¹ Kodwa loku kwamjabhisa Jona wase utfukutsela kakhulu. ² Ngako Jona wathandaza kuSimakadze watsi, "Maye, Simakadze, akusiko yini loku lengakusho nangibuya eveni lami? Kungako ngasuka kucala ngetama kubaleka eThashishi - ngobe bengati kutsi unguNkulunkulu lonemusa, nesihawu, uyemphuta kutfukutsela wandze ngelutsandvo lolungagucuki, bese uyema ekuletseni lomonakalo. ³ Ngako ke nyalo, Simakadze, ngiyakuncenga, tsatsa imphilo yami kimi, ngobe kuncono kimi kufa kunekuphila." ⁴ Simakadze watsi, "Kukahle yini kutsi ukwate kangaka?" ⁵ Ngako wase Jona uhamba kulelidolobha wahlala ngasemphumalanga kwalelidolobha. Lapho wakha umtfunti wase uhlala ngaphansi kwalesitfunti kute abone kutsi kungentekani kulelidolobha. ⁶ Simakadze Nkulunkulu walungisa sitfombo wasenta sakhula etukwaJona kute kutawuba sitfunti etukwe nhloko yakhe kuphele kukhatsateka. Jona wajabula kakhulu ngalesitfombo. Kodvwa Nkulunkulu walungisa sibungu ekuphumeni kwelilanga ngakusasa. ⁷ Sahlasela lesitfombo sabese lesitfombo siyabuna. ⁸ Kwenteka kutsi ngesikhatsi kuphuma lilanga ngakusasa ekuseni, Nkulunkulu walungisa umoya wemphumalanga loshisako. Futsi, lelilanga lashaya phansi enhloko yaJona wase uyacaleka. Wase Jona ufisa kutsi amane afe. Wakhuluma yedvwa atsi, "Kuncono kutsi ngife kunekutsi ngiphile." ⁹ Wase Nkulunkulu utsi kuJona, "Kulungile yini kutsi ukwatele lesitfombo." Wase Jona utsi, "Kukahle lokutsi ngikwatile, nasekufeni." ¹⁰ Simakadze watsi, "Ube nesihawu ngalesitfombo, longakasisebenteli, nome wasenta sakhula. Sikhule ebusuku saphindze safa ebusuku. ¹¹ Ngako mine, akukamele yini ngibe neluvelo ngeNinive, lelidolobha lelikhulu, lelinebantfu labangetulu kweti 120,000 labangawati umehluko emkhatsini wesandla sabo sangesekudla kanye nesandla sabo sangesencele, kanye netilwane letinyenti?"