¹ Тай чука, ако иси десаво насърчение андо Христа или десави утеха тари любов тай обещание андо Духос, или десаво милосърдие или състрадание, ² керен ми лошали перди, като синиен единомислена, като иси тумен еднакво любов, иек духос тай единомислена. ³ Ма керен нищо таро съперничество или таро тщеславие, но смиреномъдриениеса нека секой считинел околес по-упруно пестар. ⁴ Ма дикен секой само переске, но секой е чуждонеске. ⁵ Те овел тумен анде туменде о също съзнание, ковато сине ковато сине андо Исус Христос, ⁶ Ковато, сарто сине андо Божие образи, пак на счетингяс, кай требе зоралесте те икерел равенство е Девлеса, ⁷ но откажисало всичконастар, като приемингяс образи слугаскоро тай ачило подобно манушесте; ⁸ тай като приемингяс манушескоро образи, смирингяс Пес тай ачило послушно жи ко мериба, даже мериба ко кръстос. ⁹ Далкеске о Дел превъзвишингяс Лес тай подарингяс Леске алав, ковато си упрал всеконе авере алавесте; ¹⁰ чука кай андо алав е Исусеске те преклонинел пес всеко коч таро небесна тай е пувякере, тай телал и пув о същества, ¹¹ тай секо чиб те изповединел, кай о Исус Христос си Дел, славаке е Девлеске о Отца. ¹² Далкеске, любезна мере, сарто улен винаги послушна ма само мере присъствиесте, но акана бут повече паш мере отсъствиесте, изработвинен тумаро спасение дараса тай трепетиеса; ¹³ соскето о Дел си, Ковато според о благовестие Поро действинел анде туменде те манген давка тай те изработвинен лес. ¹⁴ Керен всичко би роптаниескоро тай би препирнякоро, ¹⁵ за те овен биукорна тай мазлоблива, непорочна Божие чада машкар о опако тай извратено поколение, машкар колесте блестинен сар светила андо светос, ¹⁶ като явинен о словос е животоскоро; за те овел ман соса те хвалинав ман андо диес е Христаске, кай на прастанилом напразно, нито трудисалом напразно. ¹⁷ Но макар кай принасинаман ме сар възлияние упрал и жертва тай о служение тумаре вяракоро, лошанав, тай саворенца туменца лошанав. ¹⁸ Чука също тумеда лошанен, тай манца заедно лошанен. ¹⁹ А надявинаман е Девлеске е Исусеске те бичалав туменге сиго е Тимотейес, тай меда те утешинаман, като ахаловав тумаро състояние. ²⁰ Соскето нанай ман никой авер еднаквоне духосте манца, ковато те погрижинел пес искрено туменге. ²¹ Понеже саворе роден поро, а ма ковка, ковато си Исус Христово. ²² А туме жанен лескири изпитано вярност, кай ов служингяс манца андо делос е благовестиескоро, сарто чадос пе дадеса. ²³ Лес надявинаман те бичалав, щом ахаловав со ка ачол манца; ²⁴ а уверено синиом андо Дел, кай ме коркоро сиго ка авав. ²⁵ Счетингиом обаче нужнонеске те бичалав туменге е пралес о Епафродит, моро съработники тай сподвижники, бичалдо тумендар те послужинел манге андо нуждес; ²⁶ понеже милинелас саворенге туменге тай тъжинелас, соскето шунгиен, кай уло насвало. ²⁷ Тай наистина ов боледувинел почти жи ко мериба; но о Дел покажингяс леске милост, тай ма само леске, но мангеда, за тена прибавинел пес манге скръб упрал и скръб. ²⁸ Далкеске по-сиго бичалгиом лес, тай, като дикен лес пак, те лошанен, тай ме те овав по-хари скърбиме. ²⁹ Тай чука, приеминен лес андо Дел пердоне лошаласа; тай овен тумен салка на почит, ³⁰ понеже ашал о Христово делос ов уло паше жи ко мериба, като изложингяс по животос ки опасност, за те доперел о недостиги тумаре услугенгоро карик манде.