¹ Jo, ahie' kobe' Eham tEsen ne baet ali le ja'gEn de' kie' ti di mEham, ngEn te E'o de' ha Laodikia te, ngEn maha muong du de' ta'un leve vevesuong ngEn kie'. ² Ha'dep kie' ji'i e bi'i do tEi salou ngEn co le dalem kelesau bi'i do un ne muong fenE'a de' sen fenEsen ngEn kesuok Tuhan Allah, ji'i e Kristus tengen. ³ Dalem zo, lEnget muong hEmet teneng ngEn fenEsen. ⁴ Kie kuen ne mihi bi'i ta'un du penget Eham tasa pesahEt ngEn du de' mala mencam. ⁵ Jo ve, oso kie' ta'un dalou Eham, jo hEmet cie' un dalou Eham, saie' ne kie' na'et disie' meget tE'a ngEn keta'eng fengenlEn cam dalem Kristus. Ti ne Baze' Kristus Yesus. ⁶ Jo, cam lepek tene ala Yesus Kristus kue ba'en Tuhan, pesolo ne dalem Ezo, ⁷ ngevahEt ngEn me'deng ne u'dip kam dalem zo, na'eng ne pengelEn cam baze' inu de' o'bEn du fahalEi Eham de, ngEn nyelanue' ne kun saie' hEmet. ⁸ Jage' ne bi'i ru ta'un nehacok Eham mEn fenEsen de' kelangEn ngEn felingu ru , sen kelazEn u'dip ngEn katok-katok ja'et tusun tane' ji, de' ento e sen Kristus. ⁹ Jo, dalem zo Eno muong de' nEi hatok ngEn de' un kesezo de' mu'dip dalem jEto oso le. ¹⁰ SangEn tene kam dalem zo, je' to'o tusun muong de' nEi hatok ngEn de' un kesezo. ¹¹ Dalem zo, Eham co un terane' sunat du ti mEn ujue', jo ngEn terane sunat ko'en Yesus Kristus, ji'i e mesau fozEn ja'et tusun tane' ji. ¹² Dalem du entue' Eham, udip fu'un fauong dalem tane', ngEn zo betie' Eham heve' ngEn zo sen fengelEn cam dalem kesezo Tuhan Allah je' betie' Yesus sen taeng kelonEn matEi. ¹³ Jo ve behE'EI re kam matEi ko'en cam nyemetong katok ngEn dalem sep tusun tane' de' ta'un terane' sunat, Tuhan Allah ozEn Eham mu'dip ngEn zo o'o lepek e muie' muong penyale' le. ¹⁴ Lepo tene feta'uen ne sorEt otang ngEn ka'du je' fahalavit ngan ne de' ngeteng ilu femuong ngEn Tuhan Allah. Lepek tene ala e ngEn mepek e ta hazu sehavet. ¹⁵ Zo nai muong de' nEI hatok ngEn de' un kesezo, ozEn E'o fena'et du ha'du bi'i do sa'E o'bEn ko'en Tuhan Yesus menang tene ha tusun kazu sehavet. Enteng ne Baze' Katok-Katok Sale' sen KelonEn ¹⁶ Jo e mEhE, enteng ne felE du nyale' Eham ta je' kam omen ngEn nEsep ngEn tou bezue' fengelEn, kempangen dalem bolEn ma'dieng ngEn tou sabat. ¹⁷ Muong e de' lEngEi je' kenEi te , jo je' kehengelona e muong o'o ji'i e Yesus Kristus. ¹⁸ Enteng ne felE ru mala-mala lEbe' tavai ngEn nenganie' malaekat-malaekat de' ke metep fozEn tE'a ngEn de' ja'et cam dalem kelempun bezue te o'o. E'o de' bang kobe' ta kena'et je' verareng de' ngkin E'o tEi bo mpou ko'en fena'et do de. ¹⁹ KelonEn de' mEhE ta'un ngengkem ta he fala le. Kefala ji'i e nugun muong oso le, muong e obEn sen Tuhan Allah. ²⁰ Bue kam matEi tene ta asEt ja'et tusun tane' ji, aie e kam mu'dip kue ba'en disie' ru de' davang Tuhan, tunok ta token kue ba'en: ²¹ Enteng man e, enteng nyela e, enteng negkie e? ²² Token-token di ketEi ta'un o'o lepek du baze' e. Jo token-token de' du ozEn de' sen penecok ngEn katok kelonEn. ²³ Token-toen de' mihi Eno e tE'a le te ngEn ngempou disie' kelempun maha kelonEn ngEn mala-mala lebe' tavai ngEn fetosa oso do. Jo un ne E'dE ta'un afane, bang fenyale' le tusun tane' ji le.