¹ O lenei, lo'u atalii e, ia faamalosia oe i le alofa tunoa o loo ia Keriso Iesu. ² O mea na outou faalogo mai ia te a'u i luma o molimau e toatele, ia e tuuina atu ai i tagata faamaoni, o e ua mafaia ona a'oa'oina atu i nisi. ³ Ia outou mafatia faatasi ma a'u e pei o fitafita lelei a Keriso Iesu. ⁴ E leai se fitafita e auauna ao lavelavea i mea o le olaga nei, ina ia faafiafia ai lona ofisa sili. ⁵ Afai foi, ae iai se tasi e tauva o se afeleti, e le faapaleina o ia pe a le finau e tusa ma tulafono. ⁶ E tatau foi i lē faifaatoaga o loo galue malosi ona muai maua e ia le fua. ⁷ Ia e mafaufau i lau tala lea e fai atu, ona o le Alii o le a ia avatuina ia te oe le malamalama i mea uma. ⁸ Ia e manatua o Iesu Keriso, e tupuga mai ia Tavita, o ia na faatuina mai le oti. E tusa lea ma la'u feau o le talalelei, ⁹ ona o lea ua ou tigaina ua oo ina o'u noanoatia i filifili e pei o se ua solia le tulafono/pagota. Ae o le afioga a le Atua e le notia lava lea. ¹⁰ O le mea lea ou te onosai ai i mea uma ona o le au filifilia, ina ia maua e i latou foi le faaolataga o loo ia Keriso Iesu ma le manuia e faavavau. ¹¹ O le upu moni lenei: "Pe afai tatou te oti faatasi ma ia, tatou te ola faatasi ai foi. ¹² Pe afai tatou te onosai e fai foi i tatou ma tupu faatasi ma ia, pe afai tatou te faafiti ia te ia, e faafiti foi o ia ia te i tatou. ¹³ afai e le faamaoni i tatou, e faamaoni pea lava ia, auā e le mafaia e ia ona faafiti ia te ia." ¹⁴ Ia e faamanatu ia i latou ia mea. Ia poloai atu ia i latou i luma o le Atua ina ia aua nei misa i upu; e leai se aoga ma e faaleagaina ai i latou o faalogologo. ¹⁵ Ia e taumafai malosi ina ia avea oe ma le ua fiafian mai ai le Atua, ole faigaluega e leai se mea e mā ai, na te a'oa'o tonuina le upu moni. ¹⁶ A ia e taumamao ma upu faalelalolagi ma le le aoga; auā e tupu atili ai le amio faalematau. ¹⁷ O a latou upu e sosolo e pei o le kanesa/aati e pei o le papala. E faatasi ma i latou o Umenio ma Fileto, ¹⁸ o laua ia ua o ese mai le upu moni. Ua laua faapea ane, ua mavae lava le toe tu, ae ua faaliliu ese ai le faatuatua o nisi. ¹⁹ Ae ui lava i lea, ole faavae mau o le Atua e tu lava lea. O loo iai lenei faailoga, "Ua silafia e le Alii ona lava tagata" atoa ma lea " Ia o ese i le amio leaga i latou uma o e ta'uta'u le suafa o le Alii." ²⁰ Ua le na o ipu auro ma le ario, ua i le fale o le aiga mauoa. O loo ia foi ipu laau ma omea. O nisi o nei mea ua tauleleia, ao nisi foi ua tauleagaina. ²¹ O lenei, ai se tasi e faamamā ia te ia ai nei mea ua ta'uleagaina, e fai o ia ma ipu e tauleleia. Ua vavaeeseina o ia, e aoga foi mo le Matai/Alii, ma ua saunia mo galuega lelei uma lava. ²² Ia e sola ese i tuinanau o taulelea. Ia e tausisi i le amiotonu, ma le faatuatua, ma le alofa atoa ma le filemu faatasi ma i latou o e valaau i le Alii ai le loto mamā. ²³ Ia e alo ese mai fefinauaiga vālea, ma le leai se uiga. Auā ua e iloa o mea ia e tupu ai femisaiga. ²⁴ Auā e le tatau ona faamisa o le auauna a le Alii, a ia agamalu i tagata uma, ia mafaia ona a'oa'o atu, ma ia onosai, ²⁵ ia aoai atu ma le agamalu i e o finau mai. Atonu lava e foai atu ele Atua ia te i latou le salamō, ina ia latou iloa lelei le upu moni. ²⁶ Ia latou ala mai foi ma o ese mai i le mailei a le tiapolo, o ē ua maua e ia, e fai lona lava finagalo.