¹ Последователно амеда, като синям обикаляме салке баре облакиестар свидетеля, нека отчивас всеко теготия тай безех, ковато лесно оплетинел амен, тай нека, като устоинас, накас амаро предстоящо попище, ² като дикас е Исусес, о Начинатели тай Усъвършители амаре вяраке, Ковато, ашал Лескири предстоящо лошали, издържингяс кръстос, като презрингяс и лач бешло отдясно ко Божие престоли. ³ Соскето размислинен Калкеске, Ковато издържинел савка противопоставяне мамуял Песте таро грешна, за тена дотегнинел туменге тай тена обхванинел тумен малодушие. ⁴ Нана съпроивисален още жи ко рат анди борба тумари против и безех. ⁵ Тай бистергиен о съвети, ковато увещинел тумен сар чаве: " Моро чаво, ма презирине о наказание таро Дел, нито отпер духом, като изобличинел тут Ов; ⁶ соскето о Дел накажинел колкен, колен дехел, тай марел секоне чавес, колес приеминел". ⁷ Ако търпинен наказание, о Дел постъпинел туменца сар чаве; соскето кова си давка чаво, колес лескоро дад нана накажинел? ⁸ Но ако нана накажинен тумен, сарто накажинен саворен околен, тогава синиен незаконно биянде, а ма чаве. ⁹ Освен давка, исине амен земна дада*, колато накажиненас амен, тай почитинасас лен; нанай ли още по бут те покоринас амен е Отециеске е духовиенге тай те живинас? ¹⁰ Соскето он за хари време накажиненас амен, според сарто уло ленге угодно, а Ов амаре ползаке, за те участвинас анде Лескере святостате. ¹¹ Нисаво наказание на дикиол ко времес те овел лошалаке, а за скръбяке; но после принесинел правда сар мирно плоди калкенге, колато обучисале чрез лесте. ¹² Далкеске, "укрепинен о немощна васта тай о отслабнала кочя", ¹³ тай керен тумаре пиренге права дрома, за тена изкълчинел пес о куцо, а напротив, те изцелингиол. ¹⁴ Роден мири саворенца тай ковка освещение, би колескоро никой нанай те дикел е Девлес. ¹⁵ Тай внимавинен тена декой на ресел жи ки Божие благодат; тена поникнинел десаво горчиво корени, тай те смутинел тумен тай о мнозинство те заразинел пес лестар; ¹⁶ тена овел декой блудники или нечестиво, сарто о Исав, ковато иеке ястиеске бикингяс по първородство; ¹⁷ понеже жанен, кай даже като мангелас по-късно те наслединел о благословение, ов уло отчивто, при все кай родингяс лес асвенца, соскето на араклас тан покаяниеске. ¹⁸ Соскето туме нана престъпингиен жи планинате осезаемо тай пламнало анде ягате, нито жи тъмнинате, мракиесте тай буряте, ¹⁹ нито жи тръбно звуки тай изричащо думес гласос, савка, кай колка, колато шунде лес, молинде пес тена хоратинел пес ленге вече дума; ²⁰ (соскето нащине търпинен ковка, ковато заповединелас пес ленге: "Даже животно, ако допиринел пес жи ки планина, ка мударел пес баренца"; ²¹ тай дики даракири сине и гледка, кай о Мойсей пенгяс: "Бут синиом даравдо тай издрав"); ²² но туме пристъпингиен жи ко хълми Сион, жи ко градос е живде Девлеске, о небесно Ерусалим, тай паш деш хиляда тържествуваща ангела, ²³ паш о събори тай и кангери е първородноненге, колато си запишиме андо небеса, паш о Дел, о Съдияс саворенгоро, паш о духовя е усъвършенстваноне праведникиенге, ²⁴ паш о Исус, Посредники е неве заветиескоро, тай паш о поръсиме рат, ковато хоратинел по-лачес таро Авелово. ²⁵ Внимавинен тена запрезринен Калкес, Ковато хоратинел; соскето, ако колка на избегнинде о наказание, като презринде Калкес, Ковато предупрединелас лен ки пув, то кити по бут нанай те избегнинас аме, ако иринас амен Калкестар, Ковато предупрединел таро небеса! ²⁶ Колескоро гласос разтъсрингяс тогава и пув; а Ковато акана обещингяс, като пенгяс: "Още иеквар ме ка разтърсинав ма само и пув, но о небесада". ²⁷ А давка "още иеквар" значинел о премахване колке букиенгере, колато клатинен пес сар керде букя, за те ачон калка, колато нана клатинен пес. ²⁸ Далкеске, понеже приеминас тагарипе, ковато на клатинел пес, нека овас благодарна, тай чука те служинас угодно е Девлеске благоговениеса тай страхопочитаниеса; ²⁹ соскето амаро Дел си яг, която пояждинел.