¹ Далкеске, любезна тай бут желана мере прала, мери лошали тай моро венеци, бешен зоралесте андо Дел, любезна мере. ² Молинав е Еводияс, молинав е Синтихияс, те овен единомислена андо Дел. ³ Ва, тай тут молинав, искрено моро сътрудничес, помагине калке ромниенге, соскето трудисале андо делос е благовестиескоро заедно манца тай е Климентиеса, тай околе мере съработникиенца, коленгере алава си анди книга е животоскири. ⁴ Лошанен всякога андо Дел! Пак ка пенав: Лошанен! ⁵ Тумаро самовъздържание те овел пенджардо саворе манушенге; о Дел си паше. ⁶ Ма безпокойнен тумен нисоске, но относно всеко варесо, молитваса тай молбаса пенен тумаре искания е Девлеске благодарениеса; ⁷ тай о Божие мири, ковато нисави годи нащи схванинел, ка пазинел стража упрал тумаре сърценде тай тумаре мисленде андо Христа Исуса. ⁸ Най-после, пралален, всичко, ковато си истинно, ковато си почтено, ковато си праведно, ковато си чисто, ковато си любезно, ковато си благодатно, - ако иси варесо добродетелно, тай ако иси варесо похвално, - давка зачитинен. ⁹ Давка, ковато сиклилен, тай приемингиен, тай шунгиен, тай диклен анде манде, лес керен; тай о Дел е мириескоро ка овел туменца. ¹⁰ Ме бут лошанав андо Дел, кай акана най-после кергиен те процъфтинел наново тумари грижа за манге; за колеске наистина сине тумен грижа, но нана сине тумен благовремие. ¹¹ На пенав давка ашал и оскъдност; соскето сиклилом те овав доволно андо саво да състояние те аракловав. ¹² Жанав анди оскъдностда, жанав андо изобилиеда те живинав; андо секо нещо тай андо саворе обстоятелства сиклилом и тайна те овав чало, тай те овав бокало, те живинав андо изобилие или анди оскъдност. ¹³ За всичконаске иси ман сила чрез Колкесте, Ковато подкрепинел ман. ¹⁴ Но кергиен о лачипе, тай лилен участие анди скръб мери. ¹⁵ А тумеда, филипияня, жанен, кай като иклилом тари Македония тай почнингиом о делос е благовестиескоро, нито иек кангери, освен единствено туме, на диняс андо отношение ни те дел ни те лел манца; ¹⁶ соскето андо Солун иек-дуи дрома бичалгиен манге за ме нуждаке. ¹⁷ Ма кай мангав о подаръки, но мангав о плоди, ковато умножингиол тумаре сметкаке. ¹⁸ Но получингиом всичко тай иси ман изобилие, чаларгиоман, као получингиом таро Епафродит о бичалдо тумендар, благоуханно миризма, жертва приятно, благоугодно е Девлеске. ¹⁹ А моро Дел ка снабдинел всеко тумари нужда според Пере барвалипнасте анди слава андо Христа Исуса. ²⁰ А амаре Девлеске тай Отециеске те овел слава жи ко вечна векове. Амин. ²¹ Поздравинен секоне светияс андо Христа Исуса, Поздравинен тумен о прала, колато си манца. ²² Поздравинен тумен саворе светиес, а особено калка, колато си таро кесарево кер. ²³ И благодат е Девлескири о Исуса Христа те овел тумаре духоса. Амин.