¹ О Павел, слугас Божие тай апостоли на Исуса Христа, за подпомагане и вяра е Божие избраноненге тай ленгоро познание е истинаке, която си по благочестие, ² служещо анди надежда е животоске, колато преди вечна времена обещингяс о Дел, Ковато нана хохавел, ³ а Пере временде явингяс о изпълнение далке Пере словоскоро чрез о послание, повериме манге ки заповед е Девлеске, амаро Спасители, ⁴ жи ко Тит, о истинско моро чадос ки общо амари вяра: Благодат тай мири те овел туса таро Дел Отца тай Христа Исуса, амаро Спасители. ⁵ Муклом тут андо Крит по кайка причина, те товес андо редос о недовършиме тай те поставинес презвитериен анде секоне градосте, сарто ме заръчингиом туке; ⁶ Ако декой си непорочно, иеке ромняке ром тай иси лес вярваща чада, колато нанай обвиниме андо разпуснато животос или непокорство, савка те поставинел пес. ⁷ Соскето о епископи требе те овел непорочно, сар Божие настойники, ма своеволно, нито гневливо, нито пияница, нито побойники, нито те овел лакомо гнусноне печалбаке, ⁸ а гостолюбиво, любители е лачипнаске, разбрано, праведно, благочестиво, самообладиме; ⁹ ковато те икерел о верно словос, според сарто уло сикавдо, за те ащи те увещинел е зорале учениеса тай те опровергинел колкен, колато противоречинен. ¹⁰ Соскето иси мнозина непокорна, празнословция тай хохавне, а особено таро обрязана, ¹¹ коленгоро муи требе те панлол, мануша, колато развращинен цела кера, като учинен гнусноне печалбаке далкесте, колесте на требе. ¹² Иек лендар, десаво ленгоро пророки, пенгяс: " О критияния си винаги хохавне, зла зверовя, безделна лакомция." ¹³ Давка твърдение си верно. По далке причинате изобличине лен строго, за те овен зорале анди вяра ¹⁴ тай тена ден внимание юдейсконе басненде тай заповедия таро мануша, колато иринен пес тари истина. ¹⁵ Е чистоненге всичко си чисто,а за е оскверноненге тай е невярващоненге нищо нанай чисто, но ленгири годида тай и съвест ленгири си осквернена. ¹⁶ Твърдинен, кай пенджарен е Девлес, но пе деловиенца отричинен пес Лестар, като си мелале тай непокорна, неспособна за савото да те уло лачо делос.