¹ ''Engilozini yelibandla laseSadesi bhala: 'Emagama aloyo lobambe imimoya lesikhombisa yaNkulunkulu netinkhanyeti letisikhombisa. ''Ngiyati kutsi wenteni. Unelibito lekutsi uyaphila, kepha ufile. ² Vuka ucinise loko lokusele kepha ngatsi sekutokufa, ngoba angikayitfoli imisebenti yakho iphelele emehlweni aNkulunkulu. ³ Khumbula, ngakoke, loko lokwemukele nalokuvile. Kuhloniphe, bese uyaphendvuka. Kepha nawungavuki, ngitawuta njengelisela, futsi ngeke wati kutsi nguliphi lihora lengiyawukufikela ngalo. ⁴ Kepha unemabito lamancane eSadesi labangakatingcolisi timphahla tabo , futsi batawuhamba nami , bambatse lokumhlophe ,ngobe vele bakufanele. ⁵ Loyo loncobako utobe embatse tingubo letimhlophe, futsi angeke ngilesule libito lakhe Encwadzini Yekuphila, ngiyawufakaza libito lakhe embikwababe ,nasetingilozini takhe. ⁶ Loyo lonendlebe , akeve kutsi moya utsini emabandleni.''' ⁷ Engilozini yelibandla laseFiladelfiya bhala: 'Emagama aloyo longcwele neliciniso- ubambe sikhiya saDavide , uyavula kute lovalako ,uyavala kute longavula. ⁸ '''Ngiyati kutsi wenteni. Buka, ngibeke embikwakho umnyango lovuliwe lokute longawuvala. Ngiyati unemandla lamancane, kepha ulihloniphile livi lami futsi awukaliphiki libito lami. ⁹ Buka! Labo labalisinagoge laSathane labatsi bangemaJuda kepha abasiwo, baticambimanga- ngitabenta bete baguce ngaphambi kwetinyawo takho, batawukwati kutsi ngiyakutsandza. ¹⁰ Njengobe uligcinile livi lami lekucinisela ngekubeketela ,nawe ngitakugcina ehoreni lekuhlolwa lelitako emhlabni wonkhe, kuhlola labo labaphila emhlabeni. ¹¹ Ngiyeta masinyane .Bambelela kuloko lonako kute kutawuba bete lotsatsa umchele wakho. ¹² Loyo loncobako ngiyawumenta insika ethempelini laNkulunkulu wami. Ngeke aphindze aphume kilo, futsi ngiyawubhala kuye libito laNkulunkulu wami, ligama lelidolobha laNkulunkulu wami (iJerusalema lensha, leta phansi ichamuka ezulwini kuNkulunkulu wami), nelibito lami lelisha. ¹³ Loyo lonendlebe makeve kutsi moya utsini emabandleni .''' ¹⁴ ''Engilozini yelibandla laseLawodisiya bhala: 'Livi leliphuma kuye longu Akubenjalo, longufakzi lowetsembekile nalocinisile, umbusi wendalo yaNkulunkulu. ¹⁵ ''Ngiyati kutsi wenteni ,futsi kutsi awubandzi futsi awushisi. Ngiyafisa kutsi kube bewubandza nome ushisa! ¹⁶ kepha, ngenca yekutsi usivuvu- ungacandzi futsi ungashisi- sengisedvute nekukuhlanta emlonyeni wami. ¹⁷ Ngobe utsi, 'ngicebile, ngibe nako konkhe longakuphatsa, futsi angidzingi lutfo.' Kepha awati kutsi wonakele kakhulu,uyahawukelwa, uphuyile, uyimphumphutse, futsi ungcunu. ¹⁸ Lalela imiyalo yami: Tsenga kimi ligolide lelilolongwe ngemlilo kute utawuceba, netingubo letimhlophe kute utembatsise ungatjengii lihlazo lekuba ngcunu kwakho, utsenge nemutsi wekugcobisa emehlo akho kute ubone. ¹⁹ Ngiyabajimisa labo lengibatsandzako, ngiyabafundzisa kutsi kumele baphile kanjani. Ngakoke shisekela uphendvuke. ²⁰ Buka, ngimile emnyango futsi ngiyanconcotsa. Uma umuntfu eva livi lami avula umnyango, ngitawuta ekhay lakhe ngidle kanye naye, naye adle nami . ²¹ Loyo loncobako ngitamnika imvumo yekutsi ahlale phansi nami esihlalweni sami sebukhosi, njengoba nami ngancoba ngahlala phansi nababe wami esihlalweni sakhe sebukhosi. ²² Loyo lonendlebe ,makeve kutsi moya utsini emabandleni.'''''