¹ Ngabuka uma liWundlu livula luphawu lunye kuleletisikhombisa, ngase ngiva sinye kuletine tidalwa letiphilako ngeliphimbo lelalivakala njenge kudvuma litsi, ''Buya!'' ² Ngabuka kwase kuchamuka lihhashi lelalimhlophe. umgibeli walo abephetse butjoki, wase unikwa umchele. waphuma njenge mncobi khona atewuncoba. ³ Latsi liWundlu livula luphawu lwesibili,ngeva sidalwa sesibili lesiphilako sitsi, ''Buya!'' ⁴ Kwase kuvela lihhashi lesibili lelalibovu. Umgibeli walo wanikwa imvumo yekususa kuthula emhlabeni,khona bantfu bawo batewu babulalana bodwva. Lomgibeli lona wanikwa inkemba lemkhulu. ⁵ Latsi liWundlu livula luphawu lwesitsatfu, Ngeva sidalwa setsatfu lesiphilako sitsi, ''Buya!'' Ngabona lihhashi lelimnyama, umgibeli walo aphetse silinganiso esandleni sakhe. ⁶ Ngeva lokwakungatsi kuliphimbo kuledidalwa letine letiphilako sitsi, ''Libinta lakolo lingatsengwa ngeliholo lelilanga lonkhe,kani emabinta lamatsatfu emabele angatsengwa ngeliholo lelilanga. Kodwva ungawalimati emafutsa neliwayini. ⁷ Latsi liWundlu livula luphawu lwesine, Ngeva liphimbo lesidalwa lesiphilko sesine sitsi, ''Buya!'' ⁸ Ngase ngibona lihhashi lelalimhloshana. Umgibeli walo bekabitwa ngekutsi ngu Kufa, iHayidesi yayimulandzela. Banikwetwa imvumo yakunye kulokune kwemhlaba, kutsi babulale ngenkemba,ngendlala nesifo, kanye netilwane tesigana tase mhlabeni. ⁹ Latsi liWundlu livula luphawu lwesihlanu, Ngabona ngaphansi kweli alithali imiphefumulo yalabo lababulawa ngenca yelivi laNkulunkulu kanye nebufakazi lebebabuphetse. ¹⁰ Bakhala kakhulu ngelivi lelisetulu, ''Kuyawuba kudze nganani, Wena lophetse konkhe, longcwele naloneliciniso, kuze wahlulele labo labaphila emhlabeni, uze uhlenge ingati yetfu?'' ¹¹ Ngako ngamunye wabo wanikwa sembatfo lesimhlophe, base batjelwa kutsi abeme sikhashana kuze kugcwaliswe linani lalabo bebabambisene nabo kanye nebomnakabo labatfolwa lebekumele babulawe, njengoba nabo babulewe. ¹² Latsi liWundlu livula luphawu lwesitfupha, Ngabuka bekunekutamatama lokukhulu kwemhlaba. LIlanga laba munyama njenge lisaka leboya,kanye nenyanga legcwele yaba njenge ngati. ¹³ Tinkhanyeti emazulwini tawela phasi emhlabeni, njenge sihlahla semkhiwa sihhohlota emakhiwa angakavutfwa nasitanyatanyiswa ngumoya lomkhulu. ¹⁴ Sibhakabhaka sanyamalala njenge licansi uma ligocotwa. Tonkhe tintsaba natichingi tasuswa etindzaweni tato. ¹⁵ Kwase kutsi emakhosi emhlaba kanye nebantfu labamcoka, kanye neluntfu,nalabacebile, nalabanemandla, kanye nawonkhe wonkhe, tigcili nalabakhululekile, babhaca emigedzeni nase madvwaleni etintsaba. ¹⁶ Batsi entsabeni nase madvwaleni, ''Welani etukwetfu! Sibhacise ebusweni baloyo lohleti esihlalweni sebukhosi nase lulakeni lweLiwundlu. ¹⁷ Ngoba lilanga lelikhulu lwelulaka lwabo selufikile. Ngubani longakhona kuma?''