino i le amio lelei. ⁴ E avea i latou ma faalata, o e soona fai, o e ua faafefeteina, o e ua tele le manao i mea faafiafia , ae leai se manao i le Atua. ⁵ O e ua peiseai ua toaga i lotu, a o le mana ua i lea mea ua latou teena. Ia e alo ese lava i tagata faapena. ⁶ E i ai foi nisi o e ulu atu i fale, ma faasese i fafine valelea, ua mafatia. O nei fafine ua mafatia i agasala, o e ua taitaieseina e tuinanau eseese. ⁷ O nei fafine, ua aoaoina e le aunoa, a e le au mafai ona oo ina iloa lelei ole upu moni. ⁸ Faapei o Iani ma Iameri e na tetee atu ia Mose, e faapea foi i latou iaona tetee atu i le upu moni. O tagata ua loto leaga, o e ua le faamaoni i la le faatuatua. ⁹ A e le alualu pea i latou i luma. Auā e iloa lelei lava lo latou valea e tagata uma, faapei o i laua. ¹⁰ A o oe, ua e iloa lelei o la'u aoaoga, o la'u amio, o le loto mau, o le faatuatua, o le faapalepale, o le alofa, o le onosai, ¹¹ o sauaga ma mea tiga, o mea ia na oo mai ia te au i Anetioka, ma Ikonio, ma Lusa, Na ou feagai ma ia sauaga. Na laveai e le Alii mai ia te au i na mea uma lava. ¹² O i latou uma foi o e loto ina nonofo ma le amio Atua ia Keriso Iesu, e sauaina i latou. ¹³ A o tagata amio leaga ma e taupelopelo, e alualu pea lava lo latou leaga, o loo faasese atu, ua faaseseina foi i latou. ¹⁴ A o oe, ia e tumau i mea ua aoaoina ai oe, ina ua e iloa o ia na aoao atu ai ia te oe. Na e iloa o ia na a'oa'o atu ai ia te oe. ¹⁵ Talu foi ina o e tama itiiti ua e iloa tusi paia, e mafai o na faapoto ai ia te oe e iu ai i le faaolataga i le faatuatua ua ia Keriso Iesu. ¹⁶ O tusi paia uma lava e mai le Agaga o le Atua ia. O le Atua ia, e aoga foi ia e a'oa'o ai, e aoai ai, e faatonu ai, e faapoto ai foi i le amiotonu. ¹⁷ Ina ia atoatoa ona lelei ai ole tagata o le Atua, ia saunia lava ia i galuega uma lava.