¹ Nekuti pamatsiku aya ne nguwa iyona Inini nditchaita kuti asungwa eJudaa ne Djerusarema apetuke, ² zwadharoko nditchaunganidza marudzi ese, uye nditchaita kuti aende ku gwirindi re Jazafaa; uye ipona inditchapinda pakutonga nawo ngendaya ye anhu angu, uye ngedaya ye ndhaka yangu Iziraeri, iwo akabhararika nemunyika, uye akagawa nyika yangu; ³ uye akakandira rake pamusoro pe anhu angu, uye akapereka akomana kutchindjanisa ne mahure, uye akatengesa asikana kutchindjanisa ne vinyu kuti amwe. ⁴ Kunze kwazwo, munei neni imwimwi, Tiro ne Sidomo, uye ne mitandha dzese dzeku Firistia? Murikudha kupetudzira kwandiri? Uye kana muri kudha kupetudzira kwandiri, nekukasika Inini nditchakupetudzirai muripo we musoro dzenyu. ⁵ Nekuti matora ciriveri yangu uye ne goridi rangu, uye ne zwiro zwangu zwakakosha uye zwakanaka mokanda mumatyemberi enyu, ⁶ uye motengesa ana eJudaa uye ne ana eDjerusarema kune ana emagrigi, kuti muaendese kure ne nyika yawo. ⁷ Zwino Inini nditchapurumutsa pambuto yamakatengesa, uye nditchapetudzira muripo wenyu pamberi pe musoro yenyu. ⁸ Uye nditchatengesa anakomana uye ne anasikana enyu munyara dze ana eJudaa, uye iwona atchatengesa kune masabeu, rimwe rudzi re kure; nekuti Ishe wabuya. ⁹ Dhaindzirai izwi pakati pemarudzi, dhaindzirai imwe hondo; purumutsai arwi ehondo, kwedyerai, wiai anarume ese ehondo. ¹⁰ Itai tsorora ne mapadza enyu, uye ne mipasha dze skea dzenyu; wakaremba ngabuye: Ndakasimba. ¹¹ Unganai uye wiai, marudzi ese emuduze, uye unganidzanai. ¹² Marudzi ngapurumuke, uye endai kugwirindi re Jozafaa; nekuti ipona Inini nditchagara kuti nditonge marudzi ese emuduze. ¹³ Bhatai skea, nekuti kukoha kwaita. Wiai, dzikai; nekuti mirambo dzazara, tsime dzopipira; nekuti ushaishi wawo wakakura. ¹⁴ Rujindji ne rujindji pagwirindi re tchipikirwa! Nekuti tsiku ya Ishe iri duze pagwirindi re tchipikirwa. ¹⁵ Zua ne mwedzi zwiri kuswipa, uye nyeredzi dzafindarisa kuetikira kwadzo. ¹⁶ Uye Ishe utchadhaindzira kuvira ku Siao, uye utchapa izwi rake kuvira ku Djerusarema, uye dyenga ne nyika dzitchatetemera; asi nIshe atchawe rutiziro re anhu ake, uye mugano we ana eIziraeri. ¹⁷ Zwadharoko, mutchazwiziya kuti Inini ndiri Ishe Mwari wenyu, unorarama ku Siao, dhunhu rangu swene; uye Dzerusarema ritchawe swene, uye afambi atchazopindizwe mwariri. ¹⁸ Uye zwitchawe panguwa iyona, makomo atchadurura vinyu, uye madhunhu atchadhurura mukaka, uye mumutcheto mwese me mirambo dze Judaa dzitchaerera nvura; uye kutchabhuda umwe murambo kunyumba ya Ishe, utchadhirira matoro eSitimo. ¹⁹ Gipita itchaparadzwa, uye Edomo itchawe tyambe yakaparadzwa, ngendaya ye ubinya wakaita kune ana eJudaa, iko kakadhurura ngazi isina mbhoswa. ²⁰ Asi Judaa itcharamba iripo kwenda ne kwenda, uye Djerusarema pa rudzi ne rudzi. ²¹ Uye nditchatchenesa ngazi yanga isina kutcheneswa; uye Ishe utchararama ku Siao.