¹ Но ту хоратине давка, ковато прилежинел е зорале учениеске, именно: ² о пуре те овен самообладана, сериозна, разбрана, зорале анди вяра, анди любов, андо търпение; ³ също о пуре ромня те овел лен благоговейно поведение, тена овен клеветникия, нито предиме бут те пиен мол, те поучинен давка, ковато си лачо; ⁴ за те сикавен е терне ромниен те дехен пе ромен тай пе чавен, ⁵ те овен разбрана, целомъдрена, къщовникия, те овен блага, покорна пе роменге, за тена хулинел пес о Божие учение. ⁶ Чука е терне ромен увещине те овен разбрана. ⁷ Анде сичконасте покажине тут примери лаче деловиенге; анде те поучениесте покажине искреност, сериозност, ⁸ зорало тай безукорно хоратиба, за те лажал о противники, като нанай со канило те пенел аменге. ⁹ Увещине е слуген те покоринен пес пе господариенге, те угодинен ленге андо сичко, тена противоречинен ленге, ¹⁰ тена присвоинен о чуждо, а те покажинен винаги съвършено вярност; за те украсинен андо всичко о учение е Девлескоро, амаро Спасители. ¹¹ Соскето и Божие благодат, спасително саворе манушенге, явисали, ¹² тай сикавел амен те отречинас амен таро нечестие тай таро светска страстия, тай те живинас разбрано, праведно тай благочестиво андо сегашно светос, ¹³ като очаквинен те сбъднингиол амари блажено надежда, о славно явяване амаре великоне Девлескоро тай Спасители о Исус Христос, ¹⁴ Ковато диняс Пес за аменге, за те изкупинел амен секоне беззакониестар тай очистинел Песке, люде за Пере притежаниеске, ревностна лаче деловиенге. ¹⁵ Чука хоратине, увещине тай изобличине пълновластно. Никои тена презиринел тут.