¹ А относно о пришествие амаре Девлескоро о Исус Христос тай амаро събиране паш Лесте, молинас тумен, пралален, ² тена разклатинен тумен лесно, нито те смутинен тумен, било таро духос, било таро словос, или таро послание уж амендар бичалдо, като кай вече ало о диес е Девлескоро. ³ Никой тена хохавел тумен по нисаво начини; соскето давка нанай те овел, жи кай първо нана авел о отстъпление тай нана явинел пес о мануш е безехакоро, о осъдиме на погибел* ⁴ ковато противинел пес тай превъзнесинел пес упрал всичконасте, ковато наречинел пес дел, или колеске отдел пес поклонение, за те бешел (сарто о Дел) андо Божие храми тай те представинел пес Девлеске. ⁵ На помнинен ли, кай още като улом туменде, пенгиом туменге давка? ⁶ Тай акана жанен со спиринел лес, за тена явинел пес несвоевременно. ⁷ Соскето и тайна е беззакониескири вече действинел, но само жи кай на премахнингиол ковка, ковато акана спиринел ла; ⁸ тай тогава ка открингиол о беззаконники, колес о Дел о Исус ка мударел Пе москере дъхоса тай ла изтребинел е блясъкеса е пришествиескоро Поро. ⁹ Кавка, колескоро идване дължинел пес е действиеске е Сатанакереске, съпроводиме секоне силатар, знамения, хохавне чудеса ¹⁰ тай целоне хохаибнаса е неправдаке, машкар колкенде, колато загивинен; соскето на приеминде те дехен и истина тай те спасинен пес. ¹¹ Тай далкеске о Дел бичалел заблуждение е действинел машкар ленде , за те верувинен е хохаибнаске, ¹² тай те овен осъдиме саворе, колато на повервинде анди истина, а дехинде и неправда. ¹³ А аме синям длъжна винаги те благодаринас е Девлеске за туменге, възлюбиме таро Дел прала, соскето о Дел отначало избирингяс тумен спасениеске чрез о освещение е Духоскоро тай е вяракоро анди истина, ¹⁴ за коле спасениеске призвингяс тумен чрез амаре благовестиесте, за те получинен и слава амаре Девлескири о Исус Христос. ¹⁵ Тай чука, пралален, бешен зоралесте тай икерен о предания, колато сиклилен било амаре словостар, било амаре посланиестар . ¹⁶ А коркоро амаро Дел о Исус Христос тай амаро Дел тай Отеци, Ковато възлюбингяс амен тай ки благодат диняс амен вечно утеха тай лачи надежда, ¹⁷ те утешинел тумаре сърца тай те утвърдинел тумен андо секо лачо делос тай словос.