¹ Uye aya ndiwo madzindza a Arão na Mosesi, kubvira pakareketa Ishe kuna Mosesi mu dhunhu Sinai. ² Uye aya ndiwo mazina wo ana a Arão: Nadabe mwana wokutanga, uye Abiu, Eleazar, uye Itamar. ³ Aya ndiwo mazina wo ana a Arão, atchendjebvu akadzodzwa, naizvo nhara wakadzidzadza kuti a tungamirire utchendjebvu. ⁴ Asi Nadabe uye Abiu akatamika pamberi pa Ishe, paakassa muriro usikazikanuwi pamberi pa a Ishe, mu thambe roku Sinai: uye anbozi kugara no mwana: uye Eleazar uye na Itamar aisendza pautchendjebvu pamberi pa Arão bhabha ake. ⁵ Uye Ishe wakareketa kuna Mosesi, wotchiti: ⁶ Gumissa kuna dzindza ra Levi, uye ita kuti agarare pamberi po utchendjebvu Arão, kuti a sesedze. ⁷ Uye usendze patchigaro tchako, uye notchigaro tcho nbumba yese pamberi po themberi rotchapupu, kuti usesndzere paku tumwa ko themberi; ⁸ Uye uyigue mudziyo dzese dzomuthemberi rotchapupu, uye uwonerere kazviri ku ana wo Isiraeri, uye uzvisendzese pa bhassa romuthemberi. ⁹ Uye utchapassa anhakuenba kuna Arão uye no ana ake: anopassakwa zvese kaari pakati po ana wo Isiraeri. ¹⁰ Uye utchagadzirira kuna Arão uye no ana ake, kuti akanisse kussendzesa utchendjebvu wawo: uye uyasikazikanwi akakwedherera paduze utchazofa ¹¹ Uye wakareketa Ishe kuna Mosesi, wotchiti: ¹² Uye inini ndatora anhakuemba pakati po ana wo Isiraeri panbuto yo ana ese wokutanga wokuti anofungunura pakati po ana wo Isiraeri; atchayita, nokudharo, anhakuenba angu: ¹³ Nokuti wangu ndimwana wese wokutanga; kubvira pazuwa rokuti inini ndakauraya ana ese wokutanga munhika yo Egipita, inini ndakatchenessa kwandiri ana ese wokutanga ku Isiraeri, kunhanha ku anarume hingawo kuno zvinhama; zvitchiwa zvangu; Inini ndiri Ishe. ¹⁴ Uye Ishe wakareketa kuna Mosesi ku Sinai, Wotchiti: ¹⁵ Erenga ana a Levi ngopanhumba dzamadzibhabha awo, ngopaukama wawo: Utchaerenga anarume ese wo mwedzi umwe kwenda nberi. ¹⁶ Uye Mosesi wakaerenga nopamuchobho massoko a Ishe, nozvaakatumwa. ¹⁷ Uye ana a Levi akayita aya no mazina awo: Gerson, uye Coate, uye Merari. ¹⁸ Uye mazina wo ana a Gerson, nopaukama wake, ndiwo aya: Libni, uye Simei. ¹⁹ Uye ana a Coate,nopaukama wake : Anrão, uye Izar, uye Hebrom, uye Uziel. ²⁰ Uye ana a Merari, nopaukama wake: Mali, uye Musi. anha ndiwo anhaukama a Levi, ngopa nhumba pa madzibhabha awo. ²¹ Kwa Gerson, ukama wa Libni uye na Simei: Uyu ndiwo ukama wa Gerson. ²² Anhakuerengwa pamuchobho wokurengwa ko anarume ese wo mwedzi umwe kwenda nberi, anhakuerengwa awo, Makumi mapfembamwe uye no zvuru zvichanu. ²³ Anhaukama wa Gerson atchakanda zvitumba zvawo kusure ku thembheri, nokumadhokera. ²⁴ Uye mukuru kuru wo nhumba ya bhabha ya gersonitas, Eliasafe mwana wa Lael. ²⁵ tchigaro zvo ana a Gerson, mu themberi ro tchapupu, rananga riri muthenberi, uye tchitunba, uye nokufukidzwa karo, uye no matchira wo pamusiwo po themberi rotchapupu, Uye matchira átrio, ²⁶ uye matchira wo pamusiwo po atrio., wokuti aripamwepo pa themberi uye pamwepo pa aritari mumutcheto, uyezve mapote kuti asendze pama bhassa ese. ²⁷ Uye woku Coate, ukama wa anramitas, uye no ukama wa izaritas, uye ukama wa hebronitas, uye no ukama wa uzielitas: uyu ndiwo ukama wa coanitas. ²⁸ No pamaitiro po anarume ese wo mwedzi umwe kwenda nberi, anga ari makumi mapfenbamwe wo zvuru na zvuru zvisere, wokuti anga ano awonereri womunbuto youtsene. ²⁹ anhaukama wo ana a Coate ngopamutcheto po themberi, nokumabvazuwa. ³⁰ Uye mukuru kuru wo nhumba yo ukama wa Coate, Elisafa mwana wa Uziel. ³¹ Uye tchigaro tchawo apanatnga pano areka, uyei tafura, uye zvokugarirra, uye no aritari, uye musidziyo dzo utswene dzanossesendza, uye no djira, no bhasa raro rese. ³² Uye mukuru kuru wo nhakuenba utchaita Eleazar, mwana wa Arão mutchendjebvu, unowonerera aya anotchengueta nbuto yo utswene. ³³ Woku Merari, ukama wa malitas uye no ukama wa musitas: Uye ndiwo ukama wa Merari. ³⁴ Uye na anhakuerengwa pa anarume ese wo mwedzi umwe kwenda nberi, akayita makumi masere wozvuru uye na zvuru zviiri. ³⁵ Uye mukuru kuru wo nhumba yabhabha wo ukama wa Merari, Zuriel mwana wa Abiail: akagara ngo dhi ro themberi, kumadhokera. ³⁶ Uye tchigaro tcho ana a Merari tchananga tchiri pamusoro pomatabwa wo themberi, uye no mutaro wayo, uye nomussana wayo, uye no kutanga kayo, uye no mudziwo wayo yese, no bhassa rayo yese: ³⁷ Uye mussana dzakatederera mumutcheto mo ruandze, uye kutanga karo, uye no muti dzayo, uye no mapote ayo. ³⁸ Uye pano aya akagara pamberi po thenberi ngoka khussi, panberi po themberi rotchapupu pakumuka, atchazoyita Mosesi, uye na Arão uye no ana ake, wotchiwonerera nbuto itswene panbuto yo ana wo Isiraeri: uye uya asikazikanwi akakhwedherera paduze, utchatamika. ³⁹ Esse anhakuerengwa anhakuenba ,wokuti Mosesi uye na Arão akayita soko rese raakabvundzwa na Ishe akaerenga ngo ukama, anarume esse wo mwedzi umwe kwendera nberi, akayita makumi mairi wozvuru na mairi. ⁴⁰ Uye Ishe wakatri kuna Mosesi: Erenga madhangwe ese wo anarume wo ana wo Isiraeri wo mwedzi umwe kwenda nberi, uye gara no mazina awo. ⁴¹ Uye utchatora asendzi kandiri, inini Ishe, panbuto pomadhangwe esse wo ana wo Isiraeri: uye no zvinhama zva asendzi panbuto yo madhangwe ese wozvinhama zvo ana wo Isiraeri. ⁴² Uye wakaerenga Mosesi, hinga zviya zvaakatumwa na Ishe, madhamgwe ese wo na wo Isiraeri. ⁴³ Uye madhangwe ese wo anarume, pamuchobhi wokuerengwa komazina, wo mwedzi umwe kwenda nberi, anhakuerengwa ake akayita Makumi mairi wo zvuru uye na zvuru zviiri namapfenbamwe uye na zvitatu. ⁴⁴ Uye wakareketa Ishe kuna Mosesi, wotchiti: ⁴⁵ Tora asendzi panbuto yo madhangwe esse wo ana wo Isiraeri, uye no zvinhma zvo aembi panbuto po zvinhama zvawo, uye aembi atchayita angu:Inini ndini Ishe. ⁴⁶ Uye nokubvissa ko zuru zviiri uye namapfenbamwe uye makumi matatu, wokuti anopindira ku ayembi wo dhangwe ro ana wo Isiraeri, ⁴⁷ Utchatora makumi machanu wo siclo pamusssoro, kudzadzissa kupedza ko nbuto itswene utchatora: siclo ino makumairi wo óbolos: ⁴⁸ Uye utchapasa Arão uye no ana ake no mare yakabviswa nawo yokuti yakasara. ⁴⁹ Wakatora mare zvinopano Mosesi yokubviswa yokuti yakasendzazve pakubviskwa ko aembi: ⁵⁰ Uye wakatanbera no madhangwe wo ana wo Isiraeri pa mare, gumi ro zvuru no zvuru zvitatu namasere uye nama ngwindziri machanu, kudzadzissa siclo yo nbuto itswene. ⁵¹ Uye Mosesi wakapasa mare yokubviskwa kuna Arão uye no ana ake, kudzadzissa zvakareketwa na Ishe, pazviya zvakatuma Ishe kuna Mosesi.