¹ ToEn-toEn, ozEn ne hole'-hole' kam ngEn pehesiu ngEn keve' le jo Eham tEsen Eham pe un toEn ka surga te. PozEn-PozEn de' le Ozen ² Temek le dalem sembazang, ngEn jage'-jage' ngEn ba'da belen penyaie' kam pala Tuhan. ³ Sembazang ne maha amie afane Allah mesiek sehepen maha katok Tuhan po mie senteng ba'da e dengo Kristus, de' ko'en ne kie' tEi senepin. ⁴ Sembazang ne afane cie' fabie' ngEn ala mehumpin cie' ke he fahalai. ⁵ OzEn ne de' pehesiu ta helonEn-helonEn sehavang ngEn hanEn ne avang de' tE'a. ⁶ Inu baliu isiu kam ngelanue' sangEn ngEn pengelesau, ngEn mafit ne ngEn fozEn de' tE'a kue ba'en co osen de, bi'i kam tEsen kemEva rau du. Kenue' sen Paulus ngEn KelonEn-KelonEn de' un Ngan ne ⁷ Tikhikus ha ngetene' dengo kie'. Ezo cenganak co le pengelEn de' kie' lesau, de' ke' cuok ngEn temek, ngEn co le ja'gEn dalem Tuhan. ⁸ Ahie cuok ezo nai hato ihue' ngEn ka'dep afEn cam tEsen fozEn mie ngEn ezo senteng pazeng hEmet cam. ⁹ Ezo nai ngEn OnEsimus, cenganak le co le pengelEn ngEn temek ngEn de' kie' lesau, E'o du sen Eham. E'o he ba'da maha Eham muong je' muong ketai tenozen tuwi ne. ¹⁰ Tozang kie' de' co le dalem lamin sepin, Aristarkhus, ngatu henue' maha ihue' mEhE fe Markus, daang Bernabas, de sen ezo kam lepek pesong penu'jue; ala ne zo tasa zo nai hato Eham. ¹¹ NgEn kenue' sen Yesus, de' du nepai Yustus. NgEn tozang kie' de' co le dalem ja'gen maha Kerajaan Allah, beng E'o di ne sen kelonEn de' un terane' do ngelEn, ngEn co ne de' pemoEt kEmet cie'. ¹² Epafras, cenganak de co le pengelEn, pengecok Kristus Yesus, ngEn pa'bie henue' maha Eham. Ezo pengabie' sembazang afEn cam pebere'jeng ta'eng ngEn sangen pengelEn dalem muong pengobe' Allah. ¹³ Ahie' senteng ba'da mehumpin zo lepek ha'du penosa maha Eham ngEn maha E'o de un ka Laodikia ngen Hierapolis. ¹⁴ Lukas, doktun de' mie lesau, ngEn Demas ngatu henue' maha ihue'. ¹⁵ Pa'bie ne henue' kie maha cenganak-cenganak de' co le pengelEn ha Laodikia, ngen maha Nimfa ngen kelonEn de' ngelEn Tuhan de' un ka homa te. ¹⁶ Bo lepek sorEt ji du baca' maha Eham, baca' la'a maha kelonEn de' ngelEn Tuhan ha Laodikia. Sahafelevet baca' ne sorEt jE maha kelonEn de' ngelEn Tuhan ha Laodikia. ¹⁷ Ba'da ne maha Arkhipus, "Nyemate' ne afEn cue pelepek ja'gen Tuhan de' lepek kam ala sen Tuhan. ¹⁸ Ahie', Paulus, nyorEt kenue' ji ngEn ujue' kie' tengen. Fetavai ne de' meseng ahie'. Kempoang Allah un serengEn cam.