Henue Sen Paulus ¹ Sen Paulus, de' baliu rasul Yesus Kristus o'ben pengobe' Allah, ngen sen Timotius cenganak le de' co pengelen. ² Maha kelonen-kelonen de' buie' ngen cenganak-cenganak de' co le pengelen de temek dalem Kristus ha Kolose. Kempoang maha eham ngen penyaie' sen Allah Amai le. Sembazang Penyaie' Tavai Paulus ³ Bue kie' sembazang maha eham, amie' ngelanue ba'da penyaie' fala Allah, Amai le sen Tuhan ilu Yesus Kristus. ^{4 5 6} jo amie' ngene'en ngen jeto pengelen cam dalem Yesus Kristus ngen pengelesau de' kam un maha kelonen buie'. Pengelen ngen pengelesau je' mona ko'en tempelum de' lepek ne 'du fetenup maha eham ha surga, de' lepek ne eham ngene'en dalem katok de' teneng, ji'i e Injil. Injil ze lepet a'bie tene fala eham inu la'a njohong tane' ngen Injil zi un beva ngen nai bezu, kueba'en de tenozen taeng eham, sen tau zi am ngenE'en ngEn tEsen kempoang Allah dalem keteneng. ⁷ Eham lepek fehalai fozen ji sen Epafras, tozang de' pemong dalem ja'gen de' mie lesau, je lepek ne ja'gen Kristus de' temek maha eham. ⁸ Ezo ne de' ba'da e maha amie' mehumpin pengelesau kam dalem Roh. ⁹ O'ban ne mehe, sen 'tau mie ngene'en, ta'un mie tei enteng sembazang maha eham ngen nyet afane Tuhan nyangen eham men penesen ta fengo'be' e dalem mong penesen rohani. ¹⁰ Ngan'e mehe, eham senteng eham senteng mu'dip ngen pozen de' pehesiu teno Tuhan, pevangen ezo dalem muong pozen ngen ngempeva dalem sengket ja'gen de' te'a ngen mu'dip dalem penesen ta Allah. ¹¹ Inu baliu kam moet ngen muong pengoet ngen fene'a kuasa 'e afen cam pesuong penenek kenene' kemet ngen hempangen. ¹² Me'juong ne tenganie' kam fala fala Amai le de' lepek ne nyangen pozen de' le ala tolet sen fenolet kolonen-kelonen buie' dalem hentema. ¹³ Ezo lepek ne nahai ilu ta bali ja'et ngen maso ilu ha fene'a Anak ke je' ezo lesau. ¹⁴ Dalem ezo, ilu tei tene bazen ji'ie pengampunan ta fenyale'-fenyale' le. Kristus A'dieng tusun Muong je' Fozen ¹⁵ Ezo le kempen sen Allah de' ta'un le jeto, de' a'dieng tusun muong de' tenozen. ¹⁶ O'ben ba'en ne muong de' un ha surga ngen tusun tane' ji, je' mona ngen de' ta'un mona, te'a takhta, kekuasaan, pemerentah, mi'i te penguasa. Muong je' muong temozen ko'en 'e ngen maha ezo. ¹⁷ Ezo lepek un kena un je' un, ngen muong je' pesu'un ta Zo. ¹⁸ un ne Zo ulu sen oso, ji'ie jemaat. Ezo de' a'dieng de' baza, dalau kelonen matai afane Ezo de' a'dieng sen muong de' a'dieng. ¹⁹ Jo Allah ho'be' afane de un tenozen ko'en ne un dalem Ezo. ²⁰ Sen Ezo, muong je' muong tEi fencam ngen Ezo, te'a de' un tusun tane' mi'i te ha surga, ngen tEi fencam ko'en da aa E de' tEi mosa tusun kazu salib. ²¹ Eham behE'Ei re cu, ngEn pevunue' ngEn Allah dalem kEmet cam, ngEn ozEn pozEn-pozEn ja'et, ²² nihi kam lepek ne kam fencam ngEn oso Kristus ko'en patai E afane melEva Eham kue ba'en leva de' buie', ta'un tE'a ngEn ta'un buie' teno Allah. ²³ Ba'en ne baliu kam dalem pengelEn, ta'eng, ngEn moEt ta'un ho'jo luzuong sen tempelum le ta Injil de' kam ngenE'en de' lepek ne du ba'da maha muong de' tEi tenozEn dalem avang ji, de' ko'en ne ahie' Paulus de' peza'gEn maha Tuhan. Ja'gEn Paulus maha kelempun kelonEn de' ngelEN Tuhan Allah. ^{24 25 26 27} Nihi, kie' bangen dalem penosa kie' ko'en eham jo dalem oso kie' ahie' fetevo inu de' korang dalem penosa Kristus, maha oso E, ji'ie kelonEn de' ngelEn Tuhan Allah. Ahie' peza'gen maha Tuhan dalem kelonEn de' ngelEn Tuhan Allah pehesiu ngen ja'gEn sen Allah je' du nai ta ahie' maha Eham afen cie' senteng ba'da kelaii Allah ngEn Te'a. Je'i co de' du ngaum senu'uk sen behE'Ei a'bie behE'EI sen sun u'dip a'bie' sun u'dip nihi, jo de' nihi lepek du ba'da maha kelonEn-kelonEn de' buie'. Allah ho'be' ba'da maha E'o obEn kaze' ali fozEn je' tE'a ta'eng lepue'-lepue' de' co, jo Kristus Eno haralem Eham, ji'ie le tempelum sen penE'a. ²⁸ Amie' ba'da tentang Ezo, ngEn pehatok ngEn pehalai muong kelonEn ta muong penEsen po mie senteng engkin muong kelonEn tEi tEsen dalem Kristus. ²⁹ Ho'En ji'i, ahie' co peza'gen, pehesiu ngen kuasa E de' peza'gEn ngEn temek ha dalem cie'.