¹ Nangabe umuntfu aletsa umnikelo lotinhlavu ku Simakadze, umnikelo wakhe akube ngu fulawa loconsakele, futsi atsele emafutsa kuwo bese ubeka iphepho kuwo . ² Utawutsatsa umnikelo kumadvodzana a Aroni umpristi, khona lapho lompristi utawukhipha sandla ku fulawa loconsakele emafutsa kanye nemphepho etulu. Umpristi utawushisa lomnikelo e athara lomelele umnikelo. Litokhipha liphunga lelimnandzi ku Simakadze; kutaba ngumnikelo lowakhelwe yena ngemlilo. ³ Noma yini lesele emnikelweni wetinhlavu kutaba kwa Aroni kanye nemadvodzana akhe. Kungcwele kakhulu ku Simakadze kusukela emnikelweni wemlilo ku Simakadze. ⁴ Uma unikela tinhlavu kute umbiliso lobhekwe ehhavini, kufanele kube sinkhwa lesiconsakele sa fulawa loconsakele lohlanganiswe nemafutsa, nobe sinkhwa lesicinile lesite imbiliso, lesibhocwe ngemafutsa. ⁵ Uma umnikelo wetinhlava ubhakwe epanini, akube na fulaha loconsakele lote umbiliso lohlanganiswe nemafutsa. ⁶ Kumele uhlukanise kube tincetu bese utsela emafutsa kuko. Lona ngumnikelo weluhlava. ⁷ Uma lomnikelo wenhlavu aphekwe epanini, kufanele akhiwe nga fulaha loconsakele kanye nemafutsa. ⁸ Kufanele niletse umnikelo wetinhlavu lowakhiwe kuletintfo ku Simakadze, kutabese kubekwa kuba pristi, labatakuletsa ku athara. ⁹ Bese umpristi utsatsa incenye yalomnikelo wetinhlavu lokumelele umnikelo, utase uyakushisa ku athara. Kutaba ngumnikelo lowakhiwe ngemlilo, utase ukhicita liphunga lelimnandzi ku Simakadze. ¹⁰ Loku lokusele kwemnikelo wetinhlavu kutoba kwa Aroni nemadvodzana akhe. Kungcwele kusimakadze umnikelo ku Simakadze lowakhe ngemlilo. ¹¹ Ngaphandle kwemnikelo lomnikele ku Simakadze kufanele akhiwe ngembiliso, niboshisa lesikhukhumele, kute noma luju, njengemnikelo lowakhiwe ngu Simakadze ngemlilo. ¹² Utabanikela ku Simakadze njengemnikelo wesitselo sekucala, khepha ngeke basetjentiswe ekukhiciteni liphunga lelimnandzi ku athara. ¹³ Nitawuvuvutela swayi emnikelweni wenhlavu ngamunye ngamunye. Ningalivumeli luswayi lwesivumelwano ku Nkulunkulu kumele kungashodi etinhlavini temnikelo. Ngawo wonkhe umnikelo wenu nibonikela swayi. ¹⁴ Uma umnikelo wetinhlavu tesitselo sekucala ku Simakadze, nikela tinhlavu letinsha letikhantingiwe ngemlilo tase tiyasilwa taba yimphuphu. ¹⁵ Bese ufaka emafutsa kanye nephepho ngetulu. Lona ngumnikelo wetinhlavu. ¹⁶ Bese umpristi utawushisa incenye yalelikhotse kanye nemafutsa kanye nemphepho lemelele umnikelo. Lona ngumnikelo lowakwe ngemlilo ku Simakadze.