¹ Kule tingilozi telibandla eEfesu bhala: ''Lamagama alabo lababambe letinkhanyeti esandleni sesekudla, lohamba emkhatsini wetibane letisikhombisa teligolide, ² ''Ngiyayati imisebenti yakho, nekuphishaneka kwakho, nekubetela kwakho, nalokutsi awubabeketeli labo labakhohlakele, kepha ubalingile labo labatitsatsa ngatsi bapostoli kantsi abasibo, futsi utfole kutsi bangemanga. ³ Uyabeketela kakhulu futsi uyahlupheka ngenca yeligama lama, awukagugi kakhulu. ⁴ Kodwva nginalo liciniso ngawe kutsi ushiye lutsandvo lwakho lwekucala. ⁵ Ngakoke khumbula lapho uwe khona. gucuka wente tintfo bewutenta ekucaleni. Ngaphendle kwekugucuka, Ngitawta kuwe ngitawu susa sibane sakho endzaweni yaso ⁶ Kodwva unaloku: Uyakwenyanya loko lokwentiwa ngema Nicolaitans, nami ngiyakwenyanya. ⁷ Loyo lonendlebe, akeve lokushiwo nguMoya emabandleni. Loyo loncobako ngitamnika lilungelo lekudla esihlahleni sekuphila, lesisemaphakadzeni aNkulunkulu.'' ⁸ Kuletingilozi telibandla lase Smyrna bhala: Emavi aloyo wekucala newekugcina, loyo bekafile waphindze waphila futsi: ⁹ Ngiyakwati kuhlupheka kwakho nekweswela kwakho, kodwva unjingile.Ngyakwati lokubi lokushiwongulabo labatsi bangema Juda, kantsi abasiwo. Balisinagoge laSathane. ¹⁰ Ungakwesabi loko lotakuhluphekela. Buka! Sathane utawufaka labanye benu ejele khona titewu vivivnywa, nitawuhlupheka emalanga lalishumi. Tsembekani kute kuze kube sekufeni, Ngitaninika umchele wemphilo. ¹¹ Loyo lonendlebe, akeve loko lokushiwo ngumoya emabandleni. loyo loncobako angeke bumuvise buhlungu kufa kwesibili.'' ¹² Kulengilozi yelibandla lelise Pergamum bhala: 'Emagama aloyo lophetse inkemba lekhaliphe tinhlangotsi totimbili: ''Ngiyati lawuhlala khona, lapho kkhona kune mchele waSathane. ¹³ Kepha ubambele egameni lami. Ngiyati kutsi awuzange uliphiphika lukholo lwakho kimi, ngisho nangemalanga aAntipas fakazi wami, lotsembekile wami, lowabulawa emkhatsini wenu,ngulapho Sathane ahlala khona. ¹⁴ Kodwva nginetintfo letimbalwa ngawe lengingatsandzi: Unalabo lesolo babambelel etimfundzisweni taBhalamu, lowafundzisa Balakhi kutsi ajikijele lugibe kumadvodzana aIsrael khona batewudla lokunikelwe etithichweni futsi baphinge. ¹⁵ Ngendlela lefanako, unalabo futsi lesolo babambele etimfundzisweni tema Nikholawu. ¹⁶ Phendvuka ,ngakoke! Naningakwenti, ngitawuta kini ngesivinini, ngitawucala imphi ngilwe nabo ngenkemba isemlonyeni wami. ¹⁷ Loyo lonendlebe makeve,eve kutsi moya utsini emabandleni .Loyo loncobako ,ngitamnika lenye yemana lefihliwe, futsi ngitamnika litje lelimnyama lelineligama lelisha,ligama lokute lolatiko kepha lelitakwatiwa nguloyo lotawunikwa.''' ¹⁸ ''Engilozini yelibandla laseThiyathira bhala: 'Lawo ngemavi Endvodzana yaNkulunkulu, lonemehlo njengelilangabi lemlilo netinyawo ngatsi litfusi lelipolishiwe: ¹⁹ ''Ngiyati kutsi wenteni :lutsandvo lwakho kanye nekukholwa kanye nenkonzo kanye nekubeketela kwakho nekukhonta.Ngiyati kutsi lokwentile emalangeni landlulile kunengi kunaloku lowakwenta ekucaleni. ²⁰ Kepha tsine nawe sehlukana lana: Uyamuvumela umfati longuJezebeli, lotibita ngemphrofethikati.Ngetimfunziso takhe uyadukisa tisebenti tami ngekutifundzisa buphingi nekudl kudla lokunikwe tithico. ²¹ Ngamnika sikhatsi sekutsi aphendvuke , kepha akafisi kuphendvuka ebugwadleni bakhe. ²² Buka! ngitamlalisa ngesifo ecansini nalabo labaphinga naye ekuphatsekeni lokukhulu, ngaphandle kwekutsi baphendvuke kulemihambo yakhe lemibi. ²³ Bantfwabakhe ngiyawubashaya bafe, futsi onkhe emabandla atawukwati kutsi nginguye lophenya imicabango netinhlitiyo. Ngitawunikela kumunye nangamunye wenu njengemisebenti yenu. ²⁴ Kepha kini nonkhe lenisasele eThiyathira, kuwowonkhe longayibambi lemfundziso futsi akati kutsi tibitwa ngekutsiwani tintfo letijulile taSathane - kuwe ngisi,' ungatitfwesi lomunye umtfwalo .' ²⁵ Kuphela nje, bambelela kuloko lonako ngize ngite. ²⁶ Loyo loncobako naloyo lowenta loko lengikwentile kute kube sekugcineni , kuye ngitawunika emandla etukwetive. ²⁷ 'Utawabusa ngendvuku yensimbi , njengelibumba emajeke utawabulala abe tincetu .' ²⁸ Njengoba nami sengemukele kubabe ,ngiyawumnika inkhanyeti yekusa. ²⁹ Yekela loyo lonendlebe, eve kutsi umoya utsini emabandleni ,''''