¹ Далкеске, свята прала, участникия андо небесно звание, размислинен за е Апостолеске тай о Първосвещеники, Колес аме изповединас, о Исуса*; ² Ковато уло верно Колкеске, Ковато поставингяс Лес, сарто уло о Мойсей андо цело Лескоро кер. ³ Понеже Ов удостоисало славаса, по-бари тари Мойсеево, сарто кавка, ковато построингяс о кер си ки по-бари почит таро самото кер. ⁴ Соскето секо кер строинел пес декастар; а Кавка, Ковато сътворингяс всичко, си о Дел. ⁵ Тай о Мойсей уло верно андо цело Божие кер сар слугас, за те свидетелствинел за колкеске, ковато ка хоратинелас пес по-късно; ⁶ а о Христос уло верно упрал Лескере кересте сар Чаво. Лескоро кер синям аме, ако икерас зоралесте жи ко крайос анди дързост тай надежда, коласа хвалинас амен. ⁷ Далкеске, сарто пенел о Свято Духос: "Авдиес, ако шунен Лескоро гласос, ⁸ ма закоравинен тумаре сърца, сарто андо преогорчение, сарто андо диес е искушениеске анди пустиния, ⁹ кате тумаре дада изкусинде Ман, изпитинде Ман, тай дикле Ме дела саранда бреша. ¹⁰ Далкеске възнегодувингиом против далке поколениесте, тай пенгиом: Винаги заблудинен пес анде пе сърценде, он нана пенджарде Мере дрома; ¹¹ чука заклевингиоман ан Ме гневиесте: Он нанай те ден анде Мере почивкате." ¹² Внимавинен, пралален, тена овел анде декасте тумендар нечестиво, невярващо сърцес, ковато те отстъпинел таро живдо Дел; ¹³ но увещинен тумен иек аверес секо диес, жи кай още си "авдиес", тена декой тумендар закоравинел пес чрез и измама е безехакири. ¹⁴ Соскето аме участвинас андо Христа, ако удържинас зоралесте жи ко крайос амари първоначално увереност; ¹⁵ жи кай пенел пес: "Авдиес, ако шунен Лескоро гласос, ма закоравинен тумаре сърца, сарто андо преогорчение". ¹⁶ Соскето кола, като шунде, преогорчинде Лес?Ма саворе ли колка, колато иклиле таро Египет чрез о Мойсей? ¹⁷ А против коленде негодувингяс саранда бреша? Ма против колкенде ли, колато съгрешинде тай коленгере труповя пеле анди пустиния? ¹⁸ Коленде още заклевисало, кай нанай те ден анде Лескере почивкате? Ма колкенде ли, колато уле непокорна? ¹⁹ Тай чука, дикас, кай ашал о неверие поро он нанащине ден.