1
Тай чука, подражавинен е Девлеске сар любезна чада
2
тай живинен анди любов, сарто о Христос възлюбингяс амен тай прединяс Пес за аменге, сар приноси тай жертва е Девлеске за благоухание.
3
А блудство тай секакво нечистота или сребролюбие тена даже споменинен пес машкар туменде, сарто препел светиенде;
4
нито лажакере или чуче приказки, нито подигравкес, колато си неприлична букя, а по-лачес благодарение.
5
Соскето лачес жанен давка, кай нисаво блудники, или нечисто, или сребролюбцос (ковато си идолопоклоники) нанай лес наследство андо тагарипе е Христаске тай е Девлеске.
6
Никой тена хохавел тумен чуче думенца; понеже ашал далке букиенге авел о Божие гняви упрал о роди е непокорноненгоро.
7
Тай чука, ма овен съучастникия ленге.
8
Чука като декана улен тъмнина, а акана синиен светлина андо Дел, живинен сар таро роди е осветлимененге
9
(соскето о плоди е Духоскоро състоинел пес андо всичко, ковато си благо, право тай истинно).
10
Опитвинен ковато си благоугодно е Девлеске
11
тай ма участвинен андо биплодна дела е тъмнинакере, а по-лачес изобличинен лен;
12
соскето давка, ковато гаравдунесте керен о непокорна, си лажаке те хоратинелпес.
13
А всичко, ковато изобличинел пес, ачол явно чрез и светлина; понеже секо варесо, ковато ачол явно, си осветлиме.
14
Далкеске си пендо: " Ухти ту, ковато совес, тай възкръснине таро муле, тай ка осветинел тут о Христос."
15
Тай чука, внимавинен лачес сар живинен- ма сар неразумна, а сар мъдра,
16
като използвинен о благовремие, соскето о диеса си каниле.
17
Далкеске ма овен безразсъдна, а проуминен сави си и Господно воля.
18
Тай ма макярен тумен моласа, о следствие колатар си разврати, а изпълнинен тумен е Духоса;
19
тай хоратинен туменге псалменца тай химниенца, тай духовна гиля, като гилябен тай възпеинен е Девлес ан тумаре сърцесте
20
като благодаринен винаги всичконаске е Девлеске тай е Отециеске андо алав амаре Девлеске о Исус Христос,
21
тай подчининен тумен иек авереске анди дар таро Христа.
22
Ромнялен, покоринен тумен тумаре роменге, сар е Девлеске;
23
соскето о ром си шеро е ромняке, сарто о Христос си шеро е кангеряке (тай Ов си Спасители е телоскоро).
24
Но сарто и кангери покоринел пес е Христаске, чука о ромня нека покоринен пес андо всичко пере роменге.
25
Ромален, дехен тумаре ромниен, сарто о Христос възлюбингяс и кангери тай прединяс Пес за лаке,
26
за те осветинел ла, сарто очистингяс ла е водноне тоибнаса чрез о словос,
27
за те представинел ла Песке славно кангери, би петноскоро или бръчкакоро, или варесо подобно, но те овел свято тай непорочно.
28
Чука си длъжна о рома те дехен пе ромниен, сарто пере теловя. Ковато дехел пе ромня, пес дехел.
29
Соскето никой нисар нана намразингяс поро телос, а парварел лес тай грижинел пес леске, сарто о Христос е кангеряке;
30
понеже синям частя Лескере телостар -Лескере плътятар тай Лескере кокалендар.
31
"Далкеске ка мукел мануш пе дадес тай пе дая тай ка привържинел пес карик пе ромняте, тай о дуи ка ачон иек плът".
32
Давка си велико тайна; но ме хоратинав давка за е Христаске тай е кангеряке.
33
Но тай туме, всекой тумендар, те дехел пере ромня, сарто пес; а и ромни те дарал пе роместар.