¹ Taga taSolomoni. Indvodzana lehlakaniphile ijabulisa uyise kepha indvodzana lelibele kepha indvodzana lelibele iletsa kulila kunina. ² Ingcebo letfolakale ngekukhohlakala ayinasisindvo, kepha kwenta lokungiko kuyakuvikela ekufeni. ³ Simakadze akamuyekeli loyo lolungile alambe, kepha wenta kube lukhuni kutsi labakhohlakele batfole labakufunako ⁴ Sandla lesivilaphako sibangelana kuphuya, kepha sandla semuntfu losebenta ngekutimisela siyamunjingisa. ⁵ Indvodzana lehlakaniphile ivuna ehlobo, kepha loyo lolihlazo uyalala gesikhatsi sekuvuna. ⁶ Tipho letibuya kuNkulunkulu taloyo lolungu, kepha umlomo waloyo lokhohlakele ufihla liciniso. ⁷ Umuntfu lolungile wenta labo labamkhumbulako bajabule, kepha libito laloyo lokhohlakele alikhunjulwa. ⁸ Labo labahlakaniphile bayalalela uma ubatjela, kepha silima lesikhulumela futsi sitobhubha. ⁹ Umuntfu lophila ngekutsembeka uphila ngekuphepha, kepha loyo lophila ngekungatsembeki, uyawugcina atfolakele. ¹⁰ Loyo lofica liso ubanga buhlungu, kepha silima lesikhulumela futsi sitobhubha. ¹¹ Emavi emuntfu lolungile angumtfombo wekuphila, kepha emavi alokhohlakele afihle bungoti. ^{12 13} Kutondzana kubanga kucabana, kepha lutsandvo luvala onkhe emacala. Inhlakanipho itfolakala emlonyeni wemuntfu locondzako tintfo, kepha umbavu waloyo longenangcondvo. ¹⁴ Bantfu labahlakaniphile bayalugcina lwati, kepha emavi esilima asondzeta kufa. ¹⁵ Umcebo wesicebi uyinqaba yaso, indlala yalabaphuyile ikufa kwabo. ¹⁶ Umvuzo wemuntfu lolungile umholela ekuphileni; umvuzo walokhohlakele umholela esonweni. ¹⁷ Kunendlela yalabo labemukela imiyalo ibaholela ekuphileni, kepha loyo lowala teluleko uyalahleka endleleni. ¹⁸ Loyo lofihla inzondo unemanga, naloyo lowandzisa emanga silima. ¹⁹ Bantfu labakhuluma kakhulu, sono siyeta, kepha loyo lohlakaniphile uyatinaka tinkhulumo takhe. ²⁰ Emavi emuntfu lolungile afana nelisiliva lelicengiwe; kuncane lokuhle enhlitiyweni yalokhohlakele. ²¹ Emavi emuntfu lolungile avuza labanyenti, kepha tilima tiyafa ngoba tite ingcondvo. ²² Sipho lesihle saSimakadze siletsa ingcebo futsi akakungeti kuhlupheka kiso. ²³ Kukhohlakala ngumdlalo lodlalwa silima, kepha inhlakanipho ibunandzi kumuntfu locondzako. ²⁴ Kwesaba kwemuntfu lokhohlakele kutomengama, kepha sifiso semuntfu lolungile sitofezwa. ²⁵ Labakhohlakele bafana nesivunguvungu lesengcako, siyaphela nje, kepha umuntfu lolungile usicalo lesiyokuma inguna phakadze. ²⁶ Lokufana nalokumunyu ematinyweni nentfutfu emehlweni, kufana nelivila kulabo labamtfumako. ²⁷ Kwesaba Simakadze konga imphilo, kepha iminyaka yalabo labakhohlakele itakuba mifisha. ²⁸ Litsemba lemuntfu lolungile injabulo yakhe, kepha iminyaka yalabakhohlakele itoba mifisha. ²⁹ Indlela yaSimakadze ivikela labo labanekutsembeka, kepha ikubhubha kulabakhohlakele. ³⁰ Umuntfu lolungile akayoze ahlulekiswe, kepha labo labakhohlakele ngeke bachubeke kuhlala eveni.