¹ Lesi sembulo saJesu Kristu lasinikwa nguNkulunkulu kutsi akhombise tisebenti takhe lokutawenteka masinyane. Wakwenta kwatiwa ngekutsi atfumele ingilozi yakhe esisebentini sakhe John. ² John wafakaza ngelivi laNkulunkulu kanye nebufakazi baJesu Kristu, tonkhe letintfo latibona. ³ Ubusisiwe loyo lofundza amemete lesiprofethi nalabo labalalela livi lalesiprofetho nalabo labatfobela loku bhalwe kuso, ngoba sikhatsi sesidvute. ⁴ Jona,kumasontfo lasikhombisa eAsia: Umusa awube nani nekuthula lokuvela kuye longuye,nalebekunguye, nalotako,nakuyo imimoya lesikhombisa lesembikwesihlalo sakhe sebukhosi, ⁵ kanye naku Jesu Kristu, longufakazi lowetsembikile, lowaba wecala kuvuswa kulabafile, umbusi wemakhosi emhlaba. Kuloyo lositsandzako futsi wasikhulula etonweni tetfu ngengati yakhe- ⁶ usakhele umbuso, bapristi baNkulunkulu wakhe na Babe-kuya akube ludvumo nemandla phakadze na phakadze. Amen. ⁷ Buka, uyeta ngemafu; onkhe emehlo atawumbona, lokufaka ekhatsi labo labamgwaza. Tonkhe tive temhlaba titawulila ngenca yakhe. Yebo, Amen. ⁸ ''Ngingu Alfa ngingu Omega,'' kusho Inkhosi Nkulunkulu. ''lokhona, nalebekakhona, nalotako, Longcwele.'' ⁹ Mine, Johane-umfowenu naloyo lowaba nani ebuhlungwini nase mbusweni nase kuciniseleni lokuku Jesu-ngangise sichingini lesibitwa nge Patmos ngenca yelivi laNkulunkulu nange bufakazi ngaJesu. ¹⁰ Ngangikumoya ngelilanga leNkhosi. Ngeva emvakwami umsindvo lomkhulu kwangatsi licilongo. ¹¹ latsi, ''Bhala loku lokubonako encwadzini, ukutfumele emabandleni lasikhombisa-kulase Efesu, nelase Smyrna, lase Pergamum, lase Thyatira, lase Sardis, lase Philadelphia, nelase Laodicea.'' ¹² Ngagucuka ngifuna kubona kutsi labani leliphimbo lelalikhuluma nami, ngisa gucuka ngabona tibane letisikhombisa tegolide. ¹³ Emkhatsini waletibane bekunalesi lesibonakala njenge ndvodzana yemuntfu, sembetse ingubo lendze lemhlophe leyayifika etinyaweni tayo kanye neseshi yeligolide esifubeni sayo. ¹⁴ Inhloko netinwele takhe kwakumhlophe njenge boya-kumhlophe njenge sitfwatfwa- emehlo akhe avutsa njenge lilangabi. ¹⁵ Tinyawo takhe tatifana njenge litfusi lelipholishiwe, litfusi lelilolongwe ngemlilo, liphimbo lakhe lalinjenge manti lamanyeti lagijimako. ¹⁶ Abenetinkhanyeti letisikhombisa esandleni sakhe sesekudla, emlonyeni wakhe kwaphuma inkemba leyayikhaliphe tinhlangotsi totimbili. Buso bakhe bebucwebetela kuhle kwelilanga emini. ¹⁷ Nangimubona, Ngawa etinyaweni takhe njenge muntfu lofile. wabeka sandla sakhe sesekudla etukwami watsi, ''Ungesabi. Ngiwekucala newekugcina ¹⁸ nalophilako. Ngafa, kodwva buka, sengiyaphila phakadze! Futsi nginato tikhiya tekufa nete Hayidesi. ¹⁹ Ngakoke bhala loku lokubonile, lokungiko nyalo, naloko lokutawenteka emva kwaloku. ²⁰ Kule mfihlakalo yaletinkhanyeti letisikhombisa lotibone esandleni sami sesekudla, nale tibane letisikhombisa tegolide: Letinkhanyeti letikhombisa tingilozi talamabandla lasikhombisa, letibani letisikhombisa ngulamabandla lasikhombisa.''