¹ 1O lenei ou te manao e fa'ailoa atu ia te outou le au uso e, o le tala lelei ua talai'ina atu, ua outou maua ma tumai ai, ² 2ua fa'asaoina ai oe pe afai e te taofi mau i upu oute folafolaina atu ia te outou, sei vaganā ua outou lē talitonu. ³ 3Auā na ou tuuina atu ia te outou mea taūa muamua, o mea foi na ou mauaina, o Keriso na maliu mo tatou agasala e pei ona tusia i tusi, ⁴ 4na tanu foi o ia ma toe tu mai i le aso tolu e pei ona tusia. ⁵ Na fa'aali foi Keriso ia Kefa ma le au so'o e toasefulu ma le lua; ⁶ ua ia fa'aali foi i le au uso e lima selau ma ona tupu ina ua fa'atasi. O le toatele o i latou o lo'o ola pea, a o isi ua momoe. ⁷ Ona ia fa'aali lea ia Iakopo; ona sosoo ai lea ma le au aposetolo uma. ⁸ Mulimuli ane, ua ia fa'aali mai ia te au, e pei o se tasi na fanau vave. ⁹ Auā o a‘u o le aupito itiiti i le ‘au ‘aposetolo. E lē aoga au ona valaau ma aposetolo, auā o a'u sa sauaina le ekalesia a le Atua. ¹⁰ A o le alofa tunoa o le Atua ia te a'u, ua fa'apenei ai a'u, ma o lona alofa tunoa i totonu ia te a'u e lē fa'aleaogaina lea. Ae peitai, sa ou galue malosi nai lo latou uma, ae o le alofa tunoa o le Atua sa fa'atasi ma a'u. ¹¹ O lenei, pe le o lea po'o i latou, ua matou talai atu ina ia outou talitonu. ¹² O lenei, afai o Keriso sa folafolaina ua toe tu mai i le oti, e fa'afefea ona outou faimai e leai se toetu mai o e ua oti? ¹³ Afai e leai se toetu o e ua oti, ona le toe fa'atuina mai lea o Keriso; ¹⁴ ma afai e le toetu mai o Keriso, ua fa'aleaogaina la matou talaiga; o lo outou fa'atuatua ua fa'aleaogaina foi. ¹⁵ O le isi mea, ua maua i matou e pei o molimau pepelo a le Atua, ona ua matou tautino o le Atua sa fa'atuina Keriso mai le oti. ‘Ae le‘i toe fa‘atūina mai o ia e ia, pe ‘āfai e lē toe tutū mai ē ‘ua oti. ¹⁶ Afai e lē toe tutu mai e ua oti, e le toetu mai foi Keriso. ¹⁷ Ae afai e le toetu mai o Keriso, ua fa'aleaogaina lo outou fa'atuatua ma o loo agasala pea lava outou. ¹⁸ Ua fano i latou o ē ua momoe ia Keriso. ¹⁹ Afai ua na'o le fa'amoemoe o tatou ia Keriso i lenei ola, ua sili lo tatou malaia i tagata uma. ²⁰ O lenei, ua toetu Keriso mai e ua oti, o ia o le uluai fua o e ua momoe. ²¹ Auā ‘ua o‘o mai le oti i le tagata, ‘ua o‘o fo‘i i le tagata le toetū mai o ē ‘ua oti. ²² Auā e pei ona oti uma ia Atamu, e fa'apea foi ona fa'aolaina uma ia Keriso. ²³ Ae peitai ua taitoatasi ma toetu mai e ua oti i lona fa'asologa: o Keriso o le uluai fua, fa'atasi ma i latou ua ia Keriso, e fa'aolaina i lona toe afio mai. ²⁴ Ona o'o mai lea o le gataaga, na te tu'uina atu le malo i le Atua le Tamā, na te soloia le tulafono ma le pule uma ma le mana. ²⁵ Auā e tatau ona nofotupu o ia, se ia tu'uina atu ona fili uma i lalo o ona vae. ²⁶ O le oti o le fili mulimuli lea e fa'aumatia. ²⁷ "Auā ua ia tu'uina atu o mea uma lava i lalo o ona vae", ina ua ia fetalai “Ua tuuina e ia o mea uma lava,” e manino mai e lē o aofia ai i lenei mea, lē na tuuina atu mea uma i lalo ia te ia. ²⁸ Pe a tu'u mea uma i lalo ia te ia, o le Atali'i foi ua tu'uina i lalo o lē na tu'uina atu mea uma i lalo o ia, ina ia iai le Atua i mea uma lava. ²⁹ O lea le mea e fai e i latou o e ua papatiso mo e ua oti? Afai e le toetu mai e ua oti, aisea ua papatiso mo i latou? ³⁰ Aisea ea e lamatia ai i tatou i taimi uma? ³¹ Ou te oti i aso uma! E mautinoa fo‘i lea ma lo‘u mitamita ‘ona o ‘outou, ‘ua ‘iā te a‘u ‘iā Keriso Iesu lo tatou Ali‘i. ³² O le ā se mea ou te maua i le vaaiga faaletagata, pe a ou tau ma manu feʻai i Efeso, pe a lē toe tutū mai ē ua oti? “Ia tatou aai ma feinu, auā o taeao tatou te oti ai.” ³³ Aua ne'i faaseseina outou: "O e amio leaga e fa'aleagaina ai o e amio lelei". ³⁴ Tumau ma le faautauta! Ola i le amiotonu! Aua e te agasala. Auā o nisi o ‘outou e lē iloa le Atua. Ou te fai atu lenei mea i lou maasiasi ³⁵ A e fai mai se tasi, “E fa‘apefea ‘ona toe tutū mai o ē ‘ua oti, ma o le ā le tino e ō mai ai i latou?” ³⁶ Oe faavalevalea! O le mea e te lūlū e lē ola mai se'iloga e mate. ³⁷ O le fatu fua e te lūlū, e lē o le o lona tino lea o le a iai. Atonu e avea ma saito po o se isi mea. ³⁸ Ae o le a tuuina atu e le Atua i ai le tino e pei ona ia filifili, ma ona fatu taitasi i lona lava tino. ³⁹ E lē tutusa aano uma o tagata. Nai lo, e tasi le aano mo tagata, ma le isi aano mo manu, ma le isi aano mo manu felelei, ma le tasi aano mo iʻa. ⁴⁰ E iai foʻi tino faalelagi ma tino faalelalolagi. Ae o le mamalu o le tino faalelagi e ese mai le mamalu o le lalolagi. ⁴¹ E ese le pupula(malamalama) o le la, ese foi le pupula o le masina, e ese foi le pupula o fetu. Auā e ese le pupula o le tasi fetu ma le isi fetu. ⁴² E faapena foi le toe tutu o e ua oti. O le mea e lūlūina e pala, a o le mea e toe fa'atūina e lē pala. ⁴³ E lūlūina ma le mā; ua toe faatuina mai i le mamalu. ⁴⁴ E lūlūina ma le vaivai; ua toe faatuina mai i le mana. ⁴⁵ E faapea foi ona tusia, "O le uluai tagata o Atamu na avea ma tagata ola." O le Atamu mulimuli na avea ma agaga o le ola. ⁴⁶ Ae e leʻi muamua le faaleagaga ae o le faaletino, ona sosoo ai lea ma le faaleagaga. ⁴⁷ O le ulua‘i tagata o le ‘ele‘ele ia, na faia i le efuefu. O le tagata lona lua e mai le lagi. ⁴⁸ E pei ona faia i le efuefu, e faapena foʻi i latou na faia i le efuefu; ma o tagata o le lagi, e faapea foi i latou o e o i le lagi. ⁴⁹ E pei ona tatou tauave le faatusa o le tagata o le efuefu, tatou te tauave foi le faatusa o le tagata o le lagi. ⁵⁰ O lenei, le au uso e, ou te fai atu lenei mea, e le mafai ona fai mo latou tofi le malo o le Atua i le tino ma le toto. E le maua foi e le mea pala le mea e le pala. ⁵¹ Vaai! Ou te taʻu atu iā te outou se mea lilo: O le a lē momoe uma i tatou, ae o le a suia i tatou uma. ⁵² O le a suia i tatou i se taimi, i le emo o le mata, i le pu mulimuli. Auā e ilia le pū, e toe tutū mai fo‘i ē ‘ua oti e lē pala, e liua fo‘i i tatou. ⁵³ Auā o lenei tino e pala e tatau ona ofu i le mea e lē pala ma o lenei tino faaletino e tatau ona ofu i le tino ola pea. ⁵⁴ Ae ina ua ofu lenei tino pala i le mea e le pala, ma a oofu lenei tino oti i le tino ola pea, ona taunuu ai lea o le upu ua tusia, "Ua faatoilaloina atoatoa e le Atua le oti". ⁵⁵ “Le oti e, o fea o i ai lou manumalo? Le oti e, o fea o i ai lou tui? ⁵⁶ O le tui o le oti o le agasala lea, a'o le mana o le agasala o le tulafono lea. ⁵⁷ ‘Ae fa‘afetai i le Atua, o lē na te foa‘iina mai le manumalo ‘iā te i tatou e ala i lo tatou Ali‘i o Iesu Keriso! ⁵⁸ O lenei, le au uso pele, ia mausalī i lo outou faatuatua ma ia lē faagaeetia o outou olaga. ‘Ia fa‘ateleina pea i le galuega a le Ali‘i, auā ‘ua ‘outou iloa e lē fa‘alēaogāina lo ‘outou galulue i le Ali‘i.