¹ О Павел, е Божие воляса апостоли Исус Христово, за е прогласяванеске о обещано животос, ковато си андо Христа Исуса, ² жи ко Тимотей, мо възлюбено чадос: Благодат милост, мири те овел туса таро Дел Отец тай таро Христа Исуса, амаро Дел. ³ Благодаринав е Девлеске, Колеске служинав, сар ме прародителенде, чистоне съвестяса, като не-престанно споменинав тут андо молитвес мере ират тай о диес, ⁴ тай спомнинав манге те асвес, копнеинав те дикав тут, за те изпълнинав ман лошаласа. ⁵ Понеже припомнинав манге тери нелицемерно вяра, която първо сине ла те мамате и Лоида тай те даяте и Евникия, а като синиом увериме, тай анде туте. ⁶ По дайка причина напомнинав туке те разтарес и дарба таро Дел, която иси тут чрез о полагане мере вастенгоро. ⁷ Соскето о Дел диняс амен духос ма дараибнаскоро, а силакоро, любов тай себевладение. ⁸ Тай чука, ма лажа таро свидетелство за амаре Девлеске, нито мандар - затворники за Леске, но участвине андо страдания за е благовестиеске ки сила, денди таро Дел, ⁹ Ковато спасингяс амен тай призовингяс амен святоне призваниеса, ма според амаре деловиенде, с според Пере намерениесте тай според и благодат, денди аменге андо Христа Исуса англал о вечна времена, ¹⁰ а акана откриме чрез о явление амаре Спасителескоро о Христос Исус, Ковато унищожингяс о мериба тай осияингяс животос тай безсмъртие чрез о благовестие, ¹¹ колеске ме улом поставиме , апостоли проповедники тай учители. ¹² Далкеске чука страдинав. Но нана лажав, соскето жанав анде Касте повервингиом,тай синиом увериме, кай Ов си силно те опазинел жи колке диесесте ковка, ковато поверингиом Леске. ¹³ Те овен тут образециеске о зорале хоратес, колато шунгян мандар, вяраса тай с любов андо Христа Исуса. ¹⁴ Ковка лачо варесо, ковато уло туке повериме, опазине чрез о Свято Духос, Ковато живинел анде аменде. ¹⁵ Ту жанес давка, кай саворе анди Азия ирисале мандар, машкар коленде си о Фигел тай Ермоген. ¹⁶ О Дел те покажинел милост карик о кер на Онисифор, соскето ов бут дрома подкрепинелас ман тай на лажалас ме оковендар, ¹⁷ а, напротив, като уло андо Рим, старателно родингяс ман тай араклас ман. ¹⁸ О Дел те делес те аракел милост англал о Дел анде колке диесесте; а кити помагингяс манге андо Ефес, ту жанес твърде лачес.