¹ Uma munye anikela umhlatjelo lokungumnikelo wekuhlanganyela wesilwani emhlambini, noma ngabe sidvuna noma sisikati, kumele anikele silwane lesingenasici phambi kwa Simakadze. ² Utobeka sandla sakhe enhloko yakhe wemhlatjelo wakhe bese uwubulala ngasemnyango welithende lemhlangano. Bese indvodzana ya Aroni ifafata ingati emaceleni elilathi. ³ Umuntfu uyonikela umhlatjelo longumnikelo wekuhlanganyela ngemlilo ku Simakadze. Lamanoni lambonyako noma lachumanisa titfo tangekhatsi, ⁴ netinso letimbili nemanoni lakuwo ngase sitfweni sangansense, nesitfo lesikahle sesibindzi, netinso - utawususa konkhe loku. ⁵ Emadvodzana a Aaron atakushisa loko elathini nemnikelo loshisiwe, losetikwe tinkhuni letisemlilweni. Loku kutawenta lusu lelimnandzi ku Simakadze; kutawuba ngumnikelo lowentiwe kuye ngemlilo. ⁶ Uma umhlatjelo walomuntfu wemnikelo wekuhlanganyela ku Simakadze usuka emhlambini; lendvuna noma lensikati, abonikela umhlatjelo longenasici. ⁷ Uma anikela imvana yemhlatjelo wakhe, kumele awunikele embikwa Simakadze. ⁸ Utawubeka sandla sake enhloko yemhlatjelo wakhe awubulale phambi kwelithende lekuhlangana. Emadvodzana a Aaron atawufafata ingati yawo emaceleni elilathi. ⁹ Lomuntfu utawunikela lomhlatjelo weminikelo yekuhlanganyela njenge mnikelo lowentiwe ngemlilo ku Simakadze. Lelinoni, lelinoni lemsila wonkhe lijutjwe dvute nemgogodla, nelinoni lelimbonya letitfo tangekhatsi, ¹⁰ naletinso letimbili nalelinoni lelikuto, lokungasesitfweni sangansense, nesitfo lesikahle sesibindzi, ngetinso - utawususa konkhe loku. ¹¹ Utobese umpristi ukushisa konkhe elathini njenge mnikelo loshisiswe wekudla ku Simakadze. ¹² Uma umnikelo walomuntfu uyimbuti, utobese uwunikela phambi kwa Simakadze. ¹³ Utobeka sandla sakhe enhloko yalembuti bese uyayibulala phambi kwelithende lekuhlangana. Atobese emadvodzana a Aaron afafata ingati yayo emaceleni kwelilathi. ¹⁴ Lomuntfu utonikela umhlatjelo wakhe lowentiwe ngemlilo ku Simakadze. Utawususa lelinoni lelimbonya titfo tangekhatsi, nawo onkhe lamanoni ladvute netitfo tangekhatsi. ¹⁵ Utawuphindze asuse letinso letimbili nelinoni lelinato, lokungasetitfweni tangansense, nesitfo lesikahle sesibindzi nesetinso. ¹⁶ Umpristi utawushisa konkhe loku elathini njengemnikelo loshisiwe wekudla, kukhicita lusu lolumnandzi. Onkhe lamanoni aSimakadze. ¹⁷ Kutawuba ngumtsetfo lobhaliwe lomile kuso sonkhe situkulwane sebantfu bakho kuyo yonkhe indzawo loyenta likhaya lakho, kutsi ungadli linoni noma ingati.''