¹ I le auala lava e tasi, o ‘outou o avā, ‘ia usiusita‘i ‘outou i a ‘outou lava tane. Fai lenei mea e tusa lava pe o nisi alii ua le usiusitai i le upu, e mafai ona manumalo i latou e aunoa ma se upu, i le amio a latou avā, ² e fai ma molimau vaaitino i lo outou faaaloalo ma le amio mama. ³ 'Aua ne'i na'o fafo lou teuga, le fili ina o lauulu, ma le fa'aofuina o mea teuteu auro, po o ofu e te ofuina. ⁴ A'e peitai, ia avea o outou teuga o le tagata i totonu o le loto ia tumau le matagofie o le agamalu ma le agaga filemu, e tāua i luma o le Atua. ⁵ Aua e faapea o tamaitai paia anamua, o ē na fa‘amoemoe i le Atua ‘ua teuteu ‘iā te i latou; e ala i le usiusitai atu i a latou tane. ⁶ O le mea lea na usitai ai foi Sara ia Aperaamo ma taʻua o ia o lona alii. Ua avea nei outou ma ana fanau pe afai tou te faia le mea lelei ma e te le fefe i puapuaga. ⁷ I le ma lea, o outou tane e tatau ona nonofo faatasi ma a outou avā e tusa ma le malamalama; e pei o se ipu vaivai o se fafine. E tatau ona e avatu ia i latou le mamalu e avea ma suli o le alofa tunoa o le ola. Fai lenei mea ina ia le faalavelaveina au tatalo. ⁸ Mulimuli ane, ia loto gatasi outou uma, agaalofa, alofa pei o uso, loto alofa, ma ia loto maulalo. ⁹ Aua le taui atu le leaga i le leaga, po o le tauemu i le faalumaina. I se isi itu, ia faaauau ona faamanuia, aua o le mea lea na valaauina ai outou, ina ia outou maua le manuia. ¹⁰ “O lē e mana‘o i le ola ma vaai i aso lelei e tatau ona taofi lona laulaufaiva mai le leaga ma ona laugutu mai le tautala pepelo. ¹¹ Ia liliuese o ia mai i le leaga ma fai le mea lelei. Tuu atu ia te ia e saili filemu ma tuliloa i ai. ¹² O mata o le Alii e silasila mai i ē amiotonu, e faafofoga mai foi ona taliga ia latou tatalo. Ae o fofoga o le Alii e tetee atu i ē fai amio leaga.” ¹³ O ai ea na te faia se mea leaga iā te outou? Pe afai tou te naunau e fai le mea lelei? ¹⁴ Ae e tusa lava pe mafatia outou ona o le amiotonu, ua manuia oe. Aua le fefefe ia latou taufaamatau. Aua le popole. ¹⁵ ‘Ae peita‘i, ‘ia vavae‘eseina le Ali‘i o Keriso i o ‘outou loto aua e pa‘ia. Ia nofosauni e avatu se tala i so o se tasi e fesili mai e uiga i le faamoemoe ua ia te oe, ¹⁶ ma le agamalu ma le faaaloalo. ‘Ia ‘iā te ‘outou le loto fuatiaifo lelei, ‘ina ‘ia māsiasi i so o se mea e ta‘uleagaina ai ‘outou, o ē fa‘aleaga lo ‘outou olaga lelei ‘iā Keriso. ¹⁷ E sili ona lelei pe afai o le finagalo o le Atua, ua ‘outou puapuagā i le faia o mea lelei nai lo le faia o mea leaga. ¹⁸ Na tigaina foi Keriso fa'atasi ona o agasala. O lē e amiotonu na tigāina mo i tatou o ē amioletonu, ‘ina ‘ia ta‘ita‘iina i tatou e ia i le Atua. Na fasiotia o ia i le tino, ae na toe faaola mai e le Agaga. ¹⁹ E ala i le Agaga, na alu atu ai o ia ma folafola atu i agaga o loo i le falepuipui. ²⁰ ‘Ua latou lē usiusita‘i fo‘i, a o fa‘atalitali ma le ‘onosa‘i le Atua i ona po o Noa, o ona po na fau ai le va‘a, na faaolaina ai e le Atua nai tagata e toavalu mai le vai. ²¹ O le fa‘ailoga lea o le papatisoga ‘ua fa‘aolaina ai ‘outou i le taimi nei, e lē o se fa‘amamāina o le palapala i le tino, a ‘ia ‘ai‘oi atu i le Atua le loto fuatiaifo lelei, e ala i le toetū mai o Iesu Keriso. ²² O loo i le itu taumatau o le Atua Keriso. Na afio atu o Ia i le lagi. E tatau i agelu, pule, ma ē malolosi ona usisusitai atu iā te ia.