¹ Simakadze wakhuluma naMose, atsi ² ''Khuluma nebantfu baka Israyeli utsi kubo, 'ngingu Simakadze Nkulunkulu wakho. ³ Ungatenti tintfo letentiwa bantfu eGibhithe, lapho benihlala khona. Ungatenti tintfo letentiwa bantfu eKhenani, kulendzawo lenginimikisa kuyo. Ningawalandzeli emasiko abo. ⁴ Imitsetfo yami ngulefanele niyente, futsi imiyalelo yami ngule nifanele niyigcine, kute kutsi nihambe kiyo, ngoba ngingu Simakadze Nkulunkulu wenu. ⁵ Ngako ke kufanele nigcine imiyalo nemitsetfo yami. Nangabe umuntfu ayihlonipha, utawuphila ngenca yayo. Ngingu Simakadze. ⁶ Ungacondzani netihlobo lenisondzelene nato kute ningatobona bugcunu bato, Ngingu Simakadze. ⁷ Ungagwabuli bungcunu benyoko; ngunyoko wakho, kufanele unga bugwabuli bungcunu bakhe. ⁸ Unga bugwabuli bungcunu nebafati beyihlo; bungcunu beyihlo. ⁹ Unga gwabuli bungcunu badzadze wakho, noma ngabe yindvodzakati yeyihlo noma indvodzakati yenyoko, noma ngabe wakhuliswa ekhaya kini noma khashane kunawe. ¹⁰ Unga bugwabuli bungcunu bendvodzakati yendvodzana yakho noma bendvodzakati yendvodzakati yakho, ngoba bungcunu babo bungcunu bakho. ¹¹ Unga gwabuli bungcunu bendvodzakati yemfati weyihlo, lokhuliswe emundenini weyihlo, ngoba ngudzadzwe wakho. ¹² Ungagwabuli bugcunu badzadze weyihlo wakho; usihlobo seyihlo. ¹³ Ungagwabuli bugcunu badzadze wenyoko, usihlobo senyoko. ¹⁴ Ungagwabuli bungcunu bemnaka boyihlo, loyo usihlobo seyihlo, kufanele ungamu sondzeleli umkakhe; ungubabekati wakho. ¹⁵ Ungalali namalokatana wakho. Ungumkandvodzana yakho, ngako ungalali naye. ¹⁶ Ungalali nemkhula wakho, loko kungahlazisa lomnakenu. ¹⁷ Ungalali nemfati kanye nendvodzakati yakhe. Ungalali ngisho nendvodzakati yendvodzana yakhe nome nendvodzakati yendvodzakati yakhe; batinini takhe tengati. Kubi loko. ¹⁸ Dzadzewabomkakho ungamtsatsi njengemfati loyimbangi, udzimate ulale naye umkakho asaphila. ¹⁹ Ungasondzeli kulomsikati utewulala naye, kantsi usangcoliswe kubasesikhatsini. ²⁰ Ungalali nemkamakhelwane wakho utingcolise ngaye ²¹ Unganikeli ngemntfwanakho kutsi abe ngumhlatjelo kuMoloki, ngobe kufanele ningalihlambalati libito laNkulunkulu wenu. Ngingu Simakadze. ²² Ungalali nalomdvuna kube shangatsi ulele nalomsikati; loko kusinengiso. ²³ Ungalali nesilwane, utingcolise ngaso. Lomsikati angabotinikela esilwaneni kutsi silale naye; loko kuhlanekela tintfo. ²⁴ Ningati ngcolisi nome nganguyiphi yaletindlela, ngobe naletive lengitatikhipha lapho niya khona titingcolise kanjalo. ²⁵ Ngisho nelive imbala selangcoliseka; ngako ngalijezisela leso sono salo, lelive lavele latihlanta leto takhamiti talo. ²⁶ Nine, kumele, nigcine imitsetfo nemiyalo yami, futsi kumele ngingenti tintfo letenyanyisako, ngisho nalabo betive kanye netihambi labesemkhatsini wenu. ²⁷ Ngoba loku bubi lobentiwe bantfu bakulendzawo, labo labahle kulendzawo ngaphambikwenu, nyalo lendzawo seyingcolisiwe. ²⁸ Ngako ke caphelani kute lendzawo ingatewuhlanta naseniyingcolisile. Njengebo labahlantela bantfu lebaphimbikwenu ²⁹ Loyo lowenta tintfo letinyanyisako, loyo muntfu lowenta leto tintfo utawujutjwa kubantfu bakhe. ³⁰ Ngalokunjalo kufanele ugcine imitsetfo yami ungenti noma ngutiphi letintfo letinyanyekako temasiko lebe batenta ngaphambili kwenu, khona ningatingcolisi nine ngekwenu. Ngingu Simakadze Nkulunkulu wakho.''