Mataupu 9

1 O lo'u manatu i le auaunaga mo tagata o le Atua, e le talafeagai ai ona ou tusi atu ia te oe 2 Oute iloa lou naunautaiga, oute tala mimita ai i tagata o Maketonia. Na ou fai i ai ua leva ona sauni Akaia talu mai le tausaga na te'a nei. O lou tauivi ua faamalosia ai le toatele e galulue. 3 O lea ua ou auina atu le 'au uso ina ia aua ne'i ta'u faatauvaaina lo'u mitamita ia te oe ua e sauni, e pei lava ona ou fai atu ai 4 A leai, afai ae sau se Maketonia ma te o, ma ia iloa ai oe e te le i sauni, ona faamaina lea o i matou - E leai sa'u tala e uiga ia te oe - ona o lo'u faatuatuaina o oe 5 Ua ou manatu e talafeagai ona ou faamalosi i le au uso e o mai ia te oe, ma fai ni tuutuuga mamao i meaalofa ua e

tauto mai ai. Na faia ina ia lava tapena ia mea ina ia avea o se faamanuiaga, ae le o se mea ua faamalosia.

6 O le manatu lea: O le laititi ana mea e lulu, e ititi fo'i mea na te selesele, a o le lulu mo le faamoemoe ia manuia, e na te selesele le manuia 7 Ia taitoatasi ma foa'i e tusa ma le mea ua mana'o i ai lona loto, aua ma le tiga, aua fo'i ma le faatauanauina, aua e alofa le Atua i le foa'i ma le loto fiafia. 8 Ma e mafai e le Atua ona foa'i mai lona alofa tunoa ma ua tele naua mo oe, ina ia i ai i mea uma lava, mea uma e te manaomia. O le mea lea e i'u ai ina faateleina mea lelei uma e te faia 9 Aua ua tusia: "Ua ia tufatufa atu lona tamaoaiga, ma ia foa'i atu i e matitiva. A o lana amiotonu e au i le faavavau. 10 O la na te foa'i atu le fatu i le fai faatoaga e luluina, ma Ia foa'i le falaoa mo meaai, ma ia saunia ma faateleina au fatu mo le luluina. E faaopopoina e Ia le seleselega o lau amiotonu 11 E faatamaoaigaina oe i auala uma ina ia e agalelei atu. O le mea lea e avatu ai le viiga i le Atua ona o tatou. 12 Mo le faia o le auaunaga, e le gata ina faafeiloai ai manaoga o tagata paia o le Atua, ae e i'u i le faateleina o le faia o mea lelei ona o le faafetai atu i le Atua 13 O le tofotofoina o outou ma faamaonia la outou auaunaga, o le a faapea fo'i ona outou viia le Atua e ala i lo outou usiusitai i la outou tautinoga i le talalelei ia Keriso. Toute viia fo'i le Atua e ala i le agalelei, faapea la outou fesoasoani ia i latou ma tagata uma 14 E mananao mai ia te outou, ma o lo o tatalo mai mo outou. O lo o latou faia lenei mea ona o le alofa tunoa o le Atua o lo o i luga ia te outou 15 Ia faafetaia pea le Atua, i lana meaaaofa foa'i fua e le faamatalatalaina.